ಒಡಿಪು: ಸಂತೆಕಟ್ಟೆಡ್ ನಡತಿನ ರಾಷ್ಟ್ರೀಯ ಹೆದ್ದಾರಿ 66ತ್ತ ಅಂಡರ್ಪಾಸ್ ಕಾಮಗಾರಿನ್ ಒಡಿಪು ಶಾಸಕೆರ್ ಯಶ್ಪಾಲ್ ಸುವರ್ಣ ಮೇರ್ ಇನಿ ಪರಿಶೀಲನೆ ಮಲ್ತೆರ್.
ಅತ್ತಂದೆ ಮೇರ್ ಉಪ್ಪೂರು ಕೊಳಲಗಿರಿ ಕ್ರಾಸ್, ಬ್ರಹ್ಮಾವರದ ಪೊಸ ತಾಲೂಕ್ ಸೌಧದ ಕೈತಲ್ ದ ಬೊಕ್ಕ ಬಲಾಯಿಪಾದೆ ಕುತ್ಪಾಡಿ ಸಂಪರ್ಕ ಮಾರ್ಗದ ಜಾಗೆಗ್ ಭೇಟಿ ಕೊರ್ದು ಪರಿಶೀಲನೆ ನಡಪಾಯೆರ್.
ಬರ್ಸ ಸುರು ಆಪಿನೆರ್ದಾವರ ಸರಿತ್ತ ಮಾರ್ಗ ಸಂಚಾರ ಬೊಕ್ಕ ಸುರಕ್ಷತೆದ ದೃಷ್ಟಿರ್ದ್ ಸರಿಯಾಯಿನ ಕ್ರಮ ದೆತೊನಿಯೆರೆ ಶಾಸಕೆರ್ ರಾಷ್ಟ್ರೀಯ ಹೆದ್ದಾರಿ ಪ್ರಾಧಿಕಾರದ ಅಧಿಕಾರಿಲು ಬೊಕ್ಕ ಕಾಮಗಾರಿ ನಡಪಾವೊಂದು ಇಪ್ಪುನ ಕಂಪೆನಿದ ಪ್ರತಿನಿಧಿಲೆಗ್ ಸೂಚನೆ ಕೊರಿಯೆರ್.
ಈ ಪೊರ್ತುಡು ಕೈತಲ್ ದ ನಗರಸಭೆ ಸದಸ್ಯೆರಾಯಿನ ಮಂಜುಳಾ ನಾಯಕ್, ಜಯಂತಿ, ಬಾಲಕೃಷ್ಣ ಶೆಟ್ಟಿ, ಕಲ್ಯಾಣ ಪುರ ಗ್ರಾಮ ಪಂಚಾಯತ್ ಅಧ್ಯಕ್ಷೆರ್ ಕೃಷ್ಣ ದೇವಾಡಿಗ, ಗ್ರಾಪಂ ಸದಸ್ಯೆರ್ ಸತೀಶ್ ನಾಯ್ಕ್, ನವೀನ್ ಕಾಂಚನ್, ಉಮೇಶ್ ಬಡನಿಡಿಯೂರು, ಮುಖಂಡೆರ್ ಬೈಕಾಡಿ ಸುಪ್ರಸಾದ್ ಶೆಟ್ಟಿ ಉಮೇಶ್ ಶೆಟ್ಟಿ, ನಿಶಾನ್ ರೈ, ಜಯ ಬಲೈಪಾದೆ, ಸುನೀಲ್ ಉಪ್ಪೂರು ಇತ್ತೆರ್.
pallavi shetty