ಕುಡ್ಲ: ಯಕ್ಷಗಾನ ಕಲಾವಿದೆರೆಗ್ ಯಕ್ಷಧ್ರುವ ಪಟ್ಲ ಫೌಂಡೇಶನ್ ಟ್ರಸ್ಟ್ ದ ಯೋಜನೆಲೆಡ್ ಒಂಜಾಯಿನ ಯಕ್ಷಾಶ್ರಯದ ಲೆಕ್ಕೊಡು ಇಲ್ಲ್ ಕಟ್ಟೆರೆ ಪನವುದ ಸಕಾಯನ್ ಟ್ರಸ್ಟ್ ದ ಕಚೇರಿಡ್ ಪಟ್ಟುನ ಲೇಸ್ ನಡತ್ಂಡ್.
ಸುಂಕದಕಟ್ಟೆ ಮೇಳದ ಜಯೇಂದ್ರ ಕಿದೂರ್, ಸಸಿಹಿತ್ಲು ಮೇಳದ ಗುಡ್ಡಪ್ಪ ಸುವರ್ಣ ಮೊಕ್ಕೆಗ್ 2ನೇ ಕಂತ್ ಬೊಕ್ಕ ಬಪ್ಪನಾಡ್ ಮೇಳದ ನಾಗಪ್ಪ ಪಡುಮಲೆ ಮೆರೆಗ್ ಅಕೇರಿದ ಕಂತ್ ದ ಕಾಸ್ ದ ಚೆಕ್ಕ್ ನ್ ಸ್ಥಾಪಕಾಧ್ಯಕ್ಷೆರಾಯಿನ ಪಟ್ಲ ಸತೀಶ್ ಶೆಟ್ರ್ ಕೊರಿಯೆರ್.
ಈ ಪೊರ್ತುಡು ಫೌಂಡೇಶನ್ ದ ಪ್ರಧಾನ ಕಾರ್ಯದರ್ಶಿ ಅಡ್ಯಾರ್ ಪುರುಷೋತ್ತಮ ಭಂಡಾರಿ, ಕೋಶಾಧಿಕಾರಿ ಸಿಎ ಸುದೇಶ್ ಕುಮಾರ್ ರೈ, ಜತೆ ಕಾರ್ಯದರ್ಶಿ ರವಿ ಶೆಟ್ಟಿ ಅಶೋಕನಗರ, ಬಪ್ಪನಾಡ್ ಮೇಳದ ದಿನೇಶ್ ಕೊಡಪದವು ಇತ್ತೆರ್.
pallavi shetty