ಕುಡ್ಲ: ಪಿಲಿಕುಳದ ಡಾ. ಶಿವರಾಮ ಕಾರಂತ ಜೈವಿಕ ಮೃಗಾಲಯಡ್ ಇನಿ ಪಿಲಿಯೊಂಜಿ ತಿಗಲೆ ಬೇನೆಡ್ ತೀರ್ ಪೋತುಂಡು.
ನೆರ್ದ್ ದುಂಬು ರಡ್ಡ್ ಪಿಲಿತ್ತ ನಡುಟ್ ಲಡಾಯಿ ನಡತ್ ಒಂಜಿ ಪಿಲಿ ತೀರ್ ಪೋದಿತ್ತ್ಂಡ್. ಕುಡೊಂಜಿ ಪೆಟ್ಟಾಯಿನ ಪಿಲಿ ಹುಷಾರ್ ಆದಿತ್ತ್ಂಡ್. ಆಂಡ ಅವುಲ ಇನಿ ತಿಗಲೆ ಬೇನೆಡ್ ತೀರ್ ಪೋತ್ಂಡ್ ಪಂದ್ ತೆರಿದ್ ಬೈದ್ಂಡ್. ಪಿಲಿತ್ತ ಮರಣೋತ್ತರ ಪರೀಕ್ಷೆ ನಡತೊಂದು ಉಂಡು.
ಮಣಿಪಾಲ: ರೇಡಿಯೊ ಮಣಿಪಾಲ್ 90.4 Mhz ಡ್ ಜೆಸಿಐ ಕಲ್ಯಾಣಪುರದ ಮುತಾಲಿಕೆಡ್ ಹೊಂಬೆಳಕು-ವ್ಯಕ್ತಿತ್ವ ವಿಕಸನ ಸರಣಿ ಲೇಸ್ ದ 10ನೇ ಸಂಚಿಕೆ ಜೂ.6 ಅಂಗಾರೆ ಬಯ್ಯಗ್ 5.30ಕ್ಕ್ ಪ್ರಸಾರ ಆಪುಂಡು.
ಈ ಲೇಸ್ ಡ್ ಶಿಕ್ಷಕೆರ್, ಬರವುಗಾರೆ ನರೇಂದ್ರ ಕುಮಾರ್ ಕೋಟ ಪಾಲ್ ಪಡೆಯೆರೆ ಉಲ್ಲೆರ್. ನನ ಜೂ.7 ಮಧ್ಯಾಹ್ನ 1.30ಕ್ಕ್ ಕುಡೊರ ಪ್ರಸಾರ ಆಪುಂಡು.
ಕುಡ್ಲ: ನೈತಿಕ ಪೊಲೀಸ್ ಗಿರಿ ಉಂತಾಯೆರೆ ಕುಡ್ಲ ಪೇಂಟೆಡ್ ಆ್ಯಂಟಿ ಕಮ್ಯುನಲ್ ವಿಂಗ್ ಸುರು ಮಲ್ಪೆರೆ ಸೂಚನೆ ಕೊರ್ತೆ ಪಂದ್ ಗೃಹ ಸಚಿವೆರ್ ಡಾ. ಜಿ. ಪರಮೇಶ್ವರ್ ಪಂಡೆರ್.
ಕುಡ್ಲಡ್ ಪಶ್ಚಿಮ ವಲಯದ ದ.ಕ., ಒಡಿಪು, ಉ.ಕ., ಚಿಕ್ಕಮಗಳೂರು, ಒಡಿಪು ಜಿಲ್ಲೆದ ಪೊಲೀಸ್ ಅಧಿಕಾರಿಲೆನ ಸಭೆತ್ತ ಬೊಕ್ಕ ಗೃಹ ಸಚಿವೆರ್ ಪತ್ರಿಕಾಗೋಷ್ಠಿಡ್ ಪಾತೆರಿಯೆರ್.
ಕೋಮುಸೌಹಾರ್ದ ಕಾಪಾಡಿಯೆರೆ ಕಠಿನ ಕ್ರಮಗ್ ಪೊಲೀಸೆರೆಗ್ ಸೂಚನೆ ಕೊರ್ತೆ ಪಂದ್ ಪಂಡಿನ ಮೇರ್ ನನ ಬೇತೆ ಕಡೆಟ್ಟ್ ಅಗತ್ಯ ಬೂರುಂಡ ಅಲ್ಪಲ ವಿಂಗ್ ರಚನೆ ಮಲ್ಪುವ ಪಂದ್ ಪಂಡೆರ್.
ಮುಲ್ಪದ ಜನಕುಲೆಗ್ ಪೋಡಿಗೆ ಇಜ್ಜಂದಿನ ವಾತಾವರಣ ನಿರ್ಮಾಣ ಮಲ್ಪೊಡು. ಡ್ರಗ್ಸ್ ನಿಯಂತ್ರಣಗ್ ಅಭಿಯಾನ ನಡಪಾಯೆರೆ ಸೂಚನೆ ಕೊರ್ತೆ. ಆ.15 ತ್ತ ಉಲಯಿ ಡ್ರಗ್ಸ್ ಚಟುವಟಿಕೆ ಉಂತಾಯೆರೆ ಗಡುವು ಕೊರ್ತೆ ಪಂದ್ ಪಂಡೆರ್.
ಕಿನ್ನಿಗೋಳಿ: ಉರ್ಲ್ ಗ್ ತಿಕ್ಕೊಂದು ಚಿರತೆ ಸೈತಿನ ಘಟನೆ ಕಿನ್ನಿಗೋಳಿ ಕೈತಲ್ ದ ಐಕಳ ಗ್ರಾಮ ಪಂಚಾಯತ್ ವ್ಯಾಪ್ತಿದ ಉಳೆಪಾಡಿ ಮಿತ್ತಬೆಟ್ಟುದ ಗುಡ್ಡೆಡ್ ನಡತ್ಂಡ್.
ಗುಡ್ಡೆಡ್ ಕೈತಲ್ ದಕುಲು ಕಾಡ್ ಪ್ರಾಣಿಲೆನ ತೊಂದರೆ ತಡೆಯೆರೆ ಆವಂದೆ ದೀನ ಉರ್ಲ್ ಗ್ ತೆನಸ್ ನಾಡೊಂದು ಬತ್ತಿನ ಚಿರತೆ ರಾತ್ರೆ ಬೂರ್ದುಂಡು. ಬೊಲ್ಪುಗು ಕೈತಲ್ ಇಲ್ಲದಕುಲು ಗುಡ್ಡೆಡ್ ನಾಯಿ ಕೊರೆಪುನ ಶಬ್ದ ಕೇಂದ್ ಜಾಗೆಗ್ ಪೋದು ತೂನಗ ಈ ಇಸಯ ಗೊತ್ತಾತ್ಂಡ್. ಅರಣ್ಯಾಧಿಕಾರಿಲು ಜಾಗೆಗ್ ಬತ್ತ್ ದ್ ತನಿಖೆ ಮಲ್ತೊಂದು ಉಲ್ಲೆರ್.
ಛತ್ರಪತಿ ಶಿವಾಜಿ ಮಹಾರಾಜೆರ್ನ ಮೂರ್ತಿನ್ ಖೈರವಾಡ ಗ್ರಾಮಡ್ ಪ್ರತಿಷ್ಠಾಪನೆ ಮಲ್ಪರೆ ಮೆರವಣಿಗೆದ ಮುಖೇನ ಮಹಾರಾಜೆರೆನ ಮೂರ್ತಿ ಖಾನಾಪುರ ಪೇಂಟೆಗ್ ಬತ್ತ್ಂಡ್.
ಈ ಪೊರ್ತುಡು ಮಾಜಿ ಶಾಸಕೆರ್ ಡಾಕ್ಟರ್ ಅಂಜಲಿ ನಿಂಬಾಳ್ಕರ್ ಛತ್ರಪತಿ ಶಿವಾಜಿ ಮಹಾರಾಜೆರೆನ ಮೂರ್ತಿನ್ ಎದ್ಕೊನಿಯೆರ್. ಡಾಕ್ಟರ್ ಆಂಜನೇಯ ನಿಂಬಾಳ್ಕರ್ ಖೈರ್ವಾಡ ಗ್ರಾಮಡ್ ಶಿವಾಜಿ ಮಹಾರಾಜೆರೆನ ಮೂರ್ತಿ ಪ್ರತಿಷ್ಠಾಪನೆ ಮಲ್ಪೊಡು ಪನ್ಪುನವು ಸುಮಾರ್ ವರ್ಷೊದಿಂಚ ಗ್ರಾಮಸ್ಥೆರೆನ ಬೇಡಿಕೆ ಆದಿತ್ತ್ಂಡ್.
ಶಾಸಕಿ ಆಯಿನ ಅಂಜಲಿ ನಿಂಬಾಳ್ಕರ್ ಗ್ರಾಮಸ್ಥೆರೆಗ್ ಭರವಸೆ ಕೊರ್ಂಡಲ ಗ್ರಾಮಸ್ಥೆರೆನ ಮಸ್ತ್ ದಿನತ್ತ ಬೇಡಿಕೆ ಇತ್ತೆ ಈಡೇರ್ ದ್ಂಡ್. ನೇರ್ದ್ ಗ್ರಾಮದ ಮುಖಂಡೆರ್ ಮಸ್ತ್ ಕುಸಿ ಆತೆರ್.
ಖಾನಾಪುರ ಪೇಂಟೆದ ಮುಖ್ಯ ಮಾರ್ಗಡೇ ಶಿವಾಜಿ ಮಹಾರಾಜೆರೆನ ಮೂರ್ತಿನ್ ಜವನೆರ್ ವಾದ್ಯದ ಜಾನಪದ ಡ್ಯಾನ್ಸ್ ಘೋಷಣೆದೊಟ್ಟಿಗೆ ಮೆರವಣಿಗೆಡ್ ಗ್ರಾಮಗ್ ಕನತೆರ್. ಈ ಪೊರ್ತುಡು ಕಾಂಗ್ರೆಸ್ ದ ಮುಖಂಡೆರ್ ಬೊಕ್ಕ ಗ್ರಾಮಸ್ಥೆರ್ ಇತ್ತೆರ್.
ಬೆಂಗ್ಲೂರ್: ಉಪಮುಖ್ಯಮಂತ್ರಿ ಡಿ.ಕೆ. ಶಿವಕುಮಾರ್ ಮೆರೆನ್ ಇನಿ ಬೊಲ್ಪುಗು ಬೆಂಗ್ಲೂರ್ ದ ಸದಾಶಿವನಗರದ ಖಾಸಗಿ ನಿವಾಸಡ್ ಕೊಲ್ಲೂರು ಶ್ರೀ ಮುಕಾಂಬಿಕಾ ದೇವಲ್ಯದ ಪ್ರಧಾನ ಅರ್ಚಕೆರ್ ನರಸಿಂಹ ಅಡಿಗ ಭೇಟಿ ಮಲ್ತೆರ್.
ಈ ಪೊರ್ತುಡು ಡಿ.ಕೆ. ಶಿವಕುಮಾರ್ ರೆಗ್ ಕೊಲ್ಲೂರು ಮೂಕಾಂಬಿಕಾ ದೇವಲ್ಯದ ಪ್ರಸಾದ ಕೊರಿನ ಪ್ರಧಾನ ಅರ್ಚಕೆರ್ ಆಶೀರ್ವಾದ ಮಲ್ತೆರ್.
ಕಾಂಗ್ರೆಸ್ ಸರ್ಕಾರ ಘೋಷಣೆ ಮಲ್ತಿನ ಗೃಹ ಜ್ಯೋತಿ ಯೋಜನೆಡ್ 200 ಯುನಿಟ್ ಫ್ರೀ ಕರೆಂಟ್ ಪಡೆಯೊಲಿ. ಆಂಡ ಉಂದು ಆಗಸ್ಟ್ ತಿಂಗೊಲುರ್ದ್ ಜಾರಿಡ್ ಇಪ್ಪುಂಡು. ಫ್ರೀ ಕರೆಂಟ್ ಪಡೆಯರೆ ಇಂಚ ಅರ್ಜಿ ಪಾಡ್ಲೆ.
1) 200 ಯುನಿಟ್ ಸರಾಸರಿರ್ದ್ ಎಚ್ಚದ ಕರೆಂಟ್ ಗಲಸ್ಂಡ, ಅಯಿತ್ತ ದುಡ್ಡುನು ಬಿಲ್ಡ್ ಕಟ್ಟ್ ಮಲ್ತ್ದ್, ಒರಿನ ಕಾಸ್ನ್ ಗ್ರಾಹಕರೆಗ್ ನೆಟ್ಬಿಲ್ ಆದ್ ಕೊರ್ಪೆರ್. ಈ ದುಡ್ಡುನು ಗ್ರಾಹಕೆರೆಗ್ ಕೊರೊಡು.
2) ನಿಗದಿ ಮಲ್ದಿನ ಯೂನಿಟ್ ರ್ದ್ ಕಮ್ಮಿ ಗಲಸ್ಂಡ ಅಂಚಿನ ಗ್ರಾಹಕೆರ್ ಬಿಲ್ ಕಟ್ಟರೆ ಇಜ್ಜಿ.
3) ಈ ಯೋಜನೆದಡಿಟ್ ಸೌಲಭ್ಯ ಪಡೆಯರೆ ಸೇವಾ ಸಿಂಧು ಪೋರ್ಟಲ್ ಮುಕೇನ ಅರ್ಜಿ ಪಾಡೊಡು.
4) ಮಾತ ಫಲಾನುಭವಿಲು ತನ್ನ ಗ್ರಾಹಕ ಐಡಿ, ಖಾತೆ ಐಡಿನ್ ಆಧಾರ್ ಕಾರ್ಡ್ ಒಟ್ಟುಗು ಜೋಡಣೆ ಮಲ್ಪೊಡಾಪುಂಡು.
5) ಇತ್ತೆ ಚಾಲ್ತಿಡ್ ಇಪ್ಪುನ ಭಾಗ್ಯ ಜ್ಯೋತಿ / ಕುಟೀರ ಜ್ಯೋತಿ ಯೋಜನೆ ಬೊಕ್ಕ ಅಮೃತ ಜ್ಯೋತಿ ಯೋಜನೆದ ಫಲಾನುಭವಿ ಗ್ರಾಹಕೆರೆನ್ ಗೃಹಜ್ಯೋತಿ ಯೋಜನೆ ಅಡಿಟ್ ಸೇರ್ಸಾವೆರ್.
6) ಗೃಹ ವಿದ್ಯುತ್ ಗಲಸುನಕ್ಲೆಡ ಒಂಜಿ ಮೀಟರ್ರ್ದ ಅಂತರಡ್ ಬೇತೆ ಇಲ್ಲದ ಮೀಟರ್ ಇತ್ತ್ಂಡ ಈ ಯೋಜನೆ ಅನ್ವಯ ಆಪುಜಿ.
ಕೇದಾರನಾಥ: ಬೊಲ್ತೇರ್ ತಾಲೂಕ್ದ ಶಾಸಕೆರ್ ಹರೀಶ್ ಪೂಂಜ ಪುಗರ್ತೆದ ಕೇದಾರನಾಥ ದೇವಲ್ಯಗ್ ಭೇಟಿ ಕೊರ್ದು ದೇವೆರ್ನ ದರ್ಶನ ಪಡೆದ್, ಪೂಜೆ ಸಂದಾಯೆರ್.
ಅಯಿರ್ದ್ ಬೊಕ್ಕ ಮುಖ್ಯ ಅರ್ಚಕೆರ್ ಶ್ರೀ ಶಿವಲಿಂಗ ಸ್ವಾಮೀಜಿ ಮೆರೆರ್ದ್ ಪ್ರಸಾದ ದೆತೊನಿಯೆರ್.
MLA Harish Poonja visits Kedarnath temple
Kedarnath: Harish Poonja MLA of Bheltangady constituency visited the holy temple at Kedarnath and also took from the chief priest of the temple Sri Shivalinga Swamiji.
ಬೆಂಗ್ಲೂರ್: ಮೈಸೂರ್ ಮೆಡಿಕಲ್ ಕಾಲೇಜಿಡ್ ಎಂಬಿಬಿಎಸ್ ಅಧ್ಯಯನ ಮಲ್ತ್ದ್ ದಿಲ್ಲಿದ ರಾಮ ಮನೋಹರ ಲೋಹಿಯ ವೈದ್ಯಕೀಯ ಸಂಸ್ಥೆಡ್ ಕಲ್ತೊಂದು ಇತ್ತಿನ ರಜತ್ ಶೆಟ್ಟಿ, 2022 ಟ್ಟ್ ಎಂಎಸ್ ಪದವಿ ಪಡೆತೆರ್.
ಅಖಿಲ ಭಾರತ ವೈದ್ಯ ವಿಜ್ಞಾನಗಳ ಸಂಸ್ಥೆ ಏಮ್ಸ್ ಬೊಕ್ಕ ಬೇತೆ ಐನ್ ವೈದ್ಯಕೀಯ ಸಂಸ್ಥೆಲೆನ ಸೂಪರ್ ಸ್ಪೆಷಾಲಿಟಿ ವಿಭಾಗಡ್ 2023 ತ್ತ ಜುಲೈ ತಿಂಗೊಲುರ್ದ್ ಸುರು ಆಯರೆ ಇಪ್ಪುನ ಎಂಸಿಹೆಚ್ ಪದವಿದ ಪ್ರವೇಶ ಪರೀಕ್ಷೆಯ ಯುರಾಲಜಿ ವಿಭಾಗಡ್ ಕರ್ನಾಟಕದ ಡಾ. ರಜತ್ ಶೆಟ್ಟಿ ಸುರುತ್ತ ತಾನೊ ಪಡೆತೆರ್.
Dr Rajath Shetty gets the first place in the national level MCh exams
Bangalore: Dr Rajath Shetty was former student of Mysore Medical College and finished his MS from Ram Manohar college New Delhi in 2022.
All India institute of medical sciences and five other medical institutions jointly conducted exams for entry for super speciality MCh degree and Dr Rajath Shetty topped in the urology section.
ಮಿಜಾರ್ ತುಳುನಾಡ ಪೊರ್ಲು ಚಾರಿಟೇಬಲ್ ಟ್ರಸ್ಟ್(ರಿ.) ವತಿರ್ದ್ ಶೈಕ್ಷಣಿಕ ಸೇವಾ ಯೋಜನೆಡ್ ಕುಡ್ಲ ತಾಲೂಕ್ ದ ದ.ಕ.ಜಿ.ಪ. ಕಿರಿಯ ಪ್ರಾಥಮಿಕ ಶಾಲೆ ಆಚಾರಿ ಜೋರ ಕುಪ್ಪೆಪದವು ಶಾಲೆದ ಜೋಕುಲೆಗ್ ಬೂಕು ಪಟ್ಟಿಯೆರ್.
ಬೊಕ್ಕ ವಿಶ್ವ ಪರಿಸರ ದಿನಾಚರಣೆದ ಲೆಕ್ಕೊಡು ದೈ ನಡ್ಪುನ ಮುಖೇನ ವಿಶ್ವ ಪರಿಸರ ದಿನಾಚರಣೆನ್ ಆಚರಣೆ ಮಲ್ತೆರ್. ಈ ಪೊರ್ತುಡು ಲೇಸ್ ಗ್ ಸಕಾಯ ಮಲ್ತಿನಕುಲು ಇತ್ತೆರ್.
