November 2023

ಕಡಬ: ಡ್ರೈವರ್‌ನ ಅಂಕೆ ತತ್ತ್‌ದ್ ಕರೆಂಟ್ ಕಂಬೊಗು ಎಡ್ತಿನ ಕಾರ್

ಕಡಬ– ಪಂಜ ಸಾದಿದ ಕೋಡಿಂಬಾಳ ತಿರ್ಗೋಸುಡ್ ಡ್ರೈವರ್‌ನ ಕೈ ತತ್ತ್‌ದ್ ಬೊಲೇರೋ ಗಾಡಿ ಒಂಜಿ ಕರೆಂಟ್ ಕಂಬೊಗು ಎಡ್ತ್‌ದ್ ಗಾಡಿಡಿತ್ತಿನಕುಲು ಬಚಾವಾತಿನ ನಡಕೆ ಇನಿ ಕಾಂಡೆ ನಡತ್‌ದ್ಂಡ್.

ಸುಳ್ಯ ತಾಲೂಕು ಕಲ್ಲ್‌ಗುಂಡಿದ ಚೇತನ್ ಪನ್ಪಿನಾರ್ ತನ್ನ ಇಲ್ಲದಕಲೆನೊಟ್ಟುಗು ಕುಡುಮಗ್ ಪೋವೊಂದುಪ್ಪುನಗ ಕೋಡಿಂಬಾಳಡ್ ಗಾಡಿ ಕಂಬೊಗು ಎಡ್ತ್‌ದ್ಂಡ್. ನಡಕೆಡ್ ಗಾಡಿಡಿತ್ತಿನ ಬಾಲೆ ಸೇರ್ದ್ ಮೂಜಿ ಜನ ಎಲ್ಯೆಲ್ಯ ಗಡಿಕುಲಾದ್ ಅಪಾಯರ್ದ್‌ ಬಚಾವಾತೆರ್.

ಸುಬ್ರಹ್ಮಣ್ಯೇಶ್ವರ ಪದವಿಪೂರ್ವ ಕಾಲೇಜ್‌ದ ವಾರ್ಷಿಕೋತ್ಸವ

ಸುಬ್ರಹ್ಮಣ್ಯ: ಕುಕ್ಕೆ ಶ್ರೀ ಸುಬ್ರಹ್ಮಣ್ಯ ದೇವಸ್ಥಾನದ ಆಡಳಿತಗ್‌ ಒಳಪಟ್ಟಿನ ಶ್ರೀ ಸುಬ್ರಹ್ಮಣ್ಯೇಶ್ವರ ಪದವಿಪೂರ್ವ ಕಾಲೇಜ್‌ಡ್ ಶುಕ್ರವಾರ ವಾರ್ಷಿಕೋತ್ಸವ ಸಮಾರಂಭ ನಡತ್‌ಂಡ್.‌ ಲೇಸ್‌ದ ಉದಿಪನ ಮಲ್ತ್‌ದ್‌ ಪಾತೆರ್ನ ಪ್ರಾಧ್ಯಾಪಕಿ ಅನಿತಾ ಲಕ್ಷ್ಮಿಕಾಂತ್ , ಕಠಿಣ ಬೊಕ್ಕ ಪರಿಶ್ರಮಯುತ ಜ್ಞಾನಾರ್ಜನೆ ಬದ್ಕ್‌ದ ಎಡ್ಡೆಪ್ಪುದ ತಾದಿಬೊಲ್ಪು. ಅಂಚಾದ್ ಬಂಗ ಬತ್ತ್ ದ್ ಶಿಕ್ಷಣನ್ ಪಡೆಯೊನರೆ ಪ್ರತಿಯೊರಿಲ  ಮನಸ್ ಮಲ್ಪೊಡು ಪಂದ್‌ ಪಂಡೆರ್.

ಕುಕ್ಕೆ ಶ್ರೀ ಸುಬ್ರಹ್ಮಣ್ಯ ದೇವಳದ ಸಹಾಯಕ ಕಾರ್ಯನಿರ್ವಹಣಾಧಿಕಾರಿ ಬೊಕ್ಕ ತಾ.ಪಂ.ಮುಖ್ಯ ಕಾರ್ಯ ನಿರ್ವಹಣಾಧಿಕಾರಿ ರಾಜಣ್ಣ ಲೇಸ್‌ದ ಗುರ್ಕಾರ್ಮೆನ್‌ ವಹಿಸ್‌ದ್‌ ಇತ್ತೆರ್. ಸುಬ್ರಹ್ಮಣ್ಯ ಗ್ರಾ.ಪಂ. ಗುರ್ಕಾರ್ದಿ ಸುಜಾತಾ ಕಲ್ಲಾಜೆ, ಕುಕ್ಕೆ ಶ್ರೀ ಸುಬ್ರಹ್ಮಣ್ಯ ದೇವಸ್ಥಾನದ ವ್ಯವಸ್ಥಾಪನಾ ಸಮಿತಿದ ಮಾಜಿ ಗುರ್ಕಾರ್ಲು ಕೇನ್ಯ ರವೀಂದ್ರನಾಥ ಶೆಟ್ಟಿ, ಕಾಲೇಜ್‌ದ ನಿವೃತ್ತ ಹಿಂದಿ ಉಪನ್ಯಾಸಕೆರ್ ಎ.ಮೋಹನ ಗೌಡ, ಹಿರಿಯ ವಿದ್ಯಾರ್ಥಿನಿ ಮೋಹಿನಿ ಮೋಹನ ಗೌಡ, ಕಾಲೇಜ್‌ದ ಪ್ರಾಂಶುಪಾಲೆರ್ ಸೋಮಶೇಖರ ನಾಯಕ್, ಪ್ರೌಢಶಾಲಾ ವಿಭಾಗದ ಹಿರಿಯ ಸಹಶಿಕ್ಷಕೆರ್ ಎಂ.ಕೃಷ್ಣ ಭಟ್, ಸಾಂಸ್ಕೃತಿಕ ಸಂಘದ ಸಂಚಾಲಕಿ ರೇಖಾರಾಣಿ ಸೋಮಶೇಖರ್, ಹಿರಿಯ ವಿದ್ಯಾರ್ಥಿ ಸಂಘದ ಉಪಾಧ್ಯಕ್ಷೆರ್ ಲೋಕೇಶ್ ಬಿ.ಎನ್, ಶಿಕ್ಷಕ-ರಕ್ಷಕ ಸಂಘದ ಗುರ್ಕಾರ್ಲು ರಾಜೇಶ್ ಮಾವಿನಕಟ್ಟೆ, ಪ್ರೌಢಶಾಲಾ ವಿಭಾಗದ ಶಿಕ್ಷಕ ರಕ್ಷಕ ಸಂಘದ ಗುರ್ಕಾರ್ಲು ದಿನೇಶ್ ಶಿರಾಡಿ, ಕಾಲೇಜು ವಿಭಾಗದ ವಿದ್ಯಾರ್ಥಿ ನಾಯಕೆ ಚೇತನ್ ,ಪ್ರೌಢಶಾಲಾ ವಿಭಾಗದ ವಿದ್ಯಾರ್ಥಿ ನಾಯಕೆ ವಾಗೀಶ್ ಈ ಪೊರ್ತುಡು ಇತ್ತೆರ್.‌

ಕರಿನ 33 ವರ್ಷರ್ದ್ ಕಾಲೇಜ್‌ಡ್ ಹಿಂದಿ ಉಪನ್ಯಾಸಕೆರಾದ್ ಬೇಲೆ ಮಲ್ತಿನ ಮೋಹನ ಗೌಡ ಮೇರೆಗ್‌ ಮಾನಾದಿಗೆ ನಡತ್‌ಂಡ್.‌ ಅಂಚನೆ ಕರಿನ ವಾರ್ಷಿಕ ಪರೀಕ್ಷೆಡ್ 85% ಎಚ್ಚ ಅಂಕ ಪಡೆನ 76 ವಿದ್ಯಾರ್ಥಿಲೆಗ್ ದತ್ತಿನಿಧಿ ಇನಾಮು ಕೊರ್ದು ಮಾನಾದಿಗೆ ಮಲ್ತೆರ್. ಸುಬ್ರಹ್ಮಣ್ಯ ಗ್ರಾ.ಪಂ.ಅಧ್ಯಕ್ಷೆ ಸುಜಾತಾ ಕಲ್ಲಾಜೆ ಧ್ವಜಾರೋಹಣ ಮಲ್ತೆರ್. ರೇಖಾರಾಣಿ ಸೋಮಶೇಖರ್ ಸೊಲ್ಮೆ ಸಂದಾಯ ಮಲ್ತೆರ್. ಹಿರಿಯ ಉಪನ್ಯಾಸಕಿ ಜಯಶ್ರೀ.ವಿ.ದಂಬೆಕೋಡಿ ಬಿನ್ನೆರೆನ್‌ ಎದ್ಕೊಂಡೆರ್. ಪ್ರಾಚಾರ್ಯ ಸೋಮಶೇಖರ ನಾಯಕ್ ವಾರ್ಷಿಕ ವರದಿ ವಾಚನ ಮಲ್ತೆರ್. ಉಪನ್ಯಾಸಕಿ ಶ್ರುತಿ ಯಾಲದಾಳು ಸನ್ಮಾನಪತ್ರ ವಾಚನ ಮಲ್ತೆರ್. ಉಪನ್ಯಾಸಕೆರ್ ಪ್ರವೀಣ್, ಶಿಕ್ಷಕ ಸುರೇಶ್, ದೈಹಿಕ ಶಿಕ್ಷಣ ಉಪನ್ಯಾಸಕೆರ್ ರಾಧಾಕೃಷ್ಣ ಚಿದ್ಗಲ್ ಬೇತೆ ಬೇತೆ ವಿಭಾಗಡ್‌ ಮಾನಾದಿಗೆ ಪಡೆನ ಪಟ್ಟಿನ್‌ ವಾಚನ ಮಲ್ತೆರ್.

ಉಪನ್ಯಾಸಕೆರ್ ಡಾ.ಪ್ರಜ್ವಲ್ ಸೊಲ್ಮೆ ಸಂದಾಯ ಮಲ್ತೆರ್.ದ್ವಿತೀಯ ಕಲಾ ಎ ವಿಭಾಗದ ವಿದ್ಯಾರ್ಥಿನಿ ಸಂಖ್ಯಾ ಲೇಸ್‌ದ ಸುದಾರಿಕೆ ಮಲ್ತೆರ್.ಬೊಕ್ಕ ಪ್ರೌಢಶಾಲಾ ವಿಭಾಗದ ವಿದ್ಯಾರ್ಥಿರ್ದ್ ಸಾಂಸ್ಕೃತಿಕ ಕಾರ್ಯಕ್ರಮ ನಡತ್‌ಂಡ್.