ಕುಮಾರಧಾರ ಪರಿಸರ ಸ್ವಚ್ಛತೆ ಮಲ್ತಿನ ಡಾ.ರವಿ ಕಕ್ಕೆಪದವು ಸಮಾಜ ಸೇವಾ ಟ್ರಸ್ಟ್

ಸುಬ್ರಹ್ಮಣ್ಯ: ಸುಬ್ರಹ್ಮಣ್ಯದ ಡಾ.ರವಿ ಕಕ್ಕೆಪದವು ಸಮಾಜ ಸೇವಾ ಟ್ರಸ್ಟ್ ದಕುಲು ಜ.7 ಐತಾರ ಕುಮಾರಧಾರ ಸುತ್ತಮುತ್ತದ ಪರಿಸರನ್ ಸ್ವಚ್ಛತೆ ಮಲ್ತೆರ್.

ಶ್ರೀ ಕ್ಷೇತ್ರಗ್ ಮಸ್ತ್ ಸಂಖ್ಯೆಡ್ ಭಕ್ತಾದಿಲು ಬರೊಂದು ಉಲ್ಲೆರ್. ದೇವೆರೆನ ದರ್ಶನ ಪಡೆವೊಂದು ಉಲ್ಲೆರ್. ಆಂಡ ದೂರದ ಊರುರ್ದ್ ಬೇತೆ ಬೇತೆ ಕ್ಷೇತ್ರಲೆರ್ದ್ ಗಾಡಿಡ್ ಬರ್ಪುನ ಭಕ್ತಾದಿಲು ಮಾರ್ಗದ ಬರಿಟ್ಟ್ ಕಜವು, ಪ್ಲಾಸ್ಟಿಕ್ ಬಾಟಲಿ, ನೀರ್ ದ ಕ್ಯಾನ್, ತೆನಸ್ ದ ಡಬ್ಬಿನ್ ದಕ್ಕ್ ದ್ ಇಡೀ ಪರಿಸರನ್ ಮಾಲಿನ್ಯ ಮಲ್ತೊಂದು ಉಲ್ಲೆರ್. ಉಂದೆನ್ ತೂಯಿನ ಡಾ. ರವಿ ಕಕ್ಕೆಪದವು ಸಮಾಜ ಸೇವಾ ಟ್ರಸ್ಟ್ ದ ಸಂಸ್ಥಾಪಕೆರ್ ಡಾ. ರವಿ ಕಕ್ಕೆಪದವು ಬೊಕ್ಕ ಸಮಾಜ ಸೇವಾ ಟ್ರಸ್ಟ್ ದಕುಲು ತನ್ನ ಸ್ವಯಂಸೇವಕೆರೆನೊಟ್ಟಿಗೆ ಸ್ವಚ್ಛತೆದ ಬೇಲೆ ಮಲ್ತೆರ್. ಈ ಪೊರ್ತುಡು ಸ್ವಚ್ಛತೆದ ಜಬದಾರಿನ್ ಒಯಿಸೊನ್ನ ಜನಾರ್ಧನ್ ಗೌಡ ಮೆರೆಗ್ ಸನ್ಮಾನ ಮಲ್ತೆರ್.