ಓಂ ರಾವುತ್ ಮೇರ್ ನಿರ್ದೇಶನ ಮಲ್ತಿನ ಆದಿಪುರುಷ್ ಮಹಾಕಾವ್ಯ ರಾಮಾಯಣನ್ ಆಧರಿಸಾಯಿನ ಪೌರಾಣಿಕ ಪಿಚ್ಚರ್ ಆದಿಪುರುಷ್ ಜೂನ್ 16 ಕ್ಕ್ ಬುಡುಗಡೆ ಆಯರೆ ಉಂಡು.
ಉಂದೆಟ್ ಪ್ರಭಾಸ್ ಮೇರ್ ಶ್ರೀರಾಮನ ಪಾತ್ರ , ಕೃತಿ ಸನೋನ್ ಸೀತೆ, ಸನ್ನಿ ಸಿಂಗ್ ಲಕ್ಷ್ಮಣೆಯಾದ್ ಸೈಫ್ ಅಲಿ ಖಾನ್ ರಾವಣನ ಪಾತ್ರೊಡು ನಟನೆ ಮಲ್ತ್ದೆರ್. ಉಂದು ಮಲಯಾಳಂ, ತೆಲುಗು ಬೊಕ್ಕ ತಮಿಳ್ ಭಾಷೆಡ್ಲ ಬುಡುಗಡೆ ಆಯರೆ ಉಂಡು.
ಚಿಕ್ಕಮಗಳೂರ್: ದೇವಲ್ಯಡ್ ಉಂತುದಿನ ಪೊರ್ತುಡು ತೆಡಿಲ್ ಹಾಕ್ದ್ ಜನ ಒರಿ ತೀರ್ ಪೋಯಿನ ಘಟನೆ ಚಿಕ್ಕಮಗಳೂರ್ದ ಕಡೂರ್ ತಾಲೂಕ್ದ ಯಗಟಿಪುರಡ್ ನಡತ್ಂಡ್.
ತರೀಕೆರೆ ತಾಲೂಕ್ದ ಬಾವಿಕೆರೆದ ಗಂಜೀಗೆರೆ ಮೂಲದ ಜನ ಮುಖೇಶ್ (40) ತೀರ್ ಪೋಯಿನಾರ್. ಮೇರ್ ದೇವಲ್ಯದ ಪಿದಯಿಡ್ ಉಂತುದಿನ ಪೊರ್ತುಡು ತೆಡಿಲ್ ಹಾಕ್ದ್ಂಡ್. ಈ ಘಟನೆಡ್ 4 ಜನಕ್ಕ್ ಪೆಟ್ಟಾತ್ಂಡ್. ಅಕುಲು ಕಡೂರು ಸರ್ಕಾರಿ ಆಸ್ಪತ್ರೆಡ್ ಚಿಕಿತ್ಸೆ ಪಡೆದ್ ಇಲ್ಲಗ್ ವಾಪಸ್ಸ್ ಆತೆರ್.
ಕುಡ್ಲ: ಮುಂಜಾಗೃತೆ ಕ್ರಮ ಬೊಕ್ಕ ಕಾನೂನು ಸುವ್ಯವಸ್ಥೆದ ದಿಟ್ಟಿಡ್ ದಕ್ಷಿಣ ಕನ್ನಡ ಜಿಲ್ಲಾ ಪೊಲೀಸೆರ್ 83 ಜನ ರೌಡಿ ಶೀಟರ್ಸ್ ನ ಇಲ್ಲಗ್ ರೈಡ್ ಮಲ್ದೆರ್.
ಕಾನೂನು ಮೀರ್ದ್ ಹತ್ಯಾರ್ ವಿರೋಧ ಕಾರ್ಯಾಚರಣೆ ಮಲ್ತ್ ದ್, ಒವ್ವೇ ರೌಡಿ ಚಟುವಟಿಕೆ ಮಲ್ಪಂದಿಲೆಕ ಎಚ್ಚರಿಕೆ ಕೊರ್ತೆರ್. ತನಿಖೆದ ಪೊರ್ತುಡು ಒವ್ವೇ ಹತ್ಯಾರ್ ಪತ್ತೆ ಆತಿಜಿ. ಪೊಲೀಸ್ ಇಲಾಖೆ ಒರಾನೇ ಇಂಚಿನ ಕಾರ್ಯಾಚರಣೆ ನಡಪಾವೊಂದುಂಡು. ನೆರ್ದ್ ರೌಡಿಲೆನ ಮಿತ್ತ್ ಏಪಲ ನಿಗಾ ದೀವರೆ ಆಪುಂಡು ಪಂದ್ ಎಸ್ಪಿ ತೆರಿಪಾದೆರ್.
Police raid homes of Rowdysheeters
Mangalore: As a precautionary measure in the maintaince of law and order, the police raided the homes 83 rowdy sheeters in and around Mangalore
ಉಬಾರ್: ಕಾಲೇಜ್ ಕಲ್ಪಾರ್ಥಿಲೆನ ನಡುಟ್ಟು ಎಲ್ಯ ವಿಷಯೊಡು ಗಲಾಟೆ ಆದ್, 8 ಜನತ್ತ ಮಿತ್ತ್ ಎಫ್ ಐ ಆರ್ ದಾಖಲಾಯಿನ ಘಟನೆ ಉಬಾರ್ ಡ್ ನಡತ್ಂಡ್.
ಉಬಾರ್ ದ ಬಸ್ ಸ್ಯಾಂಡ್ ದ ಕೈತಲ್ ರಡ್ಡ್ ಕಲ್ಪಾರ್ಥಿಲೆನ ಗುಂಪು ಲಡಾಯಿ ಮಲ್ತ್ ದ್ಂಡ್. ಅಪಗ ಅಲ್ಪ ಇತ್ತಿನ ಪೊಲೀಸೆರ್ ಅಕ್ಲೆನ್ ಸಮಾಧಾನ ಮಲ್ತ್ಂಡಲ ಗಲಾಟೆ ಉಂತಾದಿಜೆರ್.
ಅಂಚಾದ್ ಉಬಾರ್ ಸರ್ಕಾರಿ ಕಾಲೇಜ್ ದ ಕಲ್ಪಾರ್ಥಿಲಾಯಿನ ಗಿರೀಶ್ (21), ಅಭಿಜಿತ್ (20), ಧನುಷ್ (19), ಮೋಹನ್ (19) ನಂದನ್ (19), ವಿನ್ಯಾಸ್ (18), ರೂಪೇಶ್(20) ಹಿತೇಶ್(19) ಪನ್ಪುನಕ್ಲೆನ್ ಪೊಲೀಸೆರ್ ವಶಕ್ಕ್ ದೆತೊಂದು ಅಕ್ಲೆನ ಮಿತ್ತ್ ಸಾರ್ವಜನಿಕ ಶಾಂತಿಭಂಗ ಮಲ್ತಿನ ಆರೋಪದ ಮಿತ್ತ್ ಕೇಸ್ ದಾಖಲ್ ಮಲ್ತ್ ದ್ ತನಿಖೆ ಮಲ್ತೊಂದು ಉಲ್ಲೆರ್ ಪಂದ್ ಅಧಿಕಾರಿಲು ತೆರಿಪಾದೆರ್.
Students clash at Ubaar, FIR registered against 8 persons
Ubaar: In a skirmish between two group of college students over a small matter , FIR was registered against 8 people.
ತುಳುನಾಡ್ ದ ಜನಕ್ಲೆಗ್ ಜಾತಿರ್ದ್ ತುಳು ಸಂಸ್ಕೃತಿ ಮುಖ್ಯ, ಪರವೂರುಗು ಪೋಂಡಲ ತುಳು ಸಂಸ್ಕೃತಿನ್ ಮದಪೆರೆ ಬಲ್ಲಿ. ತುಳು ಭಾಷೆನ್ 8 ನೇ ಪರೀಚ್ಛೇದಡ್ ಸೇರ್ಸಾಯೆರೆ ಇಡೇ ಮುಟ್ಟಲ ಆವಂದಿನ ತುಳುನಾಡ್ ದ ರಾಜಕಾರಣಿಲು ಬಂಡಲ್ ಬುಡ್ಪುನೆಟ್ಟ್ ಕಾಲ ಕಳೆಯೆರೆ ಪಂದ್ ಕೇಮಾರು ಸಾಂದೀಪನಿ ಸಾಧನಾಶ್ರಮದ ಶ್ರೀ ಈಶ ವಿಠಲದಾಸ ಸ್ವಾಮೀಜಿ ಪಂಡೆರ್.
ಜೈ ತುಲುನಾಡ್ (ರಿ.) ನೆತ್ತ ಮುತಾಲಿಕೆಡ್ ಶ್ರೀಕ್ಷೇತ್ರ ಕೇಮಾರ್ ಡ್ ಐತಾರ ‘ಟೆಲಿಬರವು’ ಪನ್ಪುನ ತಂತ್ರಾಂಶ ಉದಿಪನ ಮಲ್ತ್ ದ್ ಮೇರ್ ಆಶೀರ್ವಚನ ಕೊರ್ದು ಪಾತೆರಿಯೆರ್.
ಈ ಪೊರ್ತುಡು ‘ಟೆಲಿಬರವು’ ತಂತ್ರಾಂಶದ ರಚನೆಕಾರೆರ್ ಜ್ಞಾನೇಶ ದೇರಳಕಟ್ಟೆ ಮೆರೆಗ್ ತಮ್ಮನ ಮಲ್ತೆರ್. ಬೊಕ್ಕ ಜ್ಞಾನೇಶ್ ಪಾತೆರ್ದ್, ಈ ತಂತ್ರಾಂಶಡ್ ಕನ್ನಡಡ್ ಬರೆಯಿನಂಚಿನ ಅಕ್ಷರಲು ತುಳು ಲಿಪಿಗ್ ಪರಿವರ್ತನೆ ಆಪುಂಡು ಪಂದ್ ಪಂಡೆರ್.
ಬೊಕ್ಕ ಸುಮಂತ್ ಹೆಬ್ರಿ ತಂತ್ರಾಂಶದ ಬಗೆಟ್ ಪೊಲಬು ಕೊರಿಯೆರ್. ಈ ಪೊರ್ತುಡು ಕೇಮಾರ್ ಕ್ಷೇತ್ರದ ಪುದರ್ ಪಲವೆನ್ ತುಲುಲಿಪಿಟ್ಟ್ ಪಾಡ್ಡ್ ಉದಿಪನ ಮಲ್ತೆರ್. ಜೈ ತುಲುನಾಡ್ ಸಂಘಟನೆದ ಅಧ್ಯಕ್ಷೆರ್ ವಿಶು ಶ್ರೀಕೇರ ಈ ಲೇಸ್ ದ ಗುರ್ಕಾರ್ಮೆನ್ ಒಯಿಸೊಂದಿತ್ತೆರ್.
ಐಕಳ ಗ್ರಾಮ ಪಂಚಾಯತ್ದ ಉಪಾಧ್ಯಕ್ಷೆರ್ ರಾಜೇಶ್ ಶೆಟ್ಟಿ ಮಲ್ಲ ಬಿನ್ನೆರಾದ್ ಪಾಲ್ ಪಡೆದಿತ್ತೆರ್. ಈ ಪೊರ್ತುಡು ಜೈ ತುಲುನಾಡ್ ಸಂಘಟನೆದ ಉಪಾಧ್ಯಕ್ಷೆರ್ ಉದಯ್ ಪೂಂಜಾ ಇತ್ತೆರ್. ಪೂರ್ಣಿಮಾ ಬಂಟ್ವಾಳ ಸನ್ಮಾನ ಪತ್ರನ್ ಓದಿಯೆರ್. ಪವಿತ್ರ ಪೂಜಾರಿ ಎದ್ಕೊನಿಯೆರ್. ಅಕ್ಷತ ಸೊಲ್ಮೆ ಸಂದಾಯೆರ್. ಕಿರಣ್ ತುಲುವೆ ಲೇಸ್ ದ ಸುಧಾರಿಕೆ ಮಲ್ತೆರ್.
Politicians don’t seem to be interested in our Tulunadu – Kaymaru Sri
“The people of Tulunadu are not bothered with religious differences but even in alien lands are interested to preserve and continue with the special culture and customs of Tulunadu. It is sad that even with so many people interested in reviving tulu we have not been successful in including it in the 8 th schedule of the constitution because disinterest by politicians ” said Sri Eshavittala Sri of Keymaru while inaugurating ” Telibaravu” an app that will change kannada alphabets into tulu script. The app has been created by Gyanesh Deralakatte who was honoured on the occasion.
ಒಡಿಪು: ಬಸ್ ಬೊಕ್ಕ ಕಾರ್ ಗುದ್ದುದು ಒರಿ ಶಿಕ್ಷಕೆ ಸೇರ್ದ್ 2 ಜನ ತೀರ್ ಪೋಯಿನ ಘಟನೆ ಸೀತಾನದಿ ಜಕ್ಕನಮಕ್ಕಿ ಕೈತಲ್ ನಡತ್ಂಡ್.
ಒಡಿಪು ಡಿಡಿಪಿಐ ಆಫೀಸ್ದ ಪ್ರಥಮ ದರ್ಜೆ ಸಹಾಯಕೆರ್ ಸುಬ್ಬಣ್ಣ ಗಾಣಿಗ ಅಂಚನೆ ಒಡಿಪು ಇಂದಿರಾ ನಗರ ಶಾಲೆದ ದೈಹಿಕ ಶಿಕ್ಷಕೆರ್ ಸೋಮಶೇಖರ್ ತೀರ್ ಪೋಯೆರ್.
ಒಡಿಪುರ್ದ್ ಆಗುಂಬೆದಂಚಿ ಪೋವೊಂದಿತ್ತಿನ ಬಸ್ ಅಂಚನೆ ಚೆನ್ನಗಿರಿರ್ದ್ ಮದಿಮೆ ಮುಗಿಪಾದ್ ಒಡಿಪುಗ್ ಪೋವೊಂದಿತ್ತಿನ ಶಿಕ್ಷಕೆರ್ನ ಕಾರ್ದ ನಡುಟ್ಟ್ ಈ ಅಪಘಾತ ನಡತ್ಂಡ್. ಕುಡೊರಿ ಶಿಕ್ಷಕೆರ್ ಸುದರ್ಶನ್ ಅಂಚನೆ ಕಾರ್ ಬುಡೊಂದಿತ್ತಿನ ಸತೀಶ್ ಮೆರೆಗ್ ಮಸ್ತ್ ಪೆಟ್ಟಾತ್ಂಡ್. ಅಕ್ಲೆನ್ ಮಣಿಪಾಲ ಆಸ್ಪತ್ರೆಗ್ ದಾಖಲ್ ಮಲ್ತ್ದೆರ್. ಹೆಬ್ರಿ ಪೊಲೀಸೆರ್ ಜಾಗೆಗ್ ಬತ್ತ್ದ್ ಪರಿಶೀಲನೆ ಮಲ್ತ್ದೆರ್.
Udupi:Two teachers die in a collusion between a car and bus at Hebri
Udupi: The incident was reported from Seetanadi near Hebri. The deceased have been identified as Suubanna Ganiga working at the DDPI office at Udupi and Somashekara physical education instructor at Indira Nagar School, Udupi .
ಕರ್ನಾಟಕ ಸರಕಾರದ ತುಳು ಸಾಹಿತ್ಯ ಅಕಾಡೆಮಿದ ನನದ ಗುರ್ಕಾರ್ಲೆನ ತಾನಗ್ ತುಳು ಪೊರ್ಂಬಾಟಗಾರೆರೆಗ್ ಅವಕಾಶ ಕೊರ್ಪಿನ ಬಗ್ಗೆ ತುಳುನಾಡ್ಡ್ ಬಾರಿ ಚರ್ಚೆ ಆವೊಂದುಂಡು. ಈ ದಿಟ್ಟಿಡ್ ತುಳುನಾಡ್ದ ಪುಗರ್ತೆದ ಸಂಘಟನೆ ಆಯಿನ ತುಳುನಾಡ ರಕ್ಷಣಾ ವೇದಿಕೆದ ಸ್ಥಾಪಕಾಧ್ಯಕ್ಷೆರ್ ಯೋಗೇಶ್ ಶೆಟ್ಟಿ ಜಪ್ಪು ಮೆರೆಗ್ ಕೊರೊಡು ಪಂಡ್ ದ್ ಮೆರೆನ ಅಭಿಮಾನಿಲು ಕೇನೊಂದುಲ್ಲೆರ್.
ತುಳುನಾಡ ರಕ್ಷಣಾ ವೇದಿಕೆದ ಅಧ್ಯಕ್ಷೆರಾದ್ ನಿರಂತರ ತುಳುನಾಡ್ದ ನೆಲ, ಜಲ, ಆಚಾರ, ವಿಚಾರ ತುಳು ಭಾಷೆನ್ ಸಂವಿಧಾನದ 8ನೇ ಪರಿಚೇದಗ್ ಸೇರ್ಪಡೆ, ತುಳು ಭಾಷೆನ್ ರಾಜ್ಯದ ರಡ್ಡನೇ ಅಧಿಕೃತ ಭಾಷೆಯಾದ್ ಮಲ್ಪೊಡು ಪನ್ಪಿನ ಬೆಚ್ಚನ್ ಕಾನೂನು ರೀತಿಡ್ ಪೊರ್ಂಬಾಟ ಮಲ್ಪುನ, ಪ್ರತಿಭಟನೆ, ಧರಣಿ, ಉಪವಾಸ ಸತ್ಯಾಗ್ರಹ ಬೊಕ್ಕ ಸಾಮಾಜಿಕ ಜಾಲತಾಣದ ಮುಖೇನ ಜನಕುಲೆಡ ಅರಿವು ಮೂಡಿಸಾವುನ ಬೇಲೆನ್ ನಿರಂತರವಾದ್ ಮಲ್ತೊಂದು ಬರೊಂದು ಉಲ್ಲೆರ್.
2009 ಟ್ಟ್ ಜಪ್ಪು ಮಹಾಕಾಳಿ ಪಡ್ಪುಡು ರೈಲ್ವೆ ಗೇಟ್ದ ಕೈತಲ್ ರೈಲ್ವೆದ ಎದುರುಡ್ ರೈಲ್ವೆ ಅವ್ಯವಸ್ಥೆದ ಮಿತ್ತ್ ಲೇಸ್ ಆಯೋಜನೆ ಮಲ್ತ್ದ್ ಸುರು ತುಳುತ್ತ ಕೊಡಿನ್ ಪೊರ್ಂಬಾಟಗ್ ಪ್ರದರ್ಶನ ಮಲ್ತಿನ ಆ ಪೊರ್ತುಡು ಎಚ್ಚಿನಕ್ಲೆಗ್ ತುಳು ಕೊಡಿ ಒವು ಪಂದೇ ತೆರಿದ್ ಇಜ್ಜಂಡ್. ಬೊಕ್ಕ 1837 ಇಸವಿಡ್ ಏಪ್ರಿಲ್ 5 ಕ್ಕ್ ಬಾವುಟ ಗುಡ್ಡೆಡ್ ಆನಿದ ಸ್ವಾತಂತ್ರ್ಯ ಪೊರ್ಂಬಾಟಗಾರೆರ್ ಬ್ರಿಟಿಷ್ ಕೊಡಿನ್ ದೆತ್ತ್ದ್ ತುಳುತ್ತ ಕೊಡಿನ್ ಪಾಡಿಯೆರ್.
ಈ ದಿನನ್ ನೆಂಪು ಮಲ್ಪುನ ಸಲುವಾದ್ ಪುಗರ್ತೆದ ಬರವುಗಾರೆರ್, ಅರೆಭಾಷಾ ಅಕಾಡೆಮಿದ ಅಧ್ಯಕ್ಷೆರ್, ಪೆರಿಯ ಸಾಹಿತಿ ದಿ.ದೇವಿ ಪ್ರಸಾದ್ ಸಂಪಾಜೆ, ಟೈಮ್ಸ್ ಆಫ್ ಕುಡ್ಲ ಪತ್ರಿಕೆದಕುಲು, ದಿ.ಕುದ್ಕಡಿ ವಿಶ್ವನಾಥ ರೈ, ಹರಿಕೃಷ್ಣ ಪುನರೂರು, ಅರವಿಂದ ಬೋಳೂರು, ಬೋಜರಾಜ್ ವಾಮಂಜೂರು ಸೇರಿನಂಚೆನೆ ಸರ್ವ ಸಂಘಟನೆ ಬೊಕ್ಕ ನೂದೆರ್ದ್ ಎಚ್ಚ ಜನ ಸೇರೊಂದು ಬಾವುಟ ಗುಡ್ಡೆಡ್ ಪ್ರತಿವರ್ಷ ಏಪ್ರಿಲ್ 5 ಕ್ಕ್ ನಡಪುನ ಸ್ವಾತಂತ್ರ್ಯ ಪೊರ್ಂಬಾಟಗಾರೆರೆನ ನೆಂಪುದ ಲೇಸ್ಡ್ ಪಾಲ್ ಪಡೆಪುಲೆಕ್ಕ ಮಲ್ತ್ದ್ ಪ್ರತಿವರ್ಷ ತುಳುತ್ತ ಕೊಡಿ ರಾಪಾವೆರ್.
ಅಂಚೆನೆ ತುಳುನಾಡ್ದ ಬೇತೆ ಬೇತೆ ಭಾಗಡ್ ಸ್ವಾತಂತ್ರ್ಯ ಸಂಗ್ರಾಮದ ನೆಂಪುದ ಲೇಸ್ನ್ ಮಲ್ಪುನ ಮುಖೇನ ಇತ್ತೆಲ ಬಾವುಟ ಗುಡ್ಡೆಡ್ ಸ್ವಾತಂತ್ರ್ಯ ಸ್ಮಾರಕ ಕೆದಂಬಾಡಿ ರಾಮೇಗೌಡೆರೆನ ಪ್ರತಿಮೆನ್ ಉದಿಪನ ಮಲ್ಪೆರೆಲ ಪ್ರಮುಖ ರೂವಾರಿಲೆಡ್ ಒರಿಯಾದ್ ಬೇಲೆ ಮಲ್ತಿನ ಯೋಗಿಶ್ ಶೆಟ್ಟಿ ಜಪ್ಪು ಮೇರ್. ಇನಿ ಈ ತುಳು ಬಾವುಟದ ಬಗ್ಗೆ ಇಡೀ ಕಡೆಕ್ಕ್ ಗೊತ್ತಾಯೆರೆ ಮೆರೆನ ಶ್ರಮ ಮಸ್ತ್ ಮುಖ್ಯ ಆತ್ಂಡ್ ಪನ್ಪಿನವು ನಮಕ್ ಮಾತೆರೆಗ್ಲಾ ತೆರಿನ ಇಸಯ.
ತುಳು ಲಿಪಿತ್ತ ಪ್ರಚಾರ ತುಳುನಾಡ್ದ ಪರಂಪರೆ ಸಂಸ್ಕೃತಿನ್ ಜಗತ್ತ್ದ ಜನಕುಲೆಗ್ ಪರಿಚಯ ಮಲ್ಪುನ ದಿಟ್ಟಿಡ್ 2019 ಟ್ಟ್ ತುಳುನಾಡ್ದ ರಕ್ಷಣಾ ವೇದಿಕೆದ ದಶಮಾನ ಉಚ್ಚಯದ ಅಂಗವಾದ್, ಮೂಜಿ ದಿನತ್ತ ವಿಶ್ವ ತುಳು ಸಮ್ಮೇಳನನ್ ಆಯೋಜನೆ ಮಲ್ತಿನ ಲೇಸ್ ಡ್ ವಿಚಾರಗೋಷ್ಠಿ, ಸಂಗೀತ ನೃತ್ಯ, ನಾಟಕ, ತುಳು ಪಿಕ್ಚರ್, ಬೂಕು ಬುಡುಗಡೆ, ಕರಕುಶಲ ಪ್ರದರ್ಶನ ಸೇರಿನಂಚೆನೆ ಸುಮಾರ್ ಲೇಸ್ ನಡತ್ಂಡ್. ಈ ಲೇಸ್ಗ್ ದೇಶ ವಿದೇಶದ ಸುಮಾರ್ ಗಣ್ಯೆರೆನ್ ಸೇರ್ಸಾದ್ ಸಾಧಕ ಸನ್ಮಾನ, ತೌಳವರತ್ನ, ತೌಳವ ಚಕ್ರವರ್ತಿ, ತೌಳವಸಿರಿ ಪನ್ಪುನ ಪ್ರಶಸ್ತಿನ್ ಕೊರ್ದು ಮಾನಾದಿಗೆ ಮಲ್ಪುನ ಬೇಲೆನ್ ಯೋಗಿಶ್ ಶೆಟ್ಟಿ ಜಪ್ಪು ಮೆರೆನ ಮುತಾಲಿಕೆಡ್ ನಡತ್ದ್ಂಡ್.
2021 ಕೊರೊನಾ ಲಾಕ್ ಡೌನ್ ಪೊರ್ತುಡು ದಕ್ಷಿಣ ಕನ್ನಡ ಜಿಲ್ಲೆ, ಒಡಿಪು ಜಿಲ್ಲೆದ ಪ್ರಮುಖ ಭಾಗಡ್ ಆಹಾರ ಕಿಟ್ ಕೊರ್ಪುನೇ ಬೊಕ್ಕ ಕುಡ್ಲದ ಕೆಲವು ಪ್ರಮುಖ ಪ್ರದೇಶಡ್ ನಿರಂತರವಾದ್ 62 ದಿನ ಕೂಲಿ ಕಾರ್ಮಿಕೆರೆಗ್, ನಿರ್ಗತಿಕೆರೆಗ್ ಅನ್ನದಾನ ಮಲ್ತಿನ ಕೀರ್ತಿ ಯೋಗಿಶ್ ಶೆಟ್ಟಿ ಜಪ್ಪು ಮೆರೆಗ್ ಸಂದುಂಡು. ಅಂಚೆನೆ ತುಳು ಸಾಹಿತ್ಯ ಅಕಾಡೆಮಿದ ರಾಜ್ಯ ಯುವ ಸಾಧಕ ಪ್ರಶಸ್ತಿ, ಜಿಲ್ಲಾ ರಾಜ್ಯೋತ್ಸವ ಪ್ರಶಸ್ತಿ, ತುಳು ಸಂಘ ರತ್ನ ಪ್ರಶಸ್ತಿ ಸೇರಿನಂಚನೆ ಸುಮಾರ್ ಪ್ರಶಸ್ತಿನ್ ಪಡೆಯಿನ ಮೇರ್ ತುಳುನಾಡ ನುಡಿಕ್ಕ್ ಶ್ರಮಿಸೊಂದು ಜಗತ್ತ್ದ ಸುಮಾರ್ ಕಡೆಟ್ ಇಪ್ಪುನ ತುಳುವೆರಾಯಿನ ನಮ ಮಾತ ತುಳು ಸಾಹಿತ್ಯ ಅಕಾಡೆಮಿ ಅಧ್ಯಕ್ಷೆರಾದ್ ಆಯ್ಕೆ ಆಯೆರೆ ಬೆಂಬಲಿಸಾವೊಡು.
ದಾಯೇ ಪಂಡ ತುಳು ಅಧಿಕೃತ ಭಾಷೆ, ತುಳು ಸಂವಿಧಾನದ 8ನೇ ಪರಿಚ್ಛೇದಗ್ ಸೇರ್ಪಡೆ ಸೇರಿನಂಚೆನೆ ಪ್ರಮುಖ ಬೇಲೆಲು ಆಯೆರೆ ಉಂಡು. ಅಂಚಾದ್ ಜಾತಿ, ಧರ್ಮ ಬೇಧ ಇಜ್ಜಂದೆ ತಳಮಟ್ಟರ್ದ್ ಮೂಜಿ ದಶಕರ್ದಿಂಚ ನಿರಂತರ ದೀನ ದಲಿತೆರೆನ ಪರ ಪೊರ್ಂಬಾಟ ಮಲ್ಪುನ ಯೋಗಿಶ್ ಶೆಟ್ಟಿನಂಚ ಪ್ರಭಾವಿ ಪೊರ್ಂಬಾಟಗಾರೆರೆನ ಅಗತ್ಯ ಉಂಡು ಪಂದ್ ನಿವೃತ್ತ ಸೇನಾ ಕಮಾಂಡರ್, ಕಾಂಗ್ರೆಸ್ ಮುಖಂಡೆರ್ ಕೃಷ್ಣ ಗಟ್ಟಿ ಪನ್ತೆರ್.
ಬೆಂಗ್ಲೂರ್: ರಾಜ್ಯ ಸರ್ಕಾರರ್ದ್ ಪೊಂಜೊವುಲೆಗ್ ಫ್ರೀ ಬಸ್ ಪ್ರಯಾಣದ ಶಕ್ತಿ ಯೋಜನೆಗ್ ಎಲ್ಲೆ ಚಾಲನೆ ತಿಕ್ಕರೆ ಉಂಡು. ನಿಗಮದ ಬಸ್ಲೆಡ್ ಪೋಪಿನ ಪ್ರಯಾಣಿಕೆರ್ ಕರ್ನಾಟಕ ರಾಜ್ಯದ ನಿವಾಸಿ ಪಂದ್ ತನ್ನ ಮೂಲ ದಾಖಲಾತಿನ್ ತೋಜ್ಪಾವೊಡು.
ಆಧಾರ್ ಕಾರ್ಡ್
ಮತದಾರೆರ್ನ ಗುರುತ್ದ ಚೀಟಿ
ಚಾಲನಾ ಪರವಾನಿಗೆ ಪತ್ರ
ಕರ್ನಾಟಕ ಸರ್ಕಾರ ವಾಸ ಇತ್ತಿನ ಜಾಗೆಗ್ ಕೊರಿನ ಗುರುತ್ದ ಚೀಟಿ.
ಈ ಮಾತ ಚೀಟಿಲೆಡ್ ಒಂಜೆನ್ ತೋಜ್ಪಾದ್ ಫ್ರೀ ಆದ್ ಪ್ರಯಾಣ ಮಲ್ಪೊಲಿ. ಪೊಂಜೊವುಲೆಗ್ ಜೂ.11 ಕ್ಕ್ ಮಧ್ಯಾಹ್ನ 1 ಗಂಟೆರ್ದ್ ಫ್ರೀ ಆದ್ ಬಸ್ಟ್ ಪೋವೊಲಿ.
Women to get free rides in government buses from tomorrow under its ‘ Shakthi’ scheme
Documents to be at hand while traveling:
Bangalore : Buses that will ply women passengers for free will begin service from 1p.m tomorrow. Women should have government photo id card that with their residential address on it and Adhar card with them. The government will issue shaki smart cards later to facilitate free travel.
NHPC ಡ್ 388 ಜೂನಿಯರ್ ಇಂಜಿನಿಯರ್, ಮೇಲ್ವಿಚಾರಕೆರ್, ಹಿರಿಯ ಅಕೌಂಟೆಂಟ್, ಭಾಷಾಂತರಕಾರ ಬೊಕ್ಕ ಡ್ರಾಫ್ಟ್ ಸ್ಮೆನ್ ಬೇಲೆಗ್ ನೇಮಕಾತಿ ಅಧಿಸೂಚನೆ ಕೊರ್ತುಂಡು.
ಅರ್ಜಿ ಸಂದಾಯೆರೆ ಜೂನ್ 9 ರ್ದ್ ಸುರು ಆದ್ ಜೂನ್ 31 ಕ್ಕೆ ಮುಗಿಪುಂಡು. ಆಸಕ್ತ ಬೊಕ್ಕ ಅರ್ಹ ಅಭ್ಯರ್ಥಿಲು ಅಧಿಕೃತ ವೆಬ್ಸೈಟ್ www.nhpcindia.com ಗ್ ಭೇಟಿ ಕೊರ್ಪಿನ ಮುಖೇನ ಅರ್ಜಿ ಸಂದಾವೊಲಿ. ಶೈಕ್ಷಣಿಕ ಅರ್ಹತೆ, ಆಯ್ಕೆ ಪ್ರಕ್ರಿಯೆ ಬೊಕ್ಕ ಅರ್ಹತಾ ಮಾನದಂಡದ ಬಗೆಟ್ ಪೊಲಬುಗಾದ್ ಇಲಾಖೆ ಕೊರಿನ ಅಧಿಸೂಚನೆನ್ ತೂವೊಡು.
ಸಂಸದೆರೆನ ತಾನಗ್ ರಾಜೀನಾಮೆ ಕೊರ್ತೆ ಪಂದ್ ಬ್ರಿಟನ್ ಮಾಜಿ ಪ್ರಧಾನಿ ಬೋರಿಸ್ ಜಾನ್ಸನ್ ಘೋಷಣೆ ಮಲ್ದೆರ್.
ಪಾರ್ಟಿ ಗೇಟ್ ಹಗರಣಡ್ ಸಂಸತ್ತ್ ನ್ ತಪ್ಪು ತಾದಿಗ್ ಕೊನೊಯರ್ ಪಂದ್ ವಿಶೇಷಾಧಿಕಾರ ಸಮಿತಿ ಎನ್ನ ಮಿತ್ತ್ ಆರೋಪ ಮಲ್ತ್ ದ್ ಇತ್ಂಡ್. ಈ ಬೆರಿಕ್ಕೆ ಎನನ್ ಸಂಸತ್ತ್ ರ್ದ್ ಪಿದಯಿ ಪಾಡುನ ಮಾತ ಪ್ರಯತ್ನ ನಡತೊಂದು ಇತ್ತ್ಂಡ್.
ಈ ಇಸಯ ತೆರಿನ ಕೂಡ್ಲೆ ಯಾನೆ ರಾಜೀನಾಮೆ ಕೊರಿಯೆರೆ ನಿರ್ಧಾರ ದೆತೊಂದೆ ಪಂದ್ ಪಂಡೆರ್. ಬೊಕ್ಕ ಸಮಿತಿದ ಶಿಫಾರಸ್ ಡ್ ದಾದ ಉಂಡು ಪಂದ್ ಗೊತ್ತುಜಿಂದ್ ಪಂಡೆರ್.
Former British PM Boris Johnson resigns as Member of Parliament
He tenders his resignation on charges of misleading the house in the Party Gate issue.
