ಕುಡ್ಲದ ಮಂಗಳಾ ದೇವಿದ ಶಾಂತ ದುರ್ಗಾ ಸ್ವಸಹಾಯ ಸಂಘದ ಮುತಾಲಿಕೆಡ್ ಸಸ್ಯ ಮೇಳ, ವಸ್ತು ಪ್ರದರ್ಶನ ಬೊಕ್ಕ ಮಾರಾಟ ಮೇಳ “ಕದ್ರಿ ಪಾರ್ಕ್ ಡ್ ಪರ್ಬದ ಮೇಳ” ಸಂಭ್ರಮ ನ.3ರ್ದ್ ನ. 5 ಮುಟ್ಟ ಪ್ರತಿ ದಿನ ಕಾಂಡೆ 9 ಗಂಟೆರ್ದ್ ರಾತ್ರೆ 9 ಗಂಟೆ ಮುಟ್ಟ ನಡಪರೆ ಉಂಡು. ನ.3 ಬಯ್ಯ 5 ಗಂಟೆಗ್ ಉದಿಪನ ಲೇಸ್ ನಡಪರೆ ಉಂಡು.
ಈ ಕಾರ್ಯಕ್ರಮಡ್ ಶಾಸಕೆರ್ ವೇದವ್ಯಾಸ್ ಕಾಮತ್ , ಮಹಾನಗರ ಪಾಲಿಕೆದ ಸದಸ್ಯೆರ್ ಶಕೀಲಾ ಕಾವ, ಕುಡ್ಲ ತೋಟಗಾರಿಕಾ ಇಲಾಖೆದ ಉಪನಿರ್ದೇಶಕೆರ್ ಹೆಚ್ ಆರ್ ನಾಯ್ಕ್, ACP ಟ್ರಾಫಿಕ್ ಪೊಲೀಸ್ ಗೀತಾ ಕುಲಕರ್ಣಿ, ಕುಡ್ಲ ದಕ ಜಿಲ್ಲಾ ಸಣ್ಣ ಕೈಗಾರಿಕಾ ಅಶೋಸಿಯೇಷನ್ದ ಅಧ್ಯಕ್ಷೆರ್ ವಿಶಾಲ್ ಎಲ್ ಸಾಲಿಯಾನ್, ಪಾಲ್ ಪಡೆಯೆರೆ ಉಲ್ಲೆರ್. ನ. 5 ದಾನಿ ಬಯ್ಯಗ್ 5 ಗಂಟೆಗ್ ಕಲಾ ತಪಸ್ವಿ ಸಾಂಸ್ಕೃತಿಕ ತಂಡ ಧರ್ಮನಗರ ವಿಟ್ಲ ಮೊಕ್ಲೆರ್ದ್ ಅಮೋಘ ಮನೋರಂಜನಾ ಕಾರ್ಯಕ್ರಮ ನಡಪರೆ ಉಂಡು.
pallavi shetty