June 2023

A massive Tirupati Balaji temple to open doors in Jammu and Kashmir today ಜಮ್ಮುಡು ಇನಿ ಮಹಾ‌ಮಲ್ಲ ತಿರುಪತಿ ಬಾಲಾಜಿ ದೇವಲ್ಯ ಉದಿಪನ

ಜಮ್ಮು ಬೊಕ್ಕ ಕಾಶ್ಮೀರದ ಮಜೀನ್ ದ ಶಿವಾಲಿಕ್ ಕಾಡ್ ದ ನಡುಟ್ ಇಪ್ಪುನ ತಿರುಪತಿ ಬಾಲಾಜಿ ದೇವಲ್ಯ ಗುರುವಾರ ಉದಿಪನ ಆವರೆ ಉಂಡು.

ಜಮ್ಮು ಬೊಕ್ಕ ಕಾಶ್ಮೀರದ ಲೆಫ್ಟಿನೆಂಟ್ ಗವರ್ನರ್ ಮನೋಜ್ ಸಿನ್ಹಾ ಮೇರ್ ಶ್ರೀ ಬಾಲಾಜಿ ವೆಂಕಟೇಶ್ವರ ಸ್ವಾಮಿ ದೇವಲ್ಯನ್ ಉದಿಪನ ಮಲ್ಪುವೆರ್.

62 ಎಕರೆ ಜಾಗೆಡ್ ನಿರ್ಮಾಣ ಆಯಿನ ಈ ದೇವಲ್ಯ ಜಮ್ಮು ಪ್ರದೇಶದ ಮಹಾಮಲ್ಲ ದೇವಲ್ಯ ಆದುಂಡು. ಕೇಂದ್ರಾಡಳಿತ ಪ್ರದೇಶಡ್ ಧಾರ್ಮಿಕ ಬೊಕ್ಕ ತೀರ್ಥಯಾತ್ರೆ ಪ್ರವಾಸೋದ್ಯಮನ್ ಎಚ್ಚ ಮಲ್ಪುನ ನಿರೀಕ್ಷೆ ಉಂಡು.

30 ಕೋಟಿ ರೂ. ಕರ್ಚಿಡ್ ನಿರ್ಮಾಣ ಆಯಿನ ಈ ದೇವಲ್ಯ ಆಂಧ್ರಪ್ರದೇಶದ ಪಿದಯಿ ನಿರ್ಮಾಣ ಆಯಿನ ಆಜಿನೇ ಬಾಲಾಜಿ ದೇವಲ್ಯ ಆತ್ಂಡ್. ಬೇತೆ ಐನ್ ಬಾಲಾಜಿ ದೇವಲ್ಯ ತಿರುಮಲ ತಿರುಪತಿ ದೇವಸ್ಥಾನಂ (ಟಿಟಿಡಿ) ಹೈದರಾಬಾದ್, ಚೆನ್ನೈ, ಕನ್ಯಾಕುಮಾರಿ, ಡೆಲ್ಲಿ ಬೊಕ್ಕ ಭುವನೇಶ್ವರಡ್ ಉಂಡು.

A massive Tirupati Balaji temple to open doors in Jammu and Kashmir today

The temple is in the the forest area of Shivalik of Majin in Jammu and Kashmir.

Built at a cost of thirty crores on 62 acres area it is the sixth temple of tirupati Balaji outside Andhra Pradesh.

ಬರ್ಸ ಬೂರ್ನಗ ಬೆನ್ನಿದರೆಗ್ ಕಂಡೊಡು ತಿಕ್ ದ್ಂಡ್ 2 ಕೋಟಿ ರೂ. ಬಿಲೆತ್ತ ವಜ್ರ?

ಬರ್ಸ ಬತ್ತ್ಂಡ ನೆಲಟ್ಟ್ ಬುಲೆ ಬುಲೆಪುಂಡು. ಆಂಡ ಆಂಧ್ರ ಪ್ರದೇಶದ ಕರ್ನೂಲ್ ಜಿಲ್ಲೆಡ್ ಬರ್ಸ ಬತ್ತ್ಂಡ ವಜ್ರದ ಕಲ್ಲ್ ತಿಕ್ಕುಂಡು!

ಇಂಚಾದ್ ಮುಲ್ಪ ಬರ್ಸ ಬತ್ತ್ಂಡ ಸುಮಾರ್ ಜನ ವಜ್ರದ ಬೋಂಟೆಗ್ ಪೋಪೆರ್. ಉಂದು ಮುಲ್ಪದ ಜನತ್ತ ನಂಬಿಕೆಲ ಆತ್ಂಡ್.

ಇಂಚಿಪ್ಪ ಮಡ್ಡಿಕೇರ ಮಂಡಲದ ಬಸಿನೆಪಲ್ಲಿ ಗ್ರಾಮಡ್ ಒರಿ ಬೆನ್ನಿದರೆಗ್ ಅರೆನ ಕಂಡೊಡು ವಜ್ರದ ಕಲ್ಲ್ ತಿಕ್ ದ್ಂಡ್. ಈ ವಜ್ರ ರಡ್ಡ್ ಕೋಟಿ ರೂ.ಗ್ ಮಾರಾಟ ಆತ್ಂಡ್ ಪಂದ್ ವರದಿ ಆತ್ಂಡ್. ಇಂಚಾದ್ ಬರ್ಸ ಸುರು ಆನಗ ಕರ್ನೂಲ್ ಜಿಲ್ಲೆದ ಜನ ವಜ್ರದ ಕಲ್ಲ್ ನಾಡಿಯೆರೆ ಪೋಪೆರ್.

ಮುಲ್ಪ ಸುರುತ್ತ ಬರ್ಸ ಬೂರಿನ ಕೂಡ್ಲೆ ಮಲ್ಲಕುಲು, ಎಲ್ಯಕುಲು ಪನ್ಪಿನ ಬೇಧ ಇಜ್ಜಂದೆ ಮಾತೆರ್ಲಾ ವಜ್ರದ ಕಲ್ಲ್ ನಾಡಿಯೆರೆ ಪೋಪೆರ್. ಸುಮಾರ್ ಸರ್ತಿ ಮೆನ್ಕುನ ಎಲ್ಯ ಕಲ್ಲ್ ನ್ ವಜ್ರ ಪಂದ್ ಕನಪುನ ಉಂಡು. ಅತ್ತಂದೆ ಇಡೇಗ್ ಬೇತೆ ಬೇತೆ ಕಡೆತ್ತ ಜನಕುಲು ಬತ್ತ್ ದ್ ಮುಲ್ಪ ಕಲ್ಲ್ ನಾಡುವೆರ್. ಆಂಡ ಅದೃಷ್ಟಶಾಲಿಗ್ ಮಾತ್ರ ಮುಲ್ಪ ವಜ್ರದ ಕಲ್ಲ್ ತಿಕ್ಕುಂಡು ಪಂದ್ ಊರುದಕ್ಲೆನ ನಂಬಿಕೆ.

ಫ್ರೀ ಕರೆಂಟ್ ತಿಕ್ಕರೆ ದಾದ ಮಲ್ಪೊಡು?

•ರಾಜ್ಯ ಸರ್ಕಾರದ ಗೃಹಜ್ಯೋತಿ ಯೋಜನೆಡ್ 200 ಯೂನಿಟ್ ಫ್ರೀ ಕರೆಂಟ್ ಪಡೆಯೊಡುಂದಾಂಡ ಆನ್ ಲೈನ್ ಡೇ ಅರ್ಜಿ ಸಂದಾವೊಡು.

•ಸ್ವಂತ ಇಲ್ಲ್ ಅತ್ತಂಡ ಬಾಡಿಗೆ ಇಲ್ಲಲ್ ವಾಸ ಇತ್ತ್ಂಡ ಕರಾರ್ ಪತ್ರ ಅಗತ್ಯ

•ಸರಾಸರಿ 200 ಯೂನಿಟ್ ಮುಟ್ಟ ಒವ್ವೇ ಶುಲ್ಕ ಇಜ್ಜಿ
•ಸರಾಸರಿ 200 ಯೂನಿಟ್ ಮೀರ್ಂಡ 10% ಎಚ್ಚದ ಯೂನಿಟ್ ಧರ್ಮಗ್ ಗಲಸೆರೆ ಅವಕಾಶ
•ರಾಜ್ಯದ 2.14 ಕೋಟಿ ಜನಕ್ಕ್ ನೇರ್ದ್ ಲಾಭ.

Tips and home remedies to manage kidney stones ಮೂತ್ರಕೋಶದ ಕಲ್ಲ್ ಕರಪುನು ಎಂಚ?

ಎಚ್ಚಿನಕ್ಲೆಗ್ ಮೂತ್ರಕೋಶಡ್ ಕಲ್ಲ್ ಇಪ್ಪುನೇ ಮಲ್ಲ ಸಮಸ್ಯೆ ಆತ್ಂಡ್. ಅಯಿತ್ತ ಬೇನೆ ಒವ್ವೇ ಪೊರ್ತುಡುಲ ಸುರು ಆಪುಂಡು. ಸಾಮಾನ್ಯವಾದ್ ಕಮ್ಮಿ ನೀರ್ ಪರ್ಪಿನಕ್ಲೆಗ್ ಈ ಸಮಸ್ಯೆ ಉಪ್ಪುಂಡು. ಅವ್ವತ್ತಾಂದೆ ಎಚ್ಚ ಮಾಸ ತಿನ್ಪುನೆರ್ದಾವರಲ ಮಸ್ತ್ ಯೂರಿಕ್ ಆಸಿಡ್, ಚರ್ಬಿ, ಸಂಧಿವಾತ, ತೀಪೆ ಪಡಿಕೆ ಇಂಚಿನ ಸೀಕ್ ಸುರು ಆಪುಂಡು.

ಮೂತ್ರಕೋಶದ ಕಲ್ಲ್ ಗ್ ಇಲ್ಲದ ಮರ್ದ್

ಮೂತ್ರಪಿಂಡಡ್ ಇಪ್ಪುನ ಕಲ್ಲ್ ನ್ ದೆಪ್ಪರೆ ಸುಮಾರ್ ಮರ್ದ್ ಬೊಕ್ಕ ಚಿಕಿತ್ಸೆ ಉಂಡು. ಅಂಚಿನ ಒಂಜಿ ಸೊತ್ತು ಪಂಡ ದಾಸವಾಳ.

ಮೂತ್ರಕೋಶಡ್ ಕಲ್ಲ್ ಇತ್ತಿನ ಲಕ್ಷಣ:

•ಬೆರಿತ್ತ ತಿರ್ತ್ ಮಸ್ತ್ ಬೇನೆ
•ಬಂಜಿ ಬೇನೆ
•ಕಕ್ಕುನು
•ಜ್ವರ
•ಪಡಿಕೆಡ್ ನೆತ್ತೆರ್
•ಪಡಿಕೆ ವಾಸನೆ

ಮೂತ್ರಪಿಂಡದ ಕಲ್ಲ್ ದೆಪ್ಪುನು ಎಂಚ?

ಮೂತ್ರಪಿಂಡದ ಕಲ್ಲ್ ಬೇತೆ ಗಾತ್ರಡ್ ಇಪ್ಪುಂಡು. ಎಲ್ಯ ಕಲ್ಲ್ ಲು ಪಡಿಕೆದ ಮುಖೇನ ಪಿದಯಿ ಬರ್ಪುಂಡು. ಕೆಲವೊರ ಮಲ್ಲ ಕಲ್ಲ್ ಲು ಪಡಿಕೆಡ್ ಪಿದಯಿ ಬರಿಯೆರೆ ಕಷ್ಟ ಆಪುಂಡು. ನೆಕ್ಕ್ ಮರ್ದ್ ಬೊಕ್ಕ ಶಸ್ತ್ರಚಿಕಿತ್ಸೆದ ಅಗತ್ಯ ಇಪ್ಪುಂಡು. ಕೆಲವೊರ ಇಲ್ಲದ ಮರ್ದ್ ಡೇ ಈ ಕಲ್ಲ್ ನ್ ದೆಪ್ಪೊಲಿ.

ದಾಸವಾಳದ ಮರ್ದ್:

ಮೂತ್ರಪಿಂಡದ ಕಲ್ಲ್ ದೆಪ್ಪರೆ ದಾಸವಾಳ ಪೂ (Hibiscus flower) ಎಡ್ಡೆ ಬೊಕ್ಕ ಸುರಕ್ಷಿತ ಪರಿಹಾರ ಪಂದ್ ವೈದ್ಯೆರ್ ಪಂತೆರ್.

ದಾಸವಾಳ ಪೂತ್ತ ಪೊಡಿನ್ ನೀರ್ ದೊಟ್ಟುಗು ಪರ್ಂಡ ಮೂತ್ರಪಿಂಡದ ಕಲ್ಲ್ ನ್ ಸುಲಭವಾದ್ ದೆಪ್ಪೊಲಿ.

ದಾಸವಾಳದ ಪೊಡಿ ದೆತೊನ್ನು ಎಂಚ?

ರಾತ್ರೆ ವನಸ್ ಆಯಿನ ಬೊಕ್ಕ ಒಂಜಿ ಚಮಚ ದಾಸವಾಳ ಪೂತ್ತ ಪೊಡಿನ್ ಉಗುರುಬೆಚ್ಚ ನೀರ್ ಗ್ ಪಾಡ್ದ್ ಪರೊಡು ಪಂದ್ ವೈದ್ಯೆರ್ ಪಂತೆರ್. ಅಂಚೆನೆ ನೆನ್ ಪರಿನ ಬೊಕ್ಕ ಮೂಜೆರ್ದ್ ನಾಲ್ ಗಂಟೆ ಮುಟ್ಟ ದಾಲ ತಿನಿಯೆರೆ ಬಲ್ಲಿ.

ಡಾಕ್ಟರ್ ನಡೆ ಏಪ ಪೋವೊಡು?

ನಿಕಲೆಗ್ ಮಸ್ತ್ ಜ್ವರ, ಬೇನೆ, ಪಡಿಕೆಡ್ ನೆತ್ತೆರ್ ಇತ್ತ್ಂಡ ನಿಕುಲು ಒವ್ವೇ ಇಲ್ಲದ ಮರ್ದ್ ಮಲ್ಪಂದೆ ಕೂಡ್ಲೆ ಡಾಕ್ಟರ್ ನಡೆ ಪೋವೊಡು.

ಪೊಸ ರೇಷನ್ ಕಾರ್ಡ್ ಗ್ ಅರ್ಜಿ ಸಂದಾವುನ ಎಂಚ?

•ahara.kar.nic.in ವೆಬ್ ಸೈಟ್ ಓಪನ್ ಮಲ್ತ್ ದ್ ಇ ಸೇವೆಗ್ ಕ್ಲಿಕ್ ಮಲ್ಪುಲೆ.

•ಹೊಸ ರೇಷನ್ ಕಾರ್ಡ್ ಆಪ್ಶನ್ ಕ್ಲಿಕ್ ಮಲ್ಪುಲೆ
•ನಿಕ್ಲೆನ‌ ವಿವರ ಭರ್ತಿ ಮಲ್ಪುಲೆ
•BPL ಅತ್ತಂಡ APL ಕಾರ್ಡ್ ಆಯ್ಕೆ ಮಲ್ಪುಲೆ
•ಅಗತ್ಯ ಇಪ್ಪುನ ದಾಖಲೆನ್ ಅಪ್ ಲೋಡ್ ಮಲ್ಪುಲೆ
•ಆನ್ ಲೈನ್ ಅಪ್ಲಿಕೇಶನ್ ಗ್ ಶುಲ್ಕ ಇಜ್ಜಿ, ಆಂಡ ರೇಷನ್ ಕಾರ್ಡ್ ನ್ ಸಂಬಂಧಪಟ್ಟಿನ ಅಧಿಕಾರಿಲೆರ್ದ್ ದೆತ್ತೊನ್ನಗ 100 ರೂ. ಕೊರೊಡು.

ಎಕ್ಕಾರ್ ವಿಜಯ ಯುವ ಸಂಗಮ (ರಿ.)ಗ್ ಪೊಸ ಪದುಕೆರ್ನ ಆಯ್ಕೆ

ವಿಜಯ ಯುವ ಸಂಗಮ (ರಿ.) ಎಕ್ಕಾರು ನೆತ್ತ ವಾರ್ಷಿಕ ಮಹಾ ಸಭೆಟ್ಟ್ ವಾರ್ಷಿಕ ಲೆಕ್ಕ ಪತ್ರ ಮಂಡನೆ ಆಯಿನ ಬೊಕ್ಕ 27ನೇ ವರ್ಷೊದ ಪೊಸ ಸಮಿತಿ ರಚನೆ ಬೊಕ್ಕ ಅಧ್ಯಕ್ಷೆರ್, ಪದುಕೆರ್ನ ಆಯ್ಕೆ ನಡತ್ಂಡ್.

ಅಧ್ಯಕ್ಷೆರಾದ್ ವಿನೋದ್ ಶೆಟ್ಟಿ ಸಂಕೇಶ, ಗೌರವಾಧ್ಯಕ್ಷೆರಾದ್ ರತ್ನಾಕರ ಶೆಟ್ಟಿ ಬಾಳಿಕೆ ಮನೆ, ಗೌರವ ಕಾರ್ಯದರ್ಶಿಯಾದ್ ಬಾಲಕೃಷ್ಣ ಶೆಟ್ಟಿ ಕಳ್ಳಿಗೆ, ಉಪಾಧ್ಯಕ್ಷೆರಾದ್ ರಂಜಿತ್ ಶೆಟ್ಟಿ, ಪ್ರ. ಕಾರ್ಯದರ್ಶಿಯಾದ್ ಪ್ರವೀಣ್ ಕೆ. ಎಮ್., ಜತೆ ಪ್ರ. ಕಾರ್ಯದರ್ಶಿಯಾದ್ ರೋಯಲ್ ಮಿಸ್ಕಿತ್, ಕೋಶಾಧಿಕಾರಿಯಾದ್ ಪವನ್ ಶೆಟ್ಟಿ, ಜತೆ ಕೋಶಾಧಿಕಾರಿಯಾದ್ ಆದಿತ್ಯ ಶೆಟ್ಟಿ ಮಾಡರಮನೆ, ಕ್ರೀಡಾ ಕಾರ್ಯದರ್ಶಿಯಾದ್ ಪ್ರಶಾಂತ್ ಮಾಡ, ಕ್ರೀಡಾ ಮುಖ್ಯಸ್ಥೆರಾದ್ ಉದಯ್ ಶೆಟ್ಟಿ ಸಂಕೇಶ, ವೈಸ್ ಕ್ಯಾಪ್ಟನ್ ಅವಿನಾಶ್ ಆಚಾರ್ಯ, ಸಾಂಸ್ಕೃತಿಕ ಕಾರ್ಯದರ್ಶಿಯಾದ್ ಕಿಶೋರ್ ಪೂಜಾರಿ, ಸಂಘಟನಾ ಕಾರ್ಯದರ್ಶಿಯಾದ್ ಮನೀಶ್ ಶೆಟ್ಟಿ ಆಯ್ಕೆ ಆಯೆರ್.

ಬೊಕ್ಕ ಶ್ರೀ ಜಾರಂದಾಯ ದೈವೊಲ್ಯಡ್ ಸಂಸ್ಥೆದ ಲೆಕ್ಕೊಡು ವಾರ್ಷಿಕ ಹೋಮ, ಪಂಚಕಜ್ಜಾಯ ಸೇವೆ ನಡತ್ಂಡ್.

Puttur- No electricity for consumers of Puttur division tomorrow due to repair works being undertaken on this line ಎಲ್ಲೆ ಪುತ್ತೂರ್ ಕೇಂದ್ರದ ಲೈನ್ ದಕ್ಲೆಗ್ ಕರೆಂಟ್ ಇಜ್ಜಿ

ಪುತ್ತೂರ್: ವಯರ್ ಬದಲ್ಪುನೆ, ಜೆಒಎಸ್ ದ ಬೇಲೆ ಬೊಕ್ಕ ಮಾರ್ಗ ಅಗೆಲ ಮಲ್ಪುನ ಲೆಕ್ಕೊಡು 110/33/11ಕೆವಿ ಪುತ್ತೂರ್ ಕರೆಂಟ್ ಕೇಂದ್ರರ್ದ್ ಇಪ್ಪುನ ಉಬಾರ್ ಎಕ್ಸ್‌ಪ್ರೆಸ್, ಕಾಂಚನ, ಉಬಾರ್ ಓಲ್ಡ್, ರಾಮಕುಂಜ ವಾಟರ್‌ ಸಪ್ಲೈ ಫೀಡರ್‌ ಡ್ (ಜೂ.8) ಎಲ್ಲೆ ಬೊಲ್ಪುಗು 10 ಗಂಟೆರ್ದ್ ಮಧ್ಯಾಹ್ನ 5 ಗಂಟೆ ಮುಟ್ಟ ಕರೆಂಟ್ ಇಜ್ಜಿ.

ಅಂಚಾದ್ 110/33/11 ಕೆಇ ಪುತ್ತೂರು ಕರೆಂಟ್ ಕೇಂದ್ರರ್ದ್ ಲೈನ್ ಇಪ್ಪುನ ಫೀಡರ್‌ ರ್ದ್ ಕರೆಂಟ್ ಸರಬರಾಜು ಆಪಿನ ಬೆಳ್ಳಿಪ್ಪಾಡಿ, ಚಿಕ್ಕಮುಡ್ನೂರು, ಕೋಡಿಂಬಾಡಿ, ಬನ್ನೂರು, ಹಿರೇಬಂಡಾಡಿ, ರಾಮಕುಂಜ, ನೆಕ್ಕಿಲಾಡಿ, ಬಜತ್ತೂರು ಬೊಕ್ಕ ಕೊಯಿಲ ಗ್ರಾಮದ ಕರೆಂಟ್ ಗಲಸುನಕುಲು ಸಹಕಾರ ಮಲ್ಪೊಡು ಪಂದ್ ಪ್ರಕಟಣೆ ತೆರಿಪಾದ್ಂಡ್.

Pavitra G from Vivekananda Engineering college Puttur wins gold in the state level Triple jump compitition ರಾಜ್ಯಮಟ್ಟದ ಟ್ರಿಪಲ್‌ಜಂಪ್‌ಡ್ ಬಂಗಾರ್ ದ ಪದಕ ಗೆಂದಿನ ಪುತ್ತೂರ್ ವಿವೇಕಾನಂದ ಎಂಜಿನಿಯರಿಂಗ್ ಕಾಲೇಜ್ ದ ಕಲ್ಪಾರ್ಥಿ ಪವಿತ್ರ ಜಿ

ಪುತ್ತೂರ್: ಪುತ್ತೂರ್ ವಿವೇಕಾನಂದ ಕಾಲೇಜ್ ಆಫ್ ಎಂಜಿನಿಯರಿಂಗ್ ಎಂಡ್ ಟೆಕ್ನಾಲಜಿದ ಅಕೇರಿದ ವರ್ಷದ ಎಂಬಿಎ ವಿಭಾಗದ ಕಲ್ಪಾರ್ಥಿ ಪವಿತ್ರ ಜಿ. ರಾಜ್ಯ ಮಟ್ಟದ ಹಿರಿಯೆರೆನ ಅಥ್ಲೆಟಿಕ್ ಪಂತೊ-2023 ತ್ತ ಟ್ರಿಪಲ್‌ಜಂಪ್ ಪಂತೊಡು ಬಂಗಾರ್ ರ ಪದಕ ಗೆಂದ್ ದೆರ್.

ಬೆಂಗ್ಲೂರ್ ದ ಶ್ರೀಕಂಠೀರವ ಕ್ರೀಡಾಂಗಣಡ್ ನಡತಿನ ಪಂತೊಡು 12.76 ಮೀಟರ್ ದೂರ ಲಾಗಿದ್ ಸುರುತ್ತ ತಾನ ಪಡೆತೆರ್. ಈ ಸಾಧನೆರ್ದ್ ಮೇರ್ ರಾಷ್ಟ್ರೀಯ ಹಿರಿಯೆರೆನ ಅತ್ಲೆಟಿಕ್ ಚಾಂಪಿಯನ್‌ಶಿಪ್‌ಡ್ ಪಾಲ್ ಪಡೆಯೆರೆ ಅರ್ಹತೆ ಪಡೆತೆರ್. ಮೆರೆಗ್ ಕಾಲೇಜ್ ದ ದೈಹಿಕ ಶಿಕ್ಷಣ ನಿರ್ದೇಶಕೆರ್ ಬಾಲಚಂದ್ರ ಗೌಡ ಭಾರ್ತಿಕುಮೇರು ಮಾರ್ಗದರ್ಶನನ್ ಕೊರ್ತೆರ್ ಪಂದ್ ಪ್ರಾಂಶುಪಾಲೆರ್ ಡಾ.ಮಹೇಶ್‌ಪ್ರಸನ್ನ.ಕೆ ತೆರಿಪಾದೆರ್.

Radio Panchajanya- ” Viveka Sanjeevani” Series on environmental conservation inaugurated on World Environment Day ರೇಡಿಯೋ ಪಾಂಚಜನ್ಯಡ್ `ವಿವೇಕ ಸಂಜೀವಿನಿ’ ಸರಣಿ ಲೇಸ್ ದ ಉದಿಪನ

ಪುತ್ತೂರ್: ವಿವೇಕಾನಂದ ವಿದ್ಯಾವರ್ಧಕ ಸಂಘದ ಮುತಾಲಿಕೆಡ್ ಮೂಲಿಕೆದ (ಮರ್ದ್) ದೈಕ್ ಲೆನ ಸಂರಕ್ಷಣೆ, ಗಲಸುನ ಬೊಕ್ಕ ಜನಜಾಗೃತಿದ ಆಂದೋಲನ `ವಿವೇಕ ಸಂಜೀವಿನಿ’ ಲೇಸ್ ವಿಶ್ವ ಪರಿಸರ ದಿನತಾನಿ ಉದಿಪನ ಆಂಡ್.

ಬೊಕ್ಕ ರೇಡಿಯೋ ಪಾಂಚಜನ್ಯ 90.8 ಎಫ್.ಎಂ. ಸಮುದಾಯ ಬಾನುಲಿ ಕೇಂದ್ರದ ವತಿರ್ದ್ ಪ್ರತೀ ವಾರ ನಡಪುನ ವಿವೇಕ ಸಂಜೀವಿನಿ ಸರಣಿ ಲೇಸ್ ದ ಬುಡುಗಡೆ ಲೇಸ್ ನಡತ್ಂಡ್.

ಈ ಪೊರ್ತುಡು ವಿವೇಕಾನಂದ ವಿದ್ಯಾವರ್ಧಕ ಸಂಘದ ಅಧ್ಯಕ್ಷೆರ್ ಡಾ. ಪ್ರಭಾಕರ ಭಟ್ ಕಲ್ಲಡ್ಕ, ಕಾರ್ಯದರ್ಶಿ ಡಾ. ಕೆ.ಎಂ. ಕೃಷ್ಣ ಭಟ್, ಬೆಂಗ್ಲೂರ್ ಸೆಂಟ್ರಲ್ ಇನ್ಸ್‌ಟಿಟ್ಯೂಟ್ ಆಫ್ ಮೆಡಿಸಿನಲ್ ಬೊಕ್ಕ ಆರೋಮೆಟಿಕ್ ಪ್ಲಾಂಟ್ಸ್‌ದ ಪೆರಿಯ ವಿಜ್ಞಾನಿ ಬೊಕ್ಕ ಮುಖ್ಯಸ್ಥೆರ್ ಡಾ. ದಿನೇಶ್ ನಾಗೇಗೌಡ, ಮೂಲಿಕೆದ ದೈಕ್ಲೆನ ಸಂರಕ್ಷಕೆರ್ ದಿನೇಶ್ ನಾಯಕ್ ವಿಟ್ಲ, ಪುಗರ್ತೆದ ಉರಗ ತಜ್ಞೆರ್ ಡಾ. ರವೀಂದ್ರನಾಥ ಐತಾಳ್, ರೇಡಿಯೋ ಪಾಂಚಜನ್ಯ ಸಮಿತಿ ಅಧ್ಯಕ್ಷೆರ್ ಕೃಷ್ಣವೇಣಿ ಪ್ರಸಾದ್ ಮುಳಿಯ, ವಿವೇಕ ಸಂಜೀವಿನಿ ಲೇಸ್ ದ ಸಂಯೋಜಕಿ ರೂಪಲೇಖಾ ಇತ್ತೆರ್.

Mangalore:Police raid a gambling den at Bendoorwell- 19 persons caught ಕುಡ್ಲ: ಪತ್ತ ಗೊಬ್ಬುನ ಜಾಗೆಗ್ ಪೊಲೀಸ್ ರೈಡ್: 19 ಜನ ತಿಕ್ ದೆರ್

ಕುಡ್ಲ: ಬೆಂದೂರ್ ವೆಲ್ ಡ್ ಇಪ್ಪುನ ವಿನ್ನರ್ಸ್ ರಿಕ್ರಿಯೇಷನ್ ಕ್ಲಬ್ ಗ್ ಸಿಸಿಬಿ ಪೊಲೀಸೆರ್ ರೈಡ್ ಮಲ್ತ್ ದ್ ಪತ್ತ ಗೊಬ್ಬೊಂದಿತ್ತಿನ 19 ಜನನ್ ಅರೆಸ್ಟ್ ಮಲ್ದೆರ್.

ಬೊಕ್ಕ ಅಕ್ಲೆಡ ಇತ್ತಿನ 13,010 ರೂ.ನ್ ವಶಕ್ಕ್ ಪಡೆತೆರ್ ಪಂದ್ ತೆರಿದ್ ಬೈದ್ಂಡ್.