ಉಜ್ಜಯಿನಿಡ್ ಮಹಾಕಾಲ್ ಲೋಕ ಕಾರಿಡಾರ್ ಉದಿಪನ ಮಲ್ಪರೆ ಉಲ್ಲೆರ್ ಪ್ರಧಾನಿ ಮೋದಿ

ಉಜ್ಜಯಿನಿ : ಮಂದಿರ ಪರಿಸರ ವಿಸ್ತಾರ್ ಯೋಜನೆದಡಿಟ್ ಕುಡೋರ ಅಭಿವೃದ್ದಿ ಮಲ್ತಿನ ಮಧ್ಯಪ್ರದೇಶದ ಮಹಾಕಾಳೇಶ್ವರ ದೇವಲ್ಯದ ಸುರುತ್ತ ಹಂತೊದ ಮಹಾಕಾಲ್ ಲೋಕ ಕಾರಿಡಾರ್ ನ್ ಇನಿ ಪ್ರಧಾನಿ ನರೇಂದ್ರ ಮೋದಿ ಉದಿಪನ ಮಲ್ಪರೆ ಉಲ್ಲೆರ್.

ಈ ಲೇಸ್ ಗ್ 600 ಮೀಟರ್ ಉದ್ದಗ್ ತುಡರ್ ನ್ ದೀದಿತ್ತ್ ದ್, ಉಜ್ಜಯಿನಿದ ಮಲ್ಲ ಲೇಸ್ ಗ್ ಸಿಂಗಾರ ಆತುಂಡು. ಮುಖ್ಯಮಂತ್ರಿ ಶಿವರಾಜ್ ಸಿಂಗ್ ಚೌಹಾಣ್ ರಾಜ್ಯಡ್ ದೀಪಾವಳಿ ರೀತಿಡ್ ಆಚರಣೆ ಮಲ್ಪರೆ ಲೆಪ್ಪು ಕೊರ್ತೆರ್. ಇನಿ ಬಯ್ಯಗ್ 5.30 ಗಂಟೆಗ್ ಪ್ರಧಾನಿ ಮೋದಿ ಬತ್ತ್‌ದ್ ಉದಿಪನ ಮಲ್ಪರೆ ಉಲ್ಲೆರ್.