January 2024

ಏಳಿಂಜೆ ಶ್ರೀ ಆದಿ ಜಾರಂದಾಯ ಬಂಟ ದೈವೊಲ್ಯಡ್ ಗೌಜಿದ ಬ್ರಹ್ಮಕುಂಭಾಭಿಷೇಕ

ಮುಲ್ಕಿ: ಕಿನ್ನಿಗೋಳಿ ಕೈತಲ್ದ ಏಳಿಂಜೆ ಶ್ರೀ ಆದಿ ಜಾರಂದಾಯ ಬಂಟ ದೈವೊಲ್ಯಡ್ ಶ್ರೀ ಚಾರಂದಾಯ ಬೊಕ್ಕ ಬಂಟ ದೈವೊಲೆನ ಪುನರ್ ಪ್ರತಿಷ್ಠೆ ಬೊಕ್ಕ ಬ್ರಹ್ಮ ಕುಂಭಾಭಿಷೇಕ ಕ್ಷೇತ್ರದ ಆಸ್ರಣ್ಣೆರಾಯಿನ ವೈವಿ ಗಣೇಶ್ ಭಟ್ ಮುತಾಲಿಕೆಡ್ ಜ.15 ಸೋಮಾರ ಗೌಜಿಡ್ ನಡತ್ಂಡ್.

ಧಾರ್ಮಿಕ ಲೇಸ್ ದ ಲೆಕ್ಕೊಡು ಜ.14 ಐತಾರ ಶ್ರೀ ಕ್ಷೇತ್ರಗ್ ದೈವೊದ ಭಂಡಾರ ಬತ್ತ್ಂಡ್. ಬೊಕ್ಕ ಪ್ರಾರ್ತನೆ, ನವಕ ಕಲಶಾಭಿಷೇಕ, ಮಹಾಪೂಜೆ ನಡತ್ಂಡ್.

ಜ.15 ಕ್ಕ್ ಬೊಲ್ಪುಗು ಶ್ರೀ ಜಾರಂದಾಯ ಬಂಟ ದೈವೊಲೆಗ್ ಬ್ರಹ್ಮ ಕುಂಭಾಷೇಕ, ಮಧ್ಯಾಹ್ನ ಅನ್ನ ಪ್ರಸಾದ ಸೇವೆ, ರಾತ್ರೆ ಚೌತಿ ಪರ್ಬ ಬೊಕ್ಕ ದೈವೊದ ದರ್ಶನ ದೀಪಾರಾಧನೆ ಬಲಿ, ದೈವೊದ ಗಗ್ಗರ ಸೇವೆ, ಶ್ರೀ ಜಾರಂದಾಯ ಬಂಟ ದೈವೊಲೆನ ದರ್ಶನ ಬಂಡಿ ಬಲಿ ನೇಮೋಚ್ಚಯ ನಡತ್ಂಡ್.

ಈ ಪೊರ್ತುಡು ವಿದ್ವಾನ್ ವರುಣ್ ಭಟ್, ಕ್ಷೇತ್ರದ ಆಡಳಿತ ಮೊಕ್ತೇಸರೆರ್ ಸದಾನಂದ ಎಂ ಶೆಟ್ಟಿ, ಗುತ್ತಿನಾರ್ ಬಾಲಕೃಷ್ಣ ಶೆಟ್ಟಿ ಏಳಿಂಜೆ ಅಂಗಡಿಗುತ್ತು ಬೊಕ್ಕ ಭಕ್ತೆರ್ ಪಾಲ್ ಪಡೆದಿತ್ತೆರ್.

ಜ.21: ಮೀರಾರೋಡ್ ಶ್ರೀ ಬಾಲಾಜಿ ಇಂಟರ್ ನ್ಯಾಷನಲ್ ಹಾಲ್ ಡ್ ಮಹಾಪೂಜೆ

ಥಾಣೆ: ಮೀರಾರೋಡ್ ಶ್ರೀ ದುರ್ಗಾ ಭಜನಾ ಸೇವಾ ಮಂಡಳಿ (ರಿ.) ದ 17 ನೇ ವರ್ಷದ ಮಹಾಪೂಜೆ ಜ.21 ಐತಾರ ಮೀರಾರೋಡ್ ಶ್ರೀ ಬಾಲಾಜಿ ಇಂಟರ್ ನ್ಯಾಷನಲ್ ಹಾಲ್ ಡ್ ನಡಪರೆ ಉಂಡು.

ಆನಿ ಬೊಲ್ಪುಗು ಶ್ರೀ ಸತ್ಯನಾರಾಯಣ ಮಹಾಪೂಜೆ, ಶ್ರೀ ಲಕ್ಷ್ಮೀ ದೇವಿ ಅಷ್ಟೋತ್ತರನಾಮವಳಿ ಬೊಕ್ಕ ಕುಂಕುಮಾರ್ಚನೆ, ಮಧ್ಯಾಹ್ನ ಶ್ರೀ ಶನೀಶ್ವರ ದೇವೆರೆನ ಕಲಶ ಪ್ರತಿಷ್ಟಾಪನೆ, ಶ್ರೀ ಶನೀಶ್ವರ ಗ್ರಂಥ ಪಾರಾಯಣ, ಪೊಂಜೋವುಲೆರ್ದ್ ಹಳದಿ ಕುಂಕುಮ ಲೇಸ್, ಬಯ್ಯಗ್ ಭಜನೆ, ರಾತ್ರೆ ಮಹಾ ಮಂಗಳಾರತಿ, ಅನ್ನ ಪ್ರಸಾದ ಸೇವೆ ನಡಪರೆ ಉಂಡು.

ಈ ಲೇಸ್ ಡ್ ಮಾತೆರ್ಲಾ ಪಾಲ್ ಪಡೆದ್ ಗಂಧ ಪ್ರಸಾದ ದೆತೊಂದು ಶ್ರೀ ದೇವಿನ ಕೃಪೆಗ್ ಪಾತ್ರರಾವೊಡು ಪಂದ್ ಮಾನಾದಿಗೆದ ಗುರ್ಕಾರೆ ಸಂಜೀವ ಆರ್ ಶೆಟ್ಟಿ, ಗುರ್ಕಾರೆ ಶ್ಯಾಮ್ ಸಿ ಅಮೀನ್, ಪದುಕೆರ್ ಬೊಕ್ಕ ಸರ್ವಸದಸ್ಯೆರ್ ಲೆಪ್ಪೋಲೆಡ್ ತೆರಿಪಾದೆರ್.

ಜೈ ತುಲುನಾಡ್‌ (ರಿ.) ದ 10 ನೇ ಆನ್‌ಲೈನ್‌ ಪರೀಕ್ಷೆದ ರಿಸಲ್ಟ್ ಬುಡುಗಡೆ

ಜೈ ತುಲುನಾಡ್‌ (ರಿ.) ಬೊಕ್ಕ ಕರ್ನಾಟಕ ತುಳು ಸಾಹಿತ್ಯ ಅಕಾಡೆಮಿದ ಒಟ್ಟು ಸೇರಿಗೆಡ್ ಬಲೆ ತುಲು ಲಿಪಿ ಕಲ್ಪುಗ ಲೇಸ್ ದ ಲೆಕ್ಕೊಡು 10 ನೇ ಆನ್‌ಲೈನ್‌ ತುಳು ಲಿಪಿ ಪರೀಕ್ಷೆ ಡಿ.10 ಕ್ಕ್ ನಡತ್ಂಡ್.

ಇತ್ತೆ ನೆತ್ತ ರಿಸಲ್ಟ್ ಬುಡುಗಡೆ ಆತ್ಂಡ್.

ಈ ಪರೀಕ್ಷೆಡ್
JTON2429- ಸನಿಹ ವಿ ಆಚಾರ್ಯ
JTON24665- ದೀಕ್ಷಿತ
JTON2420- ಅಭಿನಯ 100 ಮಾರ್ಕ್ ನ್ ಪಡೆದ್ ಸುರುತ್ತ ತಾನಡ್ ಉಲ್ಲೆರ್.

JTON2428- ಅಕ್ಷತಾ
JTON2425- ಮೇಘನ
JTON2439- ಅಕ್ಷತಾ ಆರ್‌ ಗೌಡ 99 ಮಾರ್ಕ್ ಪಡೆದ್ ರಡ್ಡನೇ ತಾನಡ್ ಉಲ್ಲೆರ್.

JTON2483- ಶಶಿಕಾಂತ
JTON2440- ಅದಿತಿ ಜಿ ಅಮೀನ್‌
JTON2434- ರಾಧಿಕಾ
JTON2433- ವಿಜೇತ ಕೆ.ಎಮ್‌
JTON2424- ಶ್ರಾವ್ಯ ಮಡಿವಾಳ
JTON2421- ಲಾವಣ್ಯ
JTON2419- ಶಿಲ್ಪಾ
JTON2479- ಐಶ್ವರ್ಯ 98 ಮಾರ್ಕ್ ಪಡೆದ್ ಮೂಜಿನೇ ತಾನಡ್ ಉಲ್ಲೆರ್.

ಮುಲ್ಕಿ ಅರಸು ಕಂಬುಲದ ಫೊಟೊ ಪಂತೊ ಬೇತೆ ಕಂಬುಲಗ್ ಮಾದರಿ: ದುಗ್ಗಣ್ಣ ಸಾವಂತೆರ್

ಹಳೆಯಂಗಡಿ: ಮೂಲ್ಕಿ ಸೀಮೆ ಅರಸು ಕಂಬುಲಗ್ ಈ ಸರ್ತಿ ಮೈಸೂರು ಮನೆತನದ ರಾಜೆರ್ ಬತ್ತ್ ದ್ ಶೋಭೆ ಕನತಿಲೆಕನೆ ಫೊಟೊಗ್ರಾಫರ್ ನಕುಲು ಏರ್ಪಾಡ್ ಮಲ್ದಿನ ಫೊಟೊಗ್ರಫಿ ಪಂತೊ ಬೇತೆ ಕಂಬುಲ ಆಯೋಜಕೆರೆಗ್ ಮಾದರಿ ಆತ್ಂಡ್ ಪಂದ್ ಮೂಲ್ಕಿ ಸೀಮೆ ಅರಸೆರಾಯಿನ ಎಂ. ದುಗ್ಗಣ್ಣ ಸಾವಂತೆರ್ ಪಂಡೆರ್.

ಆರ್ ಪಡುಪಣಂಬೂರು ಮೂಲ್ಕಿ ಅರಮನೆತ್ತ ಕಾಂತಾಬಾರೆ ಬೂದಾಬಾರೆ ಧರ್ಮಚಾವಡಿಡ್ ಸೌತ್ ಕೆನರಾ ಫೋಟೋಗ್ರಾಫರ್ಸ್ ಅಸೋಸಿಯೇಶನ್‌ ಮೂಲ್ಕಿ ವಲಯದ ಸಂಯೋಜನೆಡ್ ಬುಧವಾರ ನಡತಿನ “ಮೂಲ್ಕಿ ಸೀಮೆ ಅರಸು ಕಂಬಳ ವೈಭವ” ಫೊಟೊಗ್ರಫಿ ಪಂತೊದ ಇನಾಮು ಪಟ್ಟುನ ಲೇಸ್ ಡ್ ಪಾತೆರಿಯೆರ್.

ದಕ್ಷಿಣ ಕನ್ನಡ-ಉಡುಪಿ ಜಿಲ್ಲೆದ ಸೌತ್ ಕೆನರಾ ಫೋಟೋಗ್ರಾಫರ್ಸ್ ಅಸೋಸಿಯೇಶನ್‌ನ ಅಧ್ಯಕ್ಷೆರ್ ಪದ್ಮಪ್ರಸಾದ್ ಜೈನ್ ಅಧ್ಯಕ್ಷತೆ ಒಯಿಸ್ ದ್ ಪಾತೆರ್ದ್, ಮೂಲ್ಕಿ ವಲಯದ ಫೊಟೊ ಪಂತೊನು ತೂದು ಪ್ರೇರಣೆ ಆದ್ ಬೈಂದೂರು ಕಂಬುಲಡ್ ಲ ಪಂತೊ ಆಯೋಜನೆ ಮಲ್ದಿನವು ಮೆಚ್ಚೊಡಾಯಿನ ಪಂದ್ ಪಂಡೆರ್.

ಸೌತ್ ಕೆನರಾ ಫೋಟೋಗ್ರಾಫರ್ಸ್ ಅಸೋಸಿಯೇಶನ್‌ದ ಮೂಲ್ಕಿ ವಲಯದ ಅಧ್ಯಕ್ಷೆರ್ ಪ್ರಕಾಶ್ ಸುವರ್ಣ ಮೂಲ್ಕಿ ಪಂತೊದ ಮಾಹಿತಿ ಕೊರ್ದು, ರಡ್ಡ್ ಜಿಲ್ಲೆರ್ದ್ ಒಟ್ಟು 17 ವಲಯದ ಸದಸ್ಯೆರೆಗ್ ಈ ಸ್ಪರ್ಧೆ ಮಲ್ತ್ ದ್ ಪನವು ಇನಾಮು ಕೊರ್ಪಿನ ಮುಕೇನ ಪ್ರೋತ್ಸಾಹ ಮಲ್ತ್ ದ ಪಂಡ್ ದ್ ತೆರಿಪಾಯೆರ್.

ಮೂಲ್ಕಿ ಅರಮನೆತ್ತ ಗೌತಮ್ ಜೈನ್ ಬಹುಮಾನ ಪಟ್ಟಿಯೆರ್. ತಾ.ಪಂ. ಮಾಜಿ ಸದಸ್ಯೆರ್ ಜೀವನ್‌ಪ್ರಕಾಶ್ ಕಾಮೆರೊಟ್ಟು, ಜಿಲ್ಲಾ ಉಪಾಧ್ಯಕ್ಷೆರ್ ಜಯಕರ್ ಸುವರ್ಣ ಉಡುಪಿ, ಎಸ್‌ಕೆಪಿಎ ಸೊಸೈಟಿದ ನಿರ್ದೇಶಕೆರ್ ಮೋಹನ್ ರಾವ್, ಜಿಲ್ಲಾ ನಿರ್ದೇಶಕೆರ್ ರವಿ ಕೋಟ್ಯಾನ್, ಜಿಲ್ಲಾ ಜೊತೆ ಕಾರ್ಯದರ್ಶಿ ಹರೀಶ್ ಪಿ. ಕೋಟ್ಯಾನ್ ಪಡುಪಣಂಬೂರು, ವಲಯ ಛಾಯಾ ನಿರ್ದೇಶಕೆರ್ ಪ್ರಣೀತ್ ಸುವರ್ಣ, ಕೋಶಾಧಿಕಾರಿ ನಾಗರಾಜ್ ಪೂಜಾರಿ ಬಪ್ಪನಾಡು, ಸಾಂಸ್ಕೃತಿಕ ಕಾರ್ಯದರ್ಶಿ ಸೇಸಪ್ಪ ದೇವಾಡಿಗ, ಸಂಘಟನಾ ಕಾರ್ಯದರ್ಶಿ ರಾಜೇಶ್ ಹಳೆಯಂಗಡಿ, ನವೀನ್‌ಚಂದ್ರ ಸುವರ್ಣ, ಸದಸ್ಯೆರ್ ವರ್ಷಿತ್ ಸುವರ್ಣ ಇತ್ತೆರ್. ವಲಯ ಕಾರ್ಯದರ್ಶಿ ಯೋಗೀಶ್ ಪಾವಂಜೆ ಕಾರ್ಯಕ್ರಮ ನಿರೂಪಣೆ ಮಲ್ತೆರ್.

ಫೊಟೊ ಪಂತೊಡು ಗೆಂದಿನಕುಲು:
ರಮಾನಂದ ಪೈ ಎನ್. ಮಂಗಳೂರು (ಸುರೂತ್ತ ಇನಾಮು), ರವಿ ಕೋಟ್ಯಾನ್ ಮೂಡಬಿದಿರೆ (ರಡ್ಡನೇ), ಸಾಗರ್ ದೇವಾಡಿಗ ಮಂಗಳೂರು (ಮೂಜಿನೇ ಇನಾಮು).

ಜ.19: SP ಸರಪಾಡಿ ಮೆರೆನ ಬಂಗಾರ್ ದ ಕುರಲ್ ಬೂಕು ಬುಡುಗಡೆ

ಸರಪಾಡಿ ಕ್ಷೇತ್ರದ ಬಗೆಟ್ಟ್ ಉಲ್ಲೇಖ ಇಪ್ಪುನ ಐತಿಹಾಸಿಕ ಬೊಕ್ಕ ಸರಪಾಡಿ ಗ್ರಾಮದ ಹಳ್ಳಂಗಾರ್ ಕಂಬುಲಡ್ ಪುರಾಣ ಕಾಲಡ್ ತೋಜಿದ್ ಬತ್ತಿನ ಬಂಗಾರ್ ದ ತೆನೆತ್ತ ನಿಜಕಥೆ ಇಪ್ಪುನ SP ಸರಪಾಡಿ ಮೆರೆನ ಬಂಗಾರ್ದ ಕುರಲ್ ಬೂಕು ಜ.19 ಸುಕ್ರಾರ ಬುಡುಗಡೆ ಆಪುಂಡು.

ಒಂಜಿ ಬೂಕುಗು 100 ರೂ. ಉಂಡು. ಈ ಕಾಸ್ ಶರಭೇಶ್ವರ ದೇವೆರೆನ ಜೀರ್ಣೋದ್ಧಾರಗ್ ಸಂದುಂಡು. ಅಂಚಾದ್ ನಿಕುಲು ಮಾತೆರ್ಲಾ ಶ್ರೀ ಕ್ಷೇತ್ರರ್ದ್ ಬೂಕುನ್ ದೆತೊಂದು ಓದುದು ಶ್ರೀ ದೇವೆರೆನ ಕೃಪೆಗ್ ಪಾತ್ರರಾವೊಡು ಪಂದ್ ದೇವಲ್ಯದ ಸರ್ವಸದಸ್ಯೆರ್ ಬಿನ್ನಾಪು ಮಲ್ದೆರ್.

ಡಾ.ಎನ್.ಎಸ್.ಎ.ಎಮ್. ಪ್ರಥಮ ದರ್ಜೆ ಕಾಲೇಜ್ ಬೊಕ್ಕ ಐ.ಸಿ.ಎ.ಐ ಸಹಯೋಗ ಒಪ್ಪಂದ

ಶೈಕ್ಷಣಿಕ ಕ್ಷೇತ್ರಡ್ ಸಹಯೋಗ ಬೊಕ್ಕ ಗುಣಮಟ್ಟನ್ ತೂಪಾವುನ ನಿಲೆಟ್ಟ್ ನಿಟ್ಟೆ ಪರಿಗಣಿತ ವಿಶ್ವವಿದ್ಯಾಲಯದ ಆಫ್ ಕ್ಯಾಂಪಸ್ ಸೆಂಟರ್ ದ ಡಾ. ನಿಟ್ಟೆ ಶಂಕರ ಅಡ್ಯಂತಾಯ ಸ್ಮಾರಕ ಪ್ರಥಮ ದರ್ಜೆ ಕಾಲೇಜ್ ಭಾರತೀಯ ಚಾರ್ಟೆಡ್ ಅಕೌಂಟೆಂಟ್ಸ್ ಆಫ್ ಇಂಡಿಯಾದ (ಐಸಿಎಐ) ಶೈಕ್ಷಣಿಕ ವಿಭಾಗದೊಟ್ಟಿಗೆ ಶೈಕ್ಷಣಿಕ ಬೊಕ್ಕ ಸಂಶೋಧನಾ ಸಹಯೋಗಗಾದ್ ಜ.11 ಕ್ಕ್ ಕುಡ್ಲಡ್ ನಡತಿನ ಲೇಸ್ ಡ್ ಪರಸ್ಪರ ತಿಳುವಳಿಕೆ ಪತ್ರಗ್ ಸೈ ಪಾಡಿಯೆರ್.

ಡಾ. ನಿಟ್ಟೆ ಶಂಕರ ಅಡ್ಯಂತಾಯ ಸ್ಮಾರಕ ಪ್ರಥಮ ದರ್ಜೆ ಕಾಲೇಜ್ 1988 ರ್ದ್ ಕಾರ್ಲದ ನಿಟ್ಟೆ ಗ್ರಾಮಡ್ ಪದವಿ ಶಿಕ್ಷಣನ್ ಕೊರೊಂದು ಉಂಡು. ಇತ್ತೆ 2022 ನೇ ಸಾಲ್ ರ್ದ್ ಗ್ರಾಮೀಣ ಪ್ರದೇಶಡ್ ಜಾಗತಿಕ ಗುಣಮಟ್ಟದ ಶಿಕ್ಷಣನ್ ಕೊರ್ಪುನ ಧ್ಯೇಯದೊಟ್ಟಿಗೆ ಸಂಸ್ಥೆ ನಿಟ್ಟೆ ಪರಿಗಣಿತ ವಿಶ್ವವಿದ್ಯಾಲಯದ ಆಫ್ ಕ್ಯಾಂಪಸ್ ಸೆಂಟರ್ ದ ಭಾಗವಾದ್ ಶೈಕ್ಷಣಿಕ ಚಟುವಟಿಕೆನ್ ದುಂಬಾರಿಸಾದ್ಂಡ್. ಈ ದಿಟ್ಟಿಡ್ ಶೈಕ್ಷಣಿಕ ಚಟುವಟಿಕೆಗ್ ಪೂರಕವಾದ್ ದೇಶದ ಸುಮಾರ್ ಸಂಸ್ಥೆದೊಟ್ಟಿಗೆ ಸಹಯೋಗಗ್ ಒಪ್ಪಂದ ಮಲ್ದ್ಂಡ್. ಐಸಿಎಐದೊಟ್ಟಿಗೆದ ಈ ಒಪ್ಪಂದ ಸಂಸ್ಥೆ ಶೈಕ್ಷಣಿಕ ಬದ್ದತೆನ್ ನನಾತ್ ಸರಿ ಮಲ್ಪೆರೆ ಉಂಡು. ಐಸಿಎಐದೊಟ್ಟಿಗೆ ಈ ಒಪ್ಪಂದ ವಾಣಿಜ್ಯ ಶಾಸ್ತ್ರ ಬೊಕ್ಕ ನಿರ್ವಹಣಾ ಶಾಸ್ತ್ರದಡಿಟ್ಟ್ ಕೊರ್ಪುನ ಇಸಯಲೆಗ್ ಶೈಕ್ಷಣಿಕ ಸಹಕಾರನ್ ಕೊರ್ಪುನ ಧ್ಯೇಯ ಉಂಡು. ಈ ಮುಕೇನ ಶಿಕ್ಷಣ ಸಂಸ್ಥೆ ಎಚ್ಚ ಪರಿಣಾಮಕಾರಿಯಾದ್ ಶೈಕ್ಷಣಿಕ ಬೊಕ್ಕ ಸಂಶೋದನೆಡ್ ಇಪ್ಪೆರೆ ಬೋಡಾಯಿನ ಜ್ಞಾನ ಬೊಕ್ಕ ಕೌಶಲ್ಯನ್ ಪರಸ್ಪರ ವಿನಿಮಯ ಮಲ್ಪುನಲ್ಪ ಈ ಸಹಯೋಗ ಸಕಾಯ ಕೊರೊಂದು ಉಂಡು. ಅತ್ತಂದೆ ಈ ಮುಕೇನ ನನದ ಪೀಳಿಗೆದ ಪದವೀಧರೆರೆನ್ ಔದ್ಯೋಗಿಕ ಕ್ಷೇತ್ರಡ್ ನಿಪುಣ ಮಲ್ಪುನ ಉದ್ದೇಶ ಈ ಜ್ಞಾಪನಾ ಪತ್ರಡ್ ಉಂಡು.

ತಿಳುವಳಿಕೆ ಪತ್ರಗ್ ಸೈನ್ ಪಾಡುನ ಪೊರ್ತುಡು ಐಸಿಎಐ ದ ಶೈಕ್ಷಣಿಕ ಮಂಡಳಿ ಒತ್ತು ಗುರ್ಕಾರೆ ದಯಾನಿವಾಸ್ ಶರ್ಮ ಪಾತೆರ್ದ್, ಈ ನಮ್ಮ ಸಂಸ್ಥೆದ ನಡುತ್ತ ಒಪ್ಪಂದ ಶೈಕ್ಷಣಿಕ ವಲಯದ ಪಠ್ಯಕ್ರಮ ಉದ್ಯಮದ ಗುಣಮಟ್ಟ ಬೊಕ್ಕ ಬೇಡಿಕೆನ್ ಪೂರೈಸಾಯೆರೆ ಸಕಾಯ ಮಲ್ಪುಂಡು ಪಂದ್ ಪಂಡೆರ್.

ಲೇಸ್ ಡ್ ಪಾಲ್ ಪಡೆದಿತ್ತಿನ ಸಿ.ಎ. ಕೆಂದ್ರೀಯ ಪರಿಷತ್ ಸದಸ್ಯೆರ್ ಎಸ್. ಶ್ರೀನಿವಾಸ್ ಕೋಥಾ ಪಾತೆರ್ದ್, ಈ ರೀತಿದ ಸಹಯೋಗಲು ಶಿಕ್ಷಣರಂಗಡ್ ಸಕಾರಾತ್ಮಕ ಬದಲಾವಣೆನ್ ಕನಯೆರೆ ಅಗತ್ಯ ಇಪ್ಪುನ ಪ್ರಾಯೋಗಿಕ ಕೌಶಲ್ಯ ಬೊಕ್ಕ ನೈತಿಕ ಮೌಲ್ಯ ಇಪ್ಪುನ ನವ ಪದವಿದರೆರೆನ್ ರೂಪಿಸಾಯೆರೆ ಸಹಕಾರಿ ಆತ್ಂಡ್ ಪಂದ್ ಪಂಡೆರ್.

ಐಸಿಎಐ ಶೈಕ್ಷಣಿಕ ಮಂಡಳಿ ಗುರ್ಕಾರೆ ವಿಶಾಲ್ ಪಿ. ದೋಷಿ ತಿಳುವಳಿಕಾ ಪತ್ರಗ್ ಸೈನ್ ಪಾಡುನ ಸಂಸ್ಥೆಗ್ ಅಭಿನಂದನೆ ತೆರಿಪಾಯೆರ್.

ಪರಸ್ಪರ ಸಹಯೋಗದ ತಿಳುವಳಿಕೆ ಪತ್ರಗ್ ಸೈನ್ ಪಾಡುನ ಪೊರ್ತುಡು ಲೇಸ್ ಡ್ ಐಸಿಎಐ ದ ಕುಡ್ಲ ಶಾಖೆದ ಗುರ್ಕಾರೆ ಸಿಎ ಗೌತಮ್ ನಾಯಕ್ ಎಂ, ನಿಟ್ಟೆ ಪರಿಗಣಿತ ವಿಶ್ವಿದ್ಯಾಲಯದ ಉಪಕುಲಪತಿ ಡಾ. ಎಂ.ಎಸ್. ಮುಡಿತ್ತಾಯ, ಡಾ.ಎನ್.ಎಸ್.ಎ.ಎಂ. ಪ್ರಥಮ ದರ್ಜೆ ಕಾಲೇಜ್ ದ ಪ್ರಾಂಶುಪಾಲೆರ್ ಡಾ.ವೀಣಾಕುಮಾರಿ. ಬಿ.ಕೆ. ಪಾಲ್ ಪಡೆದಿತ್ತೆರ್.

ಜ.14-18: ದೇವಂದಬೆಟ್ಟು ಶ್ರೀ ಲಕ್ಷ್ಮೀವಿಷ್ಣುಮೂರ್ತಿ ದೇವಲ್ಯಡ್ ವರ್ಷಾವಧಿ ಉಚ್ಚಯ

ಬಂಟ್ವಾಳ: ದೇವಂದಬೆಟ್ಟು ಶ್ರೀ ಲಕ್ಷ್ಮೀವಿಷ್ಣುಮೂರ್ತಿ ದೇವಲ್ಯಡ್ ಜ.14-18 ಮುಟ್ಟ ವರ್ಷಾವಧಿ ಉಚ್ಚಯ ನಡಪರೆ ಉಂಡು.

ಈ ಲೇಸ್ ಬ್ರಹ್ಮಶ್ರೀ ಉಚ್ಚಿಲತ್ತಾಯ ಪದ್ಮನಾಭ ತಂತ್ರಿಲೆನ ಮುತಾಲಿಕೆಡ್ ನಡಪರೆ ಉಂಡು.

ಜ.14 ಐತಾರ ಬೊಲ್ಪುಗು ಗಣಹೋಮ, ಕಲಶಾಭಿಷೇಕ, ಸಾಮೂಹಿಕ ಪ್ರಾರ್ಥನೆ, ಕೊಡಿ ಏರ್ಂಡ್, ಮಹಾಪೂಜೆ, ಮಧ್ಯಾಹ್ನದ ಬಲಿ, ಅನ್ನ ಪ್ರಸಾದ ಸೇವೆ ಬಯ್ಯಗ್ ಭಜನೆ, ರಾತ್ರೆ ಮಲ್ಲ ರಂಗಪೂಜೆ ನಡತ್ಂಡ್.

ಜ.15 ಸೋಮಾರ ಬೊಲ್ಪುಗು ಗಣಹೋಮ, ಬೊಲ್ಪುದ ಬಲಿ, ಕಲಶಾಭಿಷೇಕ, ಮಧ್ಯಾಹ್ನದ ಬಲಿ, ಅನ್ನ ಪ್ರಸಾದ ಸೇವೆ ಬಯ್ಯಗ್ ಭಜನೆ ರಾತ್ರೆ ಮಹಾಪೂಜೆ ನಡತ್ಂಡ್.

ಜ.16 ಅಂಗಾರೆ ಬೊಲ್ಪುಗು ಗಣಹೋಮ, ಬೊಲ್ಪುದ ಬಲಿ, ಕಲಶಾಭಿಷೇಕ ನಡತ್ಂಡ್. ಮಧ್ಯಾಹ್ನದ ಬಲಿ, ಬಯ್ಯಗ್ ಭಜನೆ, ರಾತ್ರೆ ಸವಾರಿ ಬಲಿ, ಕಟ್ಟೆಪೂಜೆ, ಅಷ್ಟಾವಧಾನ ಸೇವೆ, ಮಹಾಪೂಜೆ ನಡಪರೆ ಉಂಡು.

ಜ.17 ಬುಧಾರ ಬೊಲ್ಪುಗು ಗಣಹೋಮ, ಕಲಶಾಭಿಷೇಕ, ಮಹಾಪೂಜೆ, ದೇವೆರೆನ ದರ್ಶನ ಬಲಿ, ಬಟ್ಟಲ್ ಕಾಣಿಕೆ, ತೇರ್ ಒಯಿಪೆರೆ, ಮಧ್ಯಾಹ್ನ ಭಜನೆ ಬಯ್ಯಗ್ ತೇರ್ ಉಚ್ಚಯ, ದೇವೆರೆ ಕಟ್ಟೆಪೂಜೆ, ಮಹಾಪೂಜೆ, ಶ್ರೀ ಭೂತ ಬಲಿ, ಶ್ರೀ ದೇವೆರೆ ಶಯನ, ಕವಾಟ ಬಂಧನ ನಡಪರೆ ಉಂಡು.

ಜ.18 ಗುರುವಾರ ಬೊಲ್ಪುಗು ಮಹಾಪೂಜೆ, ತುಲಾಭಾರ ಸೇವೆ, ಸಾರ್ವಜನಿಕ ಶ್ರೀ ಸತ್ಯನಾರಾಯಣ ಪೂಜೆ, ಮಧ್ಯಾಹ್ನ ಚೂರ್ಣೋತ್ಸವ, ಬಯ್ಯಗ್ ಭಜನೆ, ದೇವೆರೆ ಅವಭೃತ ಸ್ನಾನಗ್ ಪಿದಾಡಿಯೆರೆ, ರಾತ್ರೆ ಜಳಕದ ಬಲಿ, ಕೊಡಿ ಜಾವೆರೆ, ಮಹಾಪೂಜೆ ಬೊಕ್ಕ ಕಟೀಲ್ ಮೇಳದಕ್ಲೆರ್ದ್ ಶ್ರೀ ದೇವಿ ಮಹಾತ್ಮೆ ಆಟ ನಡಪರೆ ಉಂಡು.

ಈ ಲೇಸ್ ಗ್ ಮಾತೆರ್ಲಾ ಬತ್ತ್ ದ್ ಶ್ರೀ ದೇವೆರೆನ ಕೃಪೆಗ್ ಪಾತ್ರರಾವೊಡು ಪಂದ್ ದೇವಲ್ಯದ ವ್ಯವಸ್ಥಾಪನಾ ಸಮಿತಿದ ಗುರ್ಕಾರೆ ಕೆ ರಮೇಶ ಉಪಾಧ್ಯಾಯ ನೆತ್ತರಕೆರೆ, ಪ್ರಧಾನ ಕಾರ್ಯದರ್ಶಿ ದಾಮೋದರ ನೆತ್ತರಕೆರೆ ಬೊಕ್ಕ ಉಚ್ಚಯ ಸಮಿತಿದ ಗುರ್ಕಾರೆ ಮಹಾಬಲ ಶೆಟ್ಟಿ ನುಂಗೂರು, ಕೋಶಾಧಿಕಾರಿ ದಾಮೋದರ ತುಂಗ ಬೆಂಜನಪದವು, ಪ್ರಧಾನ ಕಾರ್ಯದರ್ಶಿ ಶ್ರೀಕಾಂತ್ ದರಿಬಾಗಿಲು ಬೊಕ್ಕ ಸರ್ವಸದಸ್ಯೆರ್ ಲೆಪ್ಪೋಲೆಡ್ ತೆರಿಪಾದೆರ್.

ಜ.14-23: ಕಾಂತಾವರ ಶ್ರೀ ಕಾಂತೇಶ್ವರ ದೇವಲ್ಯಡ್ ವರ್ಷಾವಧಿ ಜಾತ್ರೆ

ಕಾರ್ಲ: ಕಾಂತಾವರ ಶ್ರೀ ಕಾಂತೇಶ್ವರ ದೇವಲ್ಯಡ್ ಜ.14-23 ಮುಟ್ಟ ವರ್ಷಾವಧಿ ಜಾತ್ರೆ ನಡಪರೆ ಉಂಡು.

ಜ.16 ಅಂಗಾರೆ (ಇನಿ) ಬಯ್ಯಗ್ ಭಜನಾ ಸೇವೆ ಬೊಕ್ಕ ಉಚ್ಚಯ ಬಲಿ ನಡಪರೆ ಉಂಡು.

ಜ.20 ಸನಿಯಾರ ಚಂದ್ರ ಮಂಡಲೋಚ್ಚಯ ರಾತ್ರೆ ಪಲ್ಲಕ್ಕಿ ಉಚ್ಚಯ ನಡಪರೆ ಉಂಡು.

ಜ.21 ಐತಾರ ತೇರ್ ಉಚ್ಚಯ ರಾತ್ರೆ ಕಿನ್ನಿಗೋಳಿ ವಿಜಯಾ ಕಲಾವಿದೆರೆರ್ದ್ ತೊಟ್ಟಿಲ್ ತುಳು ನಾಟಕ ನಡಪರೆ ಉಂಡು.

ಇನಿ ಉಲ್ಲಂಜೆ ಶ್ರೀ ಕ್ಷೇತ್ರ ಕೊರಗಜ್ಜ ಮಂತ್ರದೇವತಾ ಚಾಮುಂಡೇಶ್ವರೀ ಗುಳಿಗ, ಭದ್ರಕಾಳಿ ಸನ್ನಿಧಿದ ಚಾವಡಿಡ್ ಶ್ರೀ ದೇವಿ ಲಲಿತೋಪಾಖ್ಯಾನ ಆಟ

ಪಾವಂಜೆ ಶ್ರೀ ಜ್ಞಾನಶಕ್ತಿ ಸುಬ್ರಹ್ಮಣ್ಯ ಸ್ವಾಮಿ ಕೃಪಾಪೋಷಿತ ಯಕ್ಷಗಾನ ಮಂಡಳಿದಕ್ಲೆರ್ದ್ ಶ್ರೀ ದೇವಿ ಲಲಿತೋಪಾಖ್ಯಾನ ಆಟ ಜ.16 ಅಂಗಾರೆ (ಇನಿ) ಬಯ್ಯಗ್ ಉಲ್ಲಂಜೆ ಶ್ರೀ ಕ್ಷೇತ್ರ ಕೊರಗಜ್ಜ ಮಂತ್ರದೇವತಾ ಚಾಮುಂಡೇಶ್ವರೀ ಗುಳಿಗ, ಭದ್ರಕಾಳಿ ಸನ್ನಿಧಿದ ಚಾವಡಿಡ್ ನಡಪರೆ ಉಂಡು.

ಈ ಲೇಸ್ ಡ್ ಮಾತೆರ್ಲಾ ಪಾಲ್ ಪಡೆದ್ ಶ್ರೀ ದೇವೆರೆನ ಕೃಪೆಗ್ ಪಾತ್ರರಾವೊಡು ಪಂದ್ ಅಪ್ಪಿ ಪೂಜಾರ್ತಿ ಬೊಕ್ಕ ಜೋಕುಲು, ಉಲ್ಲಂಜೆ ಶ್ರೀ ಕ್ಷೇತ್ರದ ಧರ್ಮದರ್ಶಿಲು ಹರೀಶ್ ಪೂಜಾರಿ ಬೊಕ್ಕ ಸೇವಾ ಭಕ್ತವೃಂದ ಸಮಿತಿ ಲೆಪ್ಪೋಲೆಡ್ ತೆರಿಪಾದೆರ್.

ಜ.14-18: ಪಟ್ರಮೆ-ಅನಾರು ಶ್ರೀ ದುರ್ಗಾಪರಮೇಶ್ವರೀ ದೇವಲ್ಯಡ್ ವರ್ಷಾವಧಿ ಜಾತ್ರೆ ಉಚ್ಚಯ

ಬೊಲ್ತೇರ್: ಪಟ್ರಮೆ-ಅನಾರು ಶ್ರೀ ದುರ್ಗಾಪರಮೇಶ್ವರೀ ದೇವಲ್ಯಡ್ ಜ.14-18 ಮುಟ್ಟ ವರ್ಷಾವಧಿ ಜಾತ್ರೆ ಉಚ್ಚಯ ನಡಪರೆ ಉಂಡು.

ಈ ಲೇಸ್ ಧರ್ಮಸ್ಥಳದ ಧರ್ಮಾಧಿಕಾರಿ ಡಾ/ ಡಿ.ವೀರೇಂದ್ರ ಹೆಗ್ಗಡೆರೆನ ಮಾರ್ಗದರ್ಶನಡ್, ಬ್ರಹ್ಮಶ್ರೀ ಉಚ್ಚಿಲ ಪದ್ಮನಾಭ ತಂತ್ರಿಲು ನೀಲೇಶ್ವರ ಮೆರೆನ ಮುತಾಲಿಕೆಡ್ ನಡಪರೆ
ಉಂಡು.

ಜ.14 ಐತಾರ ಬೊಲ್ಪುಗು ತೋರಣ ಮೂರ್ತ, ಬಯ್ಯಗ್ ಕೊಡಿತ್ತ ಸುತ್ತು ಬಲಿ, ಮಹಾಪೂಜೆ ನಡತ್ಂಡ್.

ಜ‌.15 ಸೋಮಾರ ಮಹಾಪೂಜೆ, ಸುತ್ತು ಬಲಿ, ಪೆರ್ಲೆಕಟ್ಟೆ ಪೂಜೆ, ನೃತ್ಯೋತ್ಸವ, ಮಂಗಳಾರತಿ ನಡತ್ಂಡ್.

ಜ.16 ಅಂಗಾರೆ ಮಹಾಪೂಜೆ, ಸುತ್ತು ಬಲಿ, ಉಳಿಯಬೂಡುದ ಕಟ್ಟೆಪೂಜೆ, ನೃತ್ಯೋತ್ಸವ, ಮಂಗಳಾರತಿ ನಡಪರೆ ಉಂಡು.

ಜ.17 ಬುದಾರ ಬೊಲ್ಪುಗು ಉಳಿಯಬೂಡುರ್ದ್ ಉಳ್ಳಾಲ್ತಿ ನಾಡದೈವೊಲೆನ ಭಂಡಾರ ಬರಿಯೆರೆ, ಮಹಾಪೂಜೆ, ದರ್ಶನ ಬಲಿ, ಬಟ್ಟಲ್ ಕಾಣಿಕೆ, ಮಹಾಪೂಜೆ, ಸುತ್ತುಬಲಿ, ಕೆಮನೋಡಿ ಕಟ್ಟೆಪೂಜೆ, ನೃತ್ಯೋತ್ಸವ, ಕವಾಟ ಬಂಧನ ನಡಪರೆ ಉಂಡು.

ಜ.18 ಗುರುವಾರ ಬೊಲ್ಪುಗು ಗಣಹೋಮ, ತೈಲಾಭಿಷೇಕ, ಪಂಚಾಮೃತ ಅಭಿಷೇಕ, ನವಕ ಕಲಶಾಭಿಷೇಕ, ಬಟ್ಟಲ್ ಕಾಣಿಕೆ, ಕೊಡಿ ಜಾವೆರೆ, ಮಹಾಪೂಜೆ ನಡಪರೆ ಉಂಡು.

ಈ ಲೇಸ್ ಡ್ ಮಾತೆರ್ಲಾ ಪಾಲ್ ಪಡೆದ್ ಪ್ರಸಾದ ದೆತೊಂದು ಶ್ರೀ ದೇವಿನ ಕೃಪೆಗ್ ಪಾತ್ರರಾವೊಡು ಪಂದ್ ಉಳಿಯಬೂಡು ಅನುವಂಶಿಕ ಆಡಳಿತ ಮೊಕ್ತೇಸರೆರ್ ನಿತೇಶ್ ಬಲ್ಲಾಳ್, ಅರ್ಚಕೆರ್ ಯು.ವಿ ಗುರುಪ್ರಸಾದ್ ನಿಡ್ವಣ್ಣಾಯ ಬೊಕ್ಕ ಸರ್ವಸದಸ್ಯೆರ್ ಲೆಪ್ಪೋಲೆಡ್ ತೆರಿಪಾದೆರ್.