ಮುಲ್ಲಿ : ಯುವವಾಹಿನಿ (ರಿ.) ಮುಲ್ಕಿ ಘಟಕದ ವತಿರ್ದ್ ವನಮಹೋತ್ಸವ ಲೇಸ್ ಜು.2 ಐತಾರ ಬೊಲ್ಪುಗು 10 ಗಂಟೆಗ್ ಆದಿ ಕಿಲ್ಲಾಡಿ ಶ್ರೀ ಧೂಮಾವತಿ ದೈವೊಲ್ಯದ ಚಾವಡಿಡ್ ನಡತ್ಂಡ್.
ಈ ಲೇಸ್ ದ ಗುರ್ಕಾರ್ಮೆನ್ ಘಟಕಾಧ್ಯಕ್ಷೆರ್ ಮಾಧವ ಪೂಜಾರಿ ಕಿಲ್ಪಾಡಿ ಒಯಿಸ್ ದಿತ್ತೆರ್. ಮಲ್ಲ ಬಿನ್ನೆರಾದ್ ದೈವೊಲ್ಯದ ಆಡಳಿತ ಸಮಿತಿದ ಅಧ್ಯಕ್ಷೆರ್ ರಂಗನಾಥ್ ಶೆಟ್ಟಿ ಬೊಕ್ಕ ಅರ್ಚಕೆರ್ ಹರೀಶ್ ಪೂಜಾರಿ ಪಾಲ್ ಪಡೆದಿತ್ತೆರ್.
ಈ ಪೊರ್ತುಡು ಚಾವಡಿಡ್ ಕಾರ್ಯದರ್ಶಿ ವಿನಯ ವಿಶ್ವನಾಥ್ ಕಿಲ್ಪಾಡಿ, ಸಮಾಜ ಸೇವಾ ನಿರ್ದೇಶಕಿ ರಾಜೇಶ್ವರಿ ನಿತ್ಯಾನಂದ ಇತ್ತೆರ್. ಬೊಕ್ಕ ಅಧ್ಯಕ್ಷೆರ್ ಗ್ರಾಮದ ಪ್ರಮುಖೆರೆಗ್ ಪೂ ಕೊರ್ದು ಗೌರವಿಸಾಯೆರ್. ಅವೆರ್ದ್ ಬೊಕ್ಕ ಕಿಲ್ಪಾಡಿ ಗ್ರಾಮದ ದೈವೊಲ್ಯಡ್ ಲೇಸ್ ಆಯೋಜನೆ ಮಲ್ತಿನ ನೆಂಪುಗಾದ್ ಯುವವಾಹಿನಿದ ಮಾತ ಸದಸ್ಯೆರೆಗ್ ದೈವೊಲ್ಯದ ವತಿರ್ದ್ ಪೂ ಕೊರ್ದು ಅಭಿನಂದನೆ ಸಂದಾಯೆರ್.
ತಾರೆ ದೈ, ಕಂಗ್ ದೈ, ಲಕ್ಷ್ಮಣ ಫಲ ದೈ, ಬಾರೆ ದೈ, ಪೆಲಕಾಯಿದ ದೈ ಬೊಕ್ಕ ಕುಕ್ಕುದ ದೈನ್ ನಡಿಯೆರ್. ಬಿನ್ನೆರೆಗ್ ಲೇಸ್ ಡ್ ಪಾಲ್ ಪಡೆಯಿನ ನೆಂಪುಗಾದ್ ಲಕ್ಷ್ಮಣ ಫಲತ್ತ ದೈನ್ ಕೊರಿಯೆರ್. ಘಟಕದ ಮಾಜಿ ಅಧ್ಯಕ್ಷೆರ್ ಸತೀಶ್ ಕಿಲ್ಪಾಡಿ ಈ ಲೇಸ್ ದ ಸುಧಾರಿಕೆ ಮಲ್ತೆರ್. ಕಾರ್ಯದರ್ಶಿ ವಿನಯ ವಿಶ್ವನಾಥ್ ಕಿಲ್ಪಾಡಿ ಸೊಲ್ಮೆ ಸಂದಾಯೆರ್.
pallavi shetty