ಕುಡ್ಲ: ಕುಡ್ಲದ ಹರೀಶ್ ಮೇರ್ ಇಸೇಸ ಚೇತನ ಆನ್, ಆಂಡ ಅಸಾಮಾನ್ಯ ಸಾಧನೆ ಮಲ್ತ್ ದ್ ಮೇರ್ ಜೂನ್ 3 ಕ್ಕ್ ನಡತಿನ ಅಂತಾರಾಷ್ಟ್ರೀಯ ಸ್ಪೆಷಲ್ ಒಲಿಂಪಿಕ್ಸ್ ಸಮ್ಮರ್ ಗೇಮ್ಸ್-2023ತ್ತ ಪವರ್ ಲಿಫ್ಟಿಂಗ್ ಡ್ 3 ಬಂಗಾರ್, 1 ಬೊಳ್ಳಿದ ಪದಕ ಗೆಂದ್ ದೆರ್.
ಮೇರ್ ಶಕ್ತಿನಗರದ ಸಾನಿಧ್ಯ ವಸತಿ ಶಾಲೆದ ಕಲ್ಪಾರ್ಥಿ ಆತೆರ್. ಅತ್ತಂದೆ ನನದ ಪಂತೊಗುಲ ತಯಾರ್ ಮಲ್ತೊಂದು ಉಲ್ಲೆರ್. ಒಲಿಂಪಿಕ್ಸ್ ಡ್ ಸಾಧನೆ ಮಲ್ತಿನ ಬೊಕ್ಕ ಮೇರ್, ಮಾಜಿ ರಾಷ್ಟ್ರಪತಿ ರಾಮನಾಥ್ ಕೋವಿಂದರೆನ್ ಭೇಟಿ ಮಲ್ತ್ ದ್ ಬೈದೆರ್.
ಹರೀಶ್ ಮೂಲತಃ ಬೆಂಗ್ಲೂರ್ ದಾರ್. 2018 ರ್ದ್ ಸಾನಿಧ್ಯ ಕಲ್ಪಾರ್ಥಿ ಆದುಲ್ಲೆರ್. ಮುಲ್ಪ ಶಾಲೆದ ಆಡಳಿತಾಧಿಕಾರಿ ವಸಂತ್ ಶೆಟ್ಟಿ ಬೊಕ್ಕ ಶಿಕ್ಷಕೆರೆನ ಪ್ರೋತ್ಸಾಹರ್ದ್ ಪವರ್ ಲೆಫ್ಟಿಂಗ್ ಡ್ ಉಲ್ಲೆರ್. ತರಬೇತಿಗಾರೆ ಪ್ರೇಮ್ ನಾಥ್ ಉಳ್ಳಾಲ್ ಮೆರೆಗ್ ಕೋಚ್ ಆತೆರ್. ಕುಡ್ಲದ ಮಂಗಳಾ ಸ್ಟೇಡಿಯಂಡ್ ಏಪಲ 3,4 ಗಂಟೆ ಪರಿಶ್ರಮ ಪಾಡ್ದ್ ಇನಿ ಈ ಸಾಧನೆ ಮಲ್ದೆರ್.
ಮೆರೆಗ್ ಇನಿ ಪುರಭವನಡ್ ನಡತಿನ ಲೇಸ್ ಡ್ ಜಿಲ್ಲಾಧಿಕಾರಿ ಮುಲ್ಲೈ ಮಹಿಲನ್, ಎಸ್ಪಿ ರಿಷ್ಯಂತ್ ಮೇರ್ ತಮ್ಮನ ಮಲ್ತ್ ದ್, ಅಭಿನಂದನೆ ಮಲ್ತೆರ್.
pallavi shetty