ಜಗತ್ತ್ ಡೇ ಭಾರಿ ಬಿಲೆತ್ತ ಕುಕ್ಕುದ ಬಿದೆ (ತಳಿ) ಪನ್ಪಿನ ಪುಗರ್ತೆದ ಮಿಯಾಝಾಕಿ ಕುಕ್ಕುನು ಪಶ್ಚಿಮ ಬಂಗಾಳದ ಸಿಲಿಗುರಿಟ್ಟ್ ಮೂಜಿ ದಿನ ನಡತಿನ ಕುಕ್ಕು ಮೇಳದ ಪ್ರದರ್ಶನಡ್ ದೀದಿತ್ತೆರ್.
ನೆತ್ತ ಬಿಲೆ ಅಂತಾರಾಷ್ಟ್ರೀಯ ಮಾರ್ಕೆಟ್ ಡ್ ಕೆಜಿಗ್ 2.75 ಲಕ್ಷ ರೂ. ಉಂಡು. ಪ್ರತಿ ಕುಕ್ಕುದ ತೂಕ 900 ಗ್ರಾಮ್ ಉಂಡು. ಜಪಾನ್ ಡ್ ಈ ಕುಕ್ಕುನ್ ಸುರುತ್ತ ಸರ್ತಿ ಬುಲೆಪಾದೆರ್.
ಕುಡ್ಲ: ಮೂಲು ಮೆಡಿಕಲ್ ರೆಪ್ ಆದ್ ಬೇಲೆ ಮಲ್ತೊಂದಿತ್ತಿನ ಬಿಕರ್ನಕಟ್ಟೆ ಕಂಡೆಟ್ಟು ನಿವಾಸಿ ತೇಜ ಕುಮಾರ್ (26) ಪನ್ಪುನಾರ್ ನಾಪತ್ತೆ ಆಯಿನ ಬಗ್ಗೆ ಕಂಕನಾಡಿ ನಗರ ಠಾಣೆಡ್ ಕೇಸ್ ದಾಖಲ್ ಆತ್ಂಡ್.
ಮೇರ್ ಜೂ.6 ಕ್ಕ್ ತನ್ನ ಅಪ್ಪೆಗ್ ಫೋನ್ ಮಲ್ತ್ ದ್ ಮೀಟಿಂಗ್ ಇಪ್ಪುರ್ನೆದಾವೆರ ಜೂ.7 ಕ್ಕ್ ಬೆಂಗ್ಲೂರ್ ಪೋಪೆ ಪಂದ್ ಪೋಯಿನಾರ್ ನಾಪತ್ತೆ ಆತೆರ್ ಪಂದ್ ದೂರುಡು ಉಂಡು.
ಕುಡ್ಲ ವಿಶ್ವವಿದ್ಯಾನಿಲಯಡ್ ತುಳು ಭಾಷೆಡ್ ಪಿ.ಎಚ್.ಡಿ ಮಲ್ಪರೆ ಅವಕಾಶ ಕಲ್ಪಿಸಾವೊಡು ಪಂದ್ ಕರ್ನಾಟಕ ತುಳು ಸಾಹಿತ್ಯ ಅಕಾಡೆಮಿದ ಮಾಜಿ ಗುರ್ಕಾರೆ ದಯಾನಂದ ಜಿ ಕತ್ತಲ್ಸಾರ್ ಕುಡ್ಲ ವಿವಿದ ಉಪಕುಲಪತಿ ಜಯರಾಜ್ ಅಮೀನ್ ಮೆರೆಗ್ ಬಿನ್ನಾಪು ಮಲ್ತೆರ್.
ತುಳು ಭಾಷೆ ಸಮೃದ್ಧ ಭಾಷೆ. ಸ್ವತಂತ್ರ ಲಿಪಿ ಇತ್ತಿನ ಭಾಷೆ. ಸ್ವತಂತ್ರ ಕ್ಯಾಲೆಂಡರ್ ಇತ್ತಿನ ಭಾಷೆ. ಮುಲ್ತ ಸಂಸ್ಕೃತಿ, ಲಲಿತ ಕಲೆಕುಲು ಭಾರೀ ಪಿರಾಕ್ ದವು. ಅಂಚಿತ್ತಿನ ತುಳು ಬಾಷೆ ಪಂಚ ದ್ರಾವಿಡ ಭಾಷೆಡ್ ಒಂಜಿ ಭಾಷೆ ಆತ್ಂಡ್. ಈ ಭಾಷೆಗ್ ಅಧಿಕೃತ ಸ್ಥಾನಮಾನ ತಿಕ್ಕಂದೆ ಇತ್ತ್ಂಡಲ 2.5 ಕೋಟಿ ಜನಕುಲು ಪಾತೆರುನ ಭಾಷೆ. ಈತ್ ಇತ್ತ್ದ್ಲ ಕರ್ನಾಟಕ ಸರಕಾರ ತೃತೀಯ ಐಚ್ಚಿಕ ಭಾಷೆ ಆದ್ 2009 ಡ್ ಅನುಷ್ಠಾನ ಮಲ್ತ್ದ್ಲ ತುಳು ಎಂ.ಎ ಮುಟ್ಟ ಅವಕಾಶ ಇತ್ತ್ಂಡಲ ತುಳು ಭಾಷಾ ಸಂಸ್ಕೃತಿಡ್ ಪಿ.ಎಚ್.ಡಿ ಮಲ್ಪೊಡಾಂಡ ಅಕುಲು ಆಂಧ್ರಪ್ರದೇಶದ ಕುಪ್ಪಂ ಯುನಿವರ್ಸಿಟಿಡ್ ಪೋದು ನೋಂದಾವಣೆ ಮಲ್ಪೊಡು.
ಅಯಿಕ್ಕ್ ಬೋಡಾದ್ ಸ್ನಾತಕೋತ್ತರ ಕಲ್ಪಾರ್ಥಿಲು ದಯಾನಂದ ಜಿ ಕತ್ತಲ್ಸಾರ್ ಮೆರೆನ ಮುಕೇನ ಬಿನ್ನಾಪುದ ಓಲೆನ್ ಕೊರಿಯೆರ್. ಪ್ರಸ್ತುತ ಒತ್ತು ಕುಲಪತಿ ಆಯಿನ ಜಯರಾಜ್ ಆಮೀನ್ ಮೆರೆನ್ ವಿಶ್ವವಿದ್ಯಾಲಯಡ್ ಭೇಟಿ ಮಲ್ತ್ದ್ ಅರೆಗ್ ತುಳು ಬಾಷೆಡ್ ಪಿ.ಎಚ್.ಡಿ ಮಲ್ಪರೆ ಕುಡ್ಲ ವಿಶ್ವವಿದ್ಯಾನಿಲಯಡ್ ಅವಕಾಶ ಕಲ್ಪಿಸಾದ್ ಕೊರೊಡು ಪಂದ್ ಓಲೆ ಬರೆದ್ ಬಿನ್ನಾಪು ಮಲ್ತೆರ್.
Opportunity must be provided in Mangalore University for students doing PhD in Tulu language – Dayanand Kattalsar
Students pursuing PhD in Tulu language must be given oportunity to do so in Mangalore University urged Dayanand Kattalsar former president of the Tulu Sahitya Akademi. A request to this effect was handed over to vice chancellor of Mangalore University Jayaram Amin.
Tulu is a language with a script of its own with a unique cultural and traditional heritage. It is one among the five Dravidian languages spoken by 2.5 crore people. It has to be given the status it deserves and should be included in the eighth schedule of the constitution. Persons who wish to do PhD in Tulu must register at Kuppam University in Andhra Pradesh. So a request was put forth to the vice chancellor to provide opportunity for Tulu PhD students to register at Mangalore University.
ಮಣಿಪಾಲ: ರೇಡಿಯೊ ಮಣಿಪಾಲ್ 90.4 Mhz ಡ್ ಕನ್ನಡ ಸಾಹಿತ್ಯ ಪರಿಷತ್ ಒಡಿಪು ಜಿಲ್ಲೆ ಬೊಕ್ಕ ತಾಲೂಕ್ ಘಟಕದ ಒಟ್ಟುಸೇರಿಗೆಡ್ ಕಥೆ ಕೇಳೋಣ ಸರಣಿ ಲೇಸ್ ದ 58ನೇ ಸಂಚಿಕೆ ಜೂನ್ 10 ಸನಿಯಾರ ಬಯ್ಯಗ್ 4.30ಕ್ಕ್ ಪ್ರಸಾರ ಆಪುಂಡು.
ಈ ಲೇಸ್ ಡ್ ಸಾಹಿತ್ಯಾಸಕ್ತೆರ್ ಬೊಕ್ಕ ಜೀವನ ಶಿಕ್ಷಣ ತರಬೇತುದಾರೆರ್ ಆಯಿನ ರಾಘವೇಂದ್ರ ಆಚಾರ್ಯ ಕೆದೂರು ಪಾಲ್ ಪಡೆಯೆರೆ ಉಲ್ಲೆರ್. ಜೂನ್ 11 ಮಧ್ಯಾಹ್ನ 12.30ಕ್ಕ್ ಕುಡೊರ ಪ್ರಸಾರ ಆಪುಂಡು.
ಬಡಪತ್ತ್ ದ ಕುಟುಂಬಗ್ ನ್ಯಾಯ ಕೊರ್ಪಿನ ನಿಲೆಟ್ಟ್ ದ. ಕ. ಜಿಲ್ಲಾ ದಲಿತ್ ಸೇವಾ ಸಮಿತಿದಕುಲು ಸುಳ್ಯ ತಾಲೂಕ್ ದ ಪಂಬೆತ್ತಾಡಿ ಗ್ರಾಮದ ಕಲ್ಚಾರ್ ಡ್ ಇಪ್ಪುನ ಬಡ ಕುಟುಂಬದ ಗೀತಾ ಅಜಿಲ ಮೇರ್ ದಿನೊಲ ಗಲಸೊಂದು ಇತ್ತಿನ ಪರ್ಪಿನ ನೀರ್ ದ ಪೈಪ್ ನ್ ಕೈತಲ್ ದಾರ್ ದೆತ್ತ್ ದ್ ದಕ್ಕ್ ದಿತ್ತ್ ದಿತ್ತೆರ್.
ಅಂಚಾದ್ (ಜೂನ್ 9) ಕೋಡೆ ಸುಬ್ರಮಣ್ಯ ಠಾಣಾಧಿಕಾರಿ ಮಂಜುನಾಥ್ ಬೊಕ್ಕ ದ.ಕ.ಜಿಲ್ಲಾ ದಲಿತ್ ಸೇವಾ ಸಮಿತಿದ ಸಂಘಟನೆದ ಸ್ಥಾಪಕಾಧ್ಯಕ್ಷೆರ್ ಬಿ. ಕೆ. ಸೇಸಪ್ಪ ಬೆದ್ರಕಾಡು ಜಾಗೆಗ್ ಭೇಟಿ ಕೊರ್ದು ನೀರ್ ದ ಪೈಪ್ ದ್ ವ್ಯವಸ್ಥೆನ್ ಪಾಡಾದ್ ಕೊರ್ತೆರ್. ಅಂಚೆನೆ ಈ ಕುಟುಂಬಗ್ ಇಂಚಿನ ಅನ್ಯಾಯ ಆವಂದಿಲೆಕ್ಕ ಸರಿಯಾಯಿನ ಕ್ರಮ ದೆತೊಂದ್ ಪೈಪ್ ದೆಯಿದಿನಾರೆಗ್ ಎಚ್ಚರಿಕೆ ಕೊರಿಯೆರ್.
ಈ ಪೊರ್ತುಡು ಜಿಲ್ಲಾ ಉಪಾಧ್ಯಕ್ಷೆರ್ ಪ್ರಸಾದ್ ಬೋಲ್ಮಾರ್, ಗಣೇಶ್ ಕರಿಕಳ, ಪದ್ಮನಾಭ ಕರಿಕಳ ಇತ್ತೆರ್.
ಕುಡ್ಲ: ಲೋಕದ ಸುಭಿಕ್ಷೆ ಬೊಕ್ಕ ಎಡ್ಡೆಗ್ ಬೋಡಾದ್ ಬರ್ಸ ಬರಿಯರೆ ಬೋಡಾದ್ ಸುಕ್ರಾರ ಕಾಂಗ್ರೆಸ್ ಪಕ್ಷದ ವತಿರ್ದ್ ಕುದ್ರೋಳಿ ಶ್ರೀ ಗೋಕರ್ಣನಾಥ ಕ್ಷೇತ್ರಡ್ ನೂದು ಬೊಂಡದ ಅಭಿಷೇಕ, ಇಸೇಸ ಪ್ರಾರ್ತನೆ ನಡತ್ಂಡ್.
ಬರ್ಸ ದಾಂತೆ ತುಳುನಾಡ್ ಡ್ ಸುಮಾರ್ ತುದೆ, ಗುವೆಲ್, ಕೆದು, ಬೋರ್ವೆಲ್ ನೀರ್ ಆಜಿದ್ಂಡ್. ಕೃಷಿ ಚಟುವಟಿಕೆದೊಟ್ಟಿಗೆ ಪರ್ಪಿನ ನೀರ್ ಗ್ ತೊಂದರೆ ಆತ್ಂಡ್. ಆಯಿನಾತ್ ಬೇಗ ಬರ್ಸ ಬರೊಡು ಪಂದ್ ದೇವೆರೆಗ್ ಪ್ರಾರ್ತನೆ ಸಂದಾಯೆರ್.
ಈ ಪೊರ್ತುಡು ಕುದ್ರೋಳಿ ಕ್ಷೇತ್ರದ ಅಧ್ಯಕ್ಷೆರ್ ಎಚ್.ಎಸ್. ಸಾಯಿರಾಂ, ದ.ಕ. ಜಿಲ್ಲಾ ಕಾಂಗ್ರೆಸ್ ಅಧ್ಯಕ್ಷೆರ್ ಹರೀಶ್ ಕುಮಾರ್, ಕ್ಷೇತ್ರದ ಕೋಶಾಧಿಕಾರಿ, ಕೆಪಿಸಿಸಿ ಪ್ರಧಾನ ಕಾರ್ಯದರ್ಶಿ ಪದ್ಮರಾಜ್ ಆರ್., ಕುಡ್ಲ ಬ್ಲಾಕ್ ಕಾಂಗ್ರೆಸ್ ಅಧ್ಯಕ್ಷೆರ್ ಪ್ರಕಾಶ್ ಸಾಲ್ಯಾನ್, ಮಹಿಳಾ ಘಟಕದ ನಾಯಕಿ ಶಾಲೆಟ್ ಪಿಂಟೋ, ಕಾರ್ಪೊರೇಟರ್ ಭಾಸರ್ ಮೊಯ್ಲಿ, ಶಶಿಧರ ಹೆಗ್ಡೆ, ಮಾಜಿ ಕಾರ್ಪೊರೇಟರ್ ಡಿ.ಕೆ.ಅಶೋಕ್, ಅಪ್ಪಿ, ಕಾಂಗ್ರೆಸ್ ಮುಖಂಡೆರ್ ಸತೀಶ್ ಪ್ರಭು, ಗೆಜ್ಜೆಗಿರಿ ಕ್ಷೇತ್ರದ ಉಪಾಧ್ಯಕ್ಷೆರ್ ರವಿ ಚಿಲಿಂಬಿ, ವಕ್ತಾರೆರ್ ರಾಜೇಂದ್ರ ಚಿಲಿಂಬಿ ಇತ್ತೆರ್.
ಕುಡ್ಲ: ಜೂ.11 ಕ್ಕ್ ದಕ್ಷಿಣ ಕನ್ನಡ ಜಿಲ್ಲೆದ ಪೊಸ ಉಸ್ತುವಾರಿ ಸಚಿವೆರ್ ದಿನೇಶ್ ಗುಂಡೂರಾವ್ ಕುಡ್ಲಗ್ ಬರಿಯರೆ ಉಲ್ಲೆರ್.
ಉಸ್ತುವಾರಿ ಸಚಿವೆರ್ ಆದ್ ನೇಮಕ ಆಯಿಬೊಕ್ಕ ಸುರುತ್ತ ಸರ್ತಿ ಕುಡ್ಲಗ್ ಬರಿಯರೆ ಉಲ್ಲೆರ್. ಜೂ.11ಕ್ಕ್ ಕಾಂಡೆ 8:35 ಕ್ಕ್ ಕುಡ್ಲ ವಿಮಾನ ನಿಲ್ದಾಣಗ್ ಬತ್ತ್ದ್, 12:30 ಗಂಟೆಗ್ ಬಜ್ಪೆದ ಕ.ರಾ.ರ.ಸಾ.ನಿಗಮ ಬಸ್ ನಿಲ್ದಾಣಡ್ ಶಕ್ತಿ ಯೋಜನೆಗ್ ಚಾಲನೆ ಕೊರಿಯರೆ ಉಲ್ಲೆರ್.
ಮಧ್ಯಾಹ್ನ 3 ಗಂಟೆಗ್ ದಕ್ಷಿಣ ಕನ್ನಡ ಜಿಲ್ಲಾ ಪಂಚಾಯತ್ ಸಭಾಂಗಣಡ್ ಜಿಲ್ಲಾ ಮಟ್ಟದ ಇಲಾಖೆದ ಅಧಿಕಾರಿಲೆನೊಟ್ಟುಗು ಚರ್ಚೆ ಮಲ್ತ್ದ್ ರಾತ್ರೆ 9:50 ಬೆಂಗ್ಲೂರ್ಗ್ ಪೋಯರೆ ಉಲ್ಲೆರ್ ಪಂದ್ ಪ್ರಕಟನೆಡ್ ತೆರಿಪಾದೆರ್.
ಚಿಕ್ಕಮಗಳೂರ್: ಒಡಿಶಾ ರೈಲ್ ದುರಂತಡ್ ಬದ್ ಕ್ ದ್ ಒರಿದಿನ ಒಂಜಿ ಜನ ತಿಗಲೆ ಬೇನೆಡ್ ತೀರ್ ಪೋಯಿನ ಘಟನೆ ನಡತ್ಂಡ್.
ಕಳಸ ತಾಲೂಕ್ದ ಕಳಕೋಡು ನಿವಾಸಿ ಧರ್ಮಪಾಲಯ್ಯ(72) ತೀರ್ ಪೋಯಿನಾರ್. ಕಳಸರ್ದ್ ರೈಲ್ ಮುಕೇನ ಸುವೇದ್ ಶಿಖರ್ಜಿಗ್ 110 ಜನಕುಲು ಯಾತ್ರೆಗ್ ಪಿದಾಡ್ದಿತ್ತೆರ್. ಮೊಕುಲು ಒಡಿಶಾ ರೈಲ್ ದುರಂತದ ಪೊರ್ತುಡು ಪಾರ್ ಆದಿತ್ತೆರ್. ಉತ್ತರ ಪ್ರದೇಶದ ಮಿರ್ಜಾಪುರ ರೈಲ್ವೇ ಸ್ಟೇಷನ್ಡ್ ಧರ್ಮಪಾಲಯ್ಯ ಮೆರೆಗ್ ತಿಗಲೆ ಬೇನೆ ಆದ್ ಜಾಗೆಡೇ ತೀರ್ ಪೋದಿತ್ತೆರ್. ಇತ್ತೆ ಮಿರ್ಜಾಪುರ ಸರ್ಕಾರಿ ಆಸ್ಪತ್ರೆದ ಕೈತಲ್ ಪುನತ್ತ ಪರೀಕ್ಷೆಗಾದ್ ಕುಟುಮದಕುಲು ಕಾತೊಂದುಲ್ಲೆರ್.
ಪುತ್ತೂರ್: ನನ ಬರ್ಪಿನ ಗೌರಿ ಪರ್ಬದ ದಿನತ್ತಾನಿ ಪೊಸ ಕುರಲ್ ಪಟ್ಟುನ ನಿಲೆಟ್ಟ್ ಪುತ್ತೂರ್ ಶ್ರೀ ಮಹಾಲಿಂಗೇಶ್ವರ ದೇವಲ್ಯದ ಮೂಲ ನಾಗನ ಸನ್ನಿಧಿದ ಎದುರು ನೇಜಿ ನಡಿಯೆರೆ ಮೂರ್ತ ದೀಪಿನ ಲೇಸ್ (ಜೂ.9) ಇನಿ ನಡತ್ಂಡ್.
ದೇವಲ್ಯದ ಪ್ರಧಾನ ಅರ್ಚಕೆರಾಯಿನ ವ್ಯವಸ್ಥಾಪನಾ ಸಮಿತಿದ ಸದಸ್ಯೆರ್ ವೇ.ಮೂ. ವಿ ಎಸ್ ಭಟ್ ಮೇರ್ ಮೂರ್ತ ದೀಯೆರ್.
ಈ ಪೊರ್ತುಡು ದೇವಲ್ಯದ ವ್ಯವಸ್ಥಾಪನಾ ಸಮಿತಿದ ಅಧ್ಯಕ್ಷೆರ್ ಕೇಶವಪ್ರಸಾದ್ ಮುಳಿಯ, ಸದಸ್ಯೆರ್ ಬಿ ಕೆ ವೀಣಾ, ಬಿ ಐತ್ತಪ್ಪ ನಾಯ್ಕ್, ರಾಮದಾಸ್ ಗೌಡ, ರಾಮಚಂದ್ರ ಕಾಮತ್, ರವೀಂದ್ರನಾಥ ರೈ ಬಳ್ಳಮಜಲು, ಕಾರ್ಯ ನಿರ್ವಹಣಾಧಿಕಾರಿ ಶ್ರೀನಿವಾಸ್, ಕಚೇರಿ ವ್ಯವಸ್ಥಾಪಕೆರ್ ಹರೀಶ್ ಶೆಟ್ಟಿ, ನೇಜಿ ನಾಟಿದ ಉಸ್ತುವಾರಿ ಒಯಿಸೊನ್ನ ಸುದೇಶ್ ಕುಮಾರ್ ಚಿಕ್ಕಪುತ್ತೂರ್, ರತ್ನಾಕರ ನಾಯ್ಕ್ ಇತ್ತೆರ್.
ಕುಡ್ಲ: ಜೈ ತುಳುನಾಡು (ರಿ.) ವತಿರ್ದ್ ಸಂಘಟನೆದ ಸದಸ್ಯೆರಾಯಿನ ಜ್ಞಾನೇಶ್ ದೇರಳಕಟ್ಟೆ ಮೇರ್ ತಯಾರ್ ಮಲ್ತಿನ “ಟೆಲಿಬರವು” ತಂತ್ರಾಂಶದ ಬುಡುಗಡೆ ಲೇಸ್ ಜೂನ್ 11 ಐತಾರ ಮಧ್ಯಾಹ್ನ 2 ಗಂಟೆಗ್ ಸಾಂದೀಪನಿ ಸಾಧನಾಶ್ರಮ ಶ್ರೀ ಕ್ಷೇತ್ರ ಕೇಮಾರುಡ್ ನಡಪರೆ ಉಂಡು.
ಈ ಲೇಸ್ ದ ಉದಿಪನ ಬೊಕ್ಕ ಟೆಲಿಬರವು ಬುಡುಗಡೆನ್ ಸಾಂದೀಪನಿ ಸಾಧನಾಶ್ರಮ ಶ್ರೀ ಕೇಮಾರು ಮಠತ್ತ ಶ್ರೀ ಈಶ ವಿಠಲದಾಸ ಸ್ವಾಮೀಜಿ ಮಲ್ಪೆರೆ ಉಲ್ಲೆರ್. ನೆತ್ತ ಅಧ್ಯಕ್ಷತೆನ್ ಸಂಘಟನೆದ ವಿಶು ಕೇರ ಒಯಿಸೊನ್ವೆರ್.
ಮಲ್ಲ ಬಿನ್ನೆರಾದ್ ಅಳುಪ ವಂಶಸ್ಥೆರ್, ಕರ್ನಾಟಕ ತುಳು ಸಾಹಿತ್ಯ ಅಕಾಡೆಮಿದ ಮಾಜಿ ಸದಸ್ಯೆರ್ ಡಾ.ಆಕಾಶ್ ರಾಜ್ ಜೈನ್, ಐಕಳ ಗ್ರಾಮ ಪಂಚಾಯತ್ದ ಉಪಾಧ್ಯಕ್ಷೆರ್, ಉಮಾಮಹೇಶ್ವರ ದೇವಲ್ಯ ಉಳೆಪಾಡಿದ ಅಧ್ಯಕ್ಷೆರ್ ರಾಜೇಶ್ ಶೆಟ್ಟಿ ಉಳೆಪಾಡಿ ಬರಿಯೆರೆ ಉಲ್ಲೆರ್.
