April 2023

April 20 th: BJP candidate from Puttur Asha Timapppa Gowda to file nomination ಎ.20:ಪುತ್ತೂರ್ ಬಿಜೆಪಿ ಅಭ್ಯರ್ಥಿ ಆಶಾ ತಿಮ್ಮಪ್ಪ ಗೌಡ ನಾಮಪತ್ರ

ಪುತ್ತೂರ್ ದ ಬಿಜೆಪಿ ಅಭ್ಯರ್ಥಿಯಾದ್ ಆಯ್ಕೆ ಆಯಿನ ಜಿ.ಪಂ ಮಾಜಿ ಸದಸ್ಯೆ ಆಶಾ ತಿಮ್ಮಪ್ಪ ಗೌಡ ಮೇರ್ ಎ.20 ಕ್ಕ್ ನಾಮಪತ್ರ ಸಂದಾಯೆರೆ ಉಲ್ಲೆರ್.

ಪುತ್ತೂರ್ ಶ್ರೀ ಮಹಾಲೀಂಗೇಶ್ವರ ದೇವಲ್ಯಡ್ ಪ್ರಾರ್ತನೆ ಸಂದಾದ್ ಬೊಕ್ಕ ಕಾರ್ಯಕರ್ತೆರೆನ, ಬೆಂಬಲಿಗೆರೆನ ಸಮಾವೇಶ ನಡಪಾದ್, ನಡತೊಂದು ಕೋರ್ಟು ಮಾರ್ಗಗ್ ಬತ್ತ್ ದ್ ಬಿಜೆಪಿ ಅಭ್ಯರ್ಥಿ ನಾಮಪತ್ರ ಸಂದಾಯರೆ ಉಲ್ಲೆರ್ ಪಂದ್ ಪಕ್ಷದ ಮೂಲ ತೆರಿಪಾದ್ಂಡ್.

Todar Navachetana Seva Balaga (R) – Renders aid to a downtrodden family ತೋಡಾರು ನವಚೇತನ ಸೇವಾ ಬಳಗ (ರಿ.) ಸಂಸ್ಥೆದ ವತಿರ್ದ್ ಬಡಪತ್ತ್ ಕುಟುಂಬಗ್ ಪನವುದ ಸಕಾಯ

ತೋಡಾರು ನವಚೇತನ ಸೇವಾ ಬಳಗ (ರಿ.) ಸಂಸ್ಥೆದ 76ನೇ ಸೇವಾ ಯೋಜನೆದ ವತಿರ್ದ್ ಒಂಜಿ ಬಡಪತ್ತ್ ದ ಕುಟುಂಬಗ್ 15 ಸಾರ ರೂ.ದ ಪನವುದ ಸಕಾಯ ಮಲ್ತೆರ್.

ಬೆದ್ರ ತಾಲೂಕ್ ದ ಪಾಲಡ್ಕ ಗ್ರಾಮದ ಗುರುಮಜಲು ನಿವಾಸಿ ಆಯಿನ ಸುನೀತಾ ಮೇರ್ ಕರಿನ ಕೆಲವು ತಿಂಗೊಲ್ ದಿಂಚ ಕ್ಯಾನ್ಸರ್ ರ್ದ್ ನರೆಲೊಂದು ಇತ್ತೆರ್. ಮೆರೆನ ಇಡೇ ಮುಟ್ಟದ ಚಿಕಿತ್ಸೆಗ್ 14 ಲಕ್ಷ ರೂ. ಕರ್ಚಿ ಆತ್ಂಡ್. ಮೇರ್ ಕುಡ್ಲದ ಆ್ಯಂಕಾಲಜಿ ಆಸ್ಪತ್ರೆಡ್ ಚಿಕಿತ್ಸೆ ಪಡೆವೊಂದು ಇತ್ತೆರ್. ಮೆರೆನ ನನದ ಚಿಕಿತ್ಸೆಗ್ 10 ಲಕ್ಷ ರೂ. ಕರ್ಚಿ ಆವೆರೆ ಉಂಡು. ಮಸ್ತ್ ಬಡಪತ್ತ್ ದ ಕುಟುಂಬದಾರ್ ಆಯಿನ ಮೆರೆನ ಬಿನ್ನಾಪುಗ್ ಸ್ವಂದಿಸಾದ್ ತೋಡಾರ್ ನವಚೇತನ ಸೇವಾ ಬಳಗ 15 ಸಾರ ರೂ.ನ್ ಕೂಟದ ಸದಸ್ಯೆರೆನ ಸಮ್ಮುಖಡ್ ಮೆರೆನ ಇಲ್ಲದಕ್ಲೆನ ಕೈಟ್ ಕೊರಿಯೆರ್.

Todar Navachetana Seva Balaga (R) – Renders aid to a downtrodden family

Under its 76 th Seva Yojan the Navachetana Seva Balaga, Todar rendered an aid of 15,000 rupees to a downtrodden family from Paladka for its member Sunita who needed medical aid.

The country’s first Apple outlet to open today ದೇಶದ ಸುರುತ್ತ ಆ್ಯಪಲ್ ಮಳಿಗೆ ಇನಿ ಸುರು

ಆ್ಯಪಲ್ ಕಂಪೆನಿ ಬೊಂಬೈಡ್ ಭಾರತದ ತನ್ನ ಸುರುತ್ತ ಚಿಲ್ಲರೆ ಮಾರಾಟ ಮಳಿಗೆನ್ ಇನಿ ಓಪನ್ ಮಲ್ಪುಂಡು.

ಬೊಕ್ಕ ರಡ್ಡನೇ ಔಟ್ ಲೆಟ್ ನ್ ಎ.20ಕ್ಕ್ ರಾಷ್ಟ್ರ ರಾಜಧಾನಿ ಡೆಲ್ಲಿಡ್ ಓಪನ್ ಮಲ್ಪುಂಡು. ಚೀನಾಡ್ ಇಪ್ಪುನ ರಾಜಕೀಯ ಲಡಾಯಿರ್ದ್ ಆ್ಯಪಲ್ ಭಾರತಡ್ ಎಚ್ಚದ ತನ್ನ ಉತ್ಪನ್ನಲೆನ್ ತಯಾರ್ ಮಲ್ಪರೆ ದುಂಬಾತ್ಂಡ್ ಪಂದ್ ವರದಿ ಆತ್ಂಡ್. ಇನಿ ಬೊಲ್ಪುಗು 11 ಗಂಟೆಗ್ ಬೊಂಬೈಡ್ ಆ್ಯಪಲ್ ಪಿಕೆಸಿ ಪುದರ್ ದ ಈ ಮಳಿಗೆ ಉದಿಪನ ಆವರೆ ಉಂಡು.

The country’s first Apple outlet to open today

They country’s first Apple store will open in Mumbai today at 11 a.m. The second outlet will open on April 20 th at the national capital Delhi.

With the political cold war with China, Apple plans to make its products in India said sources.

Progressive farmer of Vittal , Vithala Sapalya no more ಹುಷಾರ್ ದಾಂತೆ ತೀರ್ ಪೋಯೆರ್ ಪ್ರಗತಿಪರ ಕೃಷಿಕೆರ್ ವಿಠಲ ಸಪಲ್ಯ ವಿಟ್ಲ

ಬಂಟ್ವಾಳದ ವಿಟ್ಲ ಕೈತಲ್ ದ ಕೊಜಪಾಡಿ ನಿವಾಸಿ, ಪ್ರಗತಿಪರ ಕೃಷಿಕೆರ್ (81) ವಿಠಲ ಸಪಲ್ಯ ವಿಟ್ಲ ಮೇರ್ ಹುಷಾರ್ ದಾಂತೆ ಕುಡ್ಲದ ಖಾಸಗಿ ಆಸ್ಪತ್ರೆಡ್ ಐತಾರ ಬೊಲ್ಪುಗು ತೀರ್ ಪೋಯೆರ್.

ಮೇರ್ ಸಿಂಡಿಕೇಟ್ ಬ್ಯಾಂಕ್ ಸಿಬ್ಬಂದಿಯಾದ್, ವಿಟ್ಲ ಸರ್ಕಾರಿ ಪದವಿ ಕಾಲೇಜ್ ಅಭಿವೃದ್ಧಿ ಸಮಿತಿ ಸದಸ್ಯೆರಾದ್, ಬಂಟ್ವಾಳ ತಾಲೂಕ್ ಗಾಣಿಗರ ಸೇವಾ ಸಂಘದ ಪೆರಿಯ ಸದಸ್ಯೆರಾದ್, ಸುಮಂಗಲಾ ಕ್ರೆಡಿಟ್‌ ಕೋ ಆಪರೇಟಿವ್ ಸೊಸೈಟಿ ನಿರ್ದೇಶಕೆರಾದ್ ಬೇತೆ ಬೇತೆ ಸಾಮಾಜಿಕ ಬೊಕ್ಕ ಧಾರ್ಮಿಕ ಸಂಘಟನೆಡ್ ಸಕ್ರಿಯವಾದಿತ್ತೆರ್.

ಮೆರೆಗ್ ಬೊಡೆದಿ, ರಡ್ಡ್ ಆಣ್ ಬೊಕ್ಕ ಒರ್ತಿ ಪೊಣ್ಣು ಜೋಕುಲು ಉಲ್ಲೆರ್.

ಮೆರೆನ ಅಕೇರಿದ ಕ್ರಿಯೆ ಕೊಜಪಾಡಿ ಇಲ್ಲದ ಕೈತಲ್ ಐತಾರ ಬಯ್ಯಗ್ ನಡತ್ಂಡ್. ಮೆರೆಗ್
ಬಂಟ್ವಾಳ ತಾಲೂಕ್ ಗಾಣಿಗರ ಸೇವಾ ಸಂಘದ ಅಧ್ಯಕ್ಷೆರ್ ಬಿ.ರಘು ಸಪಲ್ಯ ಬೊಕ್ಕ ಗಣ್ಯೆರ್ ಅಕೇರಿದ ನಮನ ಸಂದಾಯೆರ್.

Progressive farmer of Vittal , Vithala Sapalya no more

Progressive farmer of Vittal in Bantwal taluk , Vithal Sapalya (81) breathed his last on Sunday.

He was a former employee of syndicate bank and was a member of many social organisations.

April 27 th-Tulu Yakshagana play ” Appe Mantradevathe” to be played under the auspices of Manjolugudde Bhajana Mandira, Karimanelu ಎ.27: ಕರಿಮಣೇಲು ಗ್ರಾಮದ ನೂಯಿದಗೋಳಿ ಮಂಜೋಲುಗುಡ್ಡೆ ಭಜನಾ ಮಂದಿರಡ್ ಅಪ್ಪೆ ಮಂತ್ರದೇವತೆ ತುಳು ಆಟ

ನೂಯಿದಗೋಳಿ ಶ್ರೀ ಅಂಬಿಕಾ ಅನ್ನಪೂರ್ಣೇಶ್ವರೀ ಭಜನಾ ಮಂಡಳಿ ಬೊಕ್ಕ ಶ್ರೀ ಕ್ಷೇತ್ರ ಧರ್ಮಸ್ಥಳ ಗ್ರಾಮಾಭಿವೃದ್ಧಿ ಯೋಜನೆ (ರಿ.) ನೆತ್ತ ಒಟ್ಟುಸೇರಿಗೆಡ್ 32ನೇ ವರ್ಷದ ಲೆಕ್ಕೊಡು ಬಜಪೆದ ಸುಂಕದಕಟ್ಟೆ ಶ್ರೀ ಅಂಬಿಕಾ ಅನ್ನಪೂರ್ಣೇಶ್ವರೀ ಪ್ರಸಾದಿತ ದಶಾವತಾರ ಯಕ್ಷಗಾನ ಮಂಡಳಿ ಮೊಕ್ಲೆರ್ದ್ ಅಪ್ಪೆ ಮಂತ್ರದೇವತೆ ತುಳು ಆಟ ಎ.27 ಗುರುವಾರ ರಾತ್ರೆ ಕರಿಮಣೇಲು ಗ್ರಾಮದ ನೂಯಿದಗೋಳಿ ಮಂಜೋಲುಗುಡ್ಡೆ ಭಜನಾ ಮಂದಿರಡ್ ನಡಪರೆ ಉಂಡು.

ಈ ಲೇಸ್ ಗ್ ಮಾತೆರ್ಲಾ ಕುಟುಂಬ ಸಮೇತೆರಾದ್ ಬತ್ತ್ ದ್, ಶ್ರೀ ದೇವೆರೆನ ಕೃಪೆಗ್ ಪಾತ್ರರಾವೊಡು ಪಂದ್ ಕರಿಮಣೇಲುದ ನೂಯಿದಗೋಳಿ ಶ್ರೀ ಅಂಬಿಕಾ ಅನ್ನಪೂರ್ಣೇಶ್ವರೀ ಭಜನಾ ಮಂಡಳಿದ ಅಧ್ಯಕ್ಷೆರ್ ಬೊಕ್ಕ ಸರ್ವಸದಸ್ಯೆರ್ ಲೆಪ್ಪೋಲೆಡ್ ತೆರಿಪಾದೆರ್.

MAPS college -Books release function ಮ್ಯಾಪ್ಸ್ ಕಾಲೇಜ್ ಡ್ ಬೂಕು ಬುಡುಗಡೆ, ಬಿಸು ಪರ್ಬದ ಇಚಾರ ವಿನಿಮಯ ಲೇಸ್

ತುಳು ಪರಿಷತ್ ಬೊಕ್ಕ ಮ್ಯಾಪ್ಸ್ ಕಾಲೇಜ್ ಕುಡ್ಲ ನೆತ್ತ ಒಟ್ಟುಸೇರಿಗೆಡ್ ಲೇಖಕಿ ಶಾರದಾ ಅಂಚನ್ ಮೆರೆನ ‘ನಂಬಿ ಸತ್ಯೊಲು’ ಬೊಕ್ಕ ‘ರಕ್ತ ಶುದ್ಧಿ- ಆರೋಗ್ಯ ವೃದ್ಧಿ’ ಬೊಕ್ಕ ಡಾ. ಪ್ರಭಾಕರ ನೀರ್ ಮಾರ್ಗ ಮೆರೆನ ಕಾದಂಬರಿ ‘ಓಲಗ” ಬೂಕು ಬುಡುಗಡೆ ಲೇಸ್ ಬೊಕ್ಕ ಬಿಸು ಪರ್ಬದ ಇಚಾರ ವಿನಿಮಯ ಲೇಸ್ ಕುಡ್ಲ ಬಂಟ್ಸ್ ಹಾಸ್ಟೆಲ್ ಕೈತಲ್ ದ ಮ್ಯಾಪ್ಸ್ ಕಾಲೇಜ್ ಡ್ ನಡತ್ಂಡ್.

ಈ ಲೇಸ್ ಡ್ ಪುಗರ್ತೆದ ಸಾಹಿತಿ ಬಿ.ಎಂ. ರೋಹಿಣಿ ಮೇರ್ ಬೂಕುಲೆನ್ ಬಿಡುಗಡೆ ಮಲ್ತೆರ್. ಬೊಕ್ಕ ಮೇರ್ ಪಾತೆರ್ದ್, ಈ ರಡ್ಡ್ ಲೇಖಕೆರ್ ವರ್ಷಗ್ ಒಂಜಿ ಅತ್ತಂಡ ರಡ್ಡ್ ಬೂಕು ಬುಡುಗಡೆ ಮಲ್ಪುನ ಮುಖೇನ ಆಶ್ಚರ್ಯ ಮೂಡಿಸಾದೆರ್. ಬೊಕ್ಕ ಮೂಜಿ ಬೂಕುನ್ ಒಟ್ಟಿಗೆ ಬುಡುಗಡೆ ಮಲ್ಪುನೇ ಮಸ್ತ್ ಇಸೇಸ ಆತ್ಂಡ್ ಪಂದ್ ಪಂಡೆರ್.

ತುಳು ಸಾಹಿತಿ ಕುಶಾಲಾಕ್ಷಿ ವಿ ಕುಲಾಲ್ ಕಣ್ವತೀರ್ಥ ಮೇರ್ ತುಳುನಾಡ್ ಡ್ ಬಿಸು ಪರ್ಬದ ಆಚರಣೆ ಬೊಕ್ಕ ಆಯಿತ್ತ ಮಹತ್ವದ ಬಗೆಟ್ ತೆರಿಪಾಯೆರ್.

ಲೇಖಕಿ ಶಾರದಾ ಅಂಚನ್ ಮೇರ್ ಪಾತೆರ್ದ್, ನಮ ಮಾತ ಸಜ್ಜನೆರೆನ ಸಹವಾಸ ಮಲ್ಪೊಡು. ಆಪನಗ ಅಕುಲು ನಮ್ಮ ಮಾತ ಪರಿಸ್ಥಿತಿಡ್ಲಾ ನಮಕ್ ಸಹಕಾರ ಕೊರ್ಪೆರ್ ಪಂದ್ ಪಂಡೆರ್. ‌

ಮ್ಯಾಪ್ಸ್ ಕಾಲೇಜ್ ದ ಅಧ್ಯಕ್ಷೆರ್ ದಿನೇಶ್ ಆಳ್ವ ಪಾತೆರ್ದ್, ಬಿಸು ಪರ್ಬದ ಮಹತ್ವ ಬೊಕ್ಕ ಆಚರಣೆದ ಬಗೆಟ್ ಕಲ್ಪಾರ್ಥಿಲೆಗ್ ಮನವರಿಕೆ ಮಲ್ತಿನ ಕುಶಾಲಾಕ್ಷಿ ಮೆರೆನ್ ಅಭಿನಂದಿಸಾದ್, ಕೃತಿತ್ತ ಲೇಖಕೆರೆಗ್ ಎಡ್ಡೆಪ್ಪು ಬಯಕಿಯೆರ್.

ಎಂ.ಆರ್.ಪಿ.ಎಲ್‍ದ ನಿವೃತ್ತ ಮಹಾಪ್ರಬಂಧಕೆರ್ ವೀಣಾ ಶೆಟ್ಟಿ ಮೇರ್ ಲೇಸ್ ದ ಗುರ್ಕಾರ್ಮೆನ್ ಒಯಿಸೊಂದು ಪಾತೆರ್ದ್, ಕಲ್ಪಾರ್ಥಿಲು ನನ ತನ್ನ ಬದುಕ್ ನ್ ಕೇವಲ ಬೇಲೆಗ್ ಮಾತ್ರ ಸೀಮಿತವಾದ್ ದೀಯೆರೆ ಬಲ್ಲಿ. ಸಾಮಾಜಿಕ ಆಯಾಮ ನಮ್ಮ ಬದುಕ್ ಗ್ ಮಸ್ತ್ ಮುಖ್ಯ ಆತ್ಂಡ್.‌ ಕೇವಲ ಕಾಸ್ ಸಂಪಾದನೆಯೊಂಜೇ ಉದ್ದೇಶ ಅವಂದೆ, ನಮ್ಮ ಸಂಸ್ಕೃತಿ ಬೊಕ್ಕ ಆಚರಣೆದ ಬಗೆಟ್ ತೆರಿವೊನೊಡು ಪಂದ್ ಪಂಡೆರ್.

ಈ ಪೊರ್ತುಡು ಬಿನ್ನೆರಾದ್ ಚಂದ್ರಹಾಸ ಸುವರ್ಣ, ತುಳು ಪರಿಷತ್‍ದ ಪ್ರಧಾನ ಕಾರ್ಯದರ್ಶಿ ಬೆನೆಟ್ ಅಮ್ಮನ್ನ, ಸಾಹಿತಿ ಡಾ.ಪ್ರಭಾಕರ್ ನೀರ್ ಮಾರ್ಗ ಇತ್ತೆರ್. ತುಳು ಪರಿಷತ್ತ್ ದ ಅಧ್ಯಕ್ಷೆರ್ ತಾರಾನಾಥ ಗಟ್ಟಿ ಕಾಪಿಕಾಡ್ ಲೇಸ್ ನ್ ಸುಧಾರಿಕೆ ಮಲ್ತೆರ್. ಕೋಶಾಧಿಕಾರಿ ಶುಭೋಧಯ ಆಳ್ವ ಎದ್ಕೊನಿಯೆರ್. ಡಾ.ಪ್ರಭಾಕರ ನೀರ್ ಮಾರ್ಗ ಗಣ್ಯೆರೆಗ್ ನೆಂಪುದ ಕಾಣಿಕೆ ಕೊರಿಯೆರ್.

MAPS college -Books release function

Tulu Parishad and MAPS college Mangalore together organised a book release function at MAPS college.

Author Sharada Anchan’s books ” Nambi Satyalu ” and ” Raktha Shuddi Arogya Vruddhi” and Dr Dr Prabhakar Neermarga’s book ” Ollaga ” were released. A discussion on the celebration of “Bisu Parbha ” was also held.

The book release honours by well known litterateur B M Rohini. Tulu litterateur Kishalakshi V Kulal spoke on the importance of the celebration of ” Bisu Parbha” in Tulunadu. The program was presided by Veena Shetty retired manager MRPL.

The guests of honour included Chandrahas Suvarna, Benet Ammana from the Tulu Parishad and author Prabhakar Neermarga.

April 22 nd: Silver Jubilee, 25 th year celebration of Dubai Billava Family ಎ.22: ದುಬೈ ಬಿಲ್ಲವ ಫ್ಯಾಮಿಲಿದ 25ನೇ ವರ್ಷದ ದುಬೈ ಬಿಲ್ಲವ ಉಚ್ಚಯ ಬೊಲ್ಲಿ ಪರ್ಬದ ಗೌಜಿ

ಬಿಲ್ಲವ ಫ್ಯಾಮಿಲಿ ದುಬೈದ ವತಿರ್ದ್ 25ನೇ ವರ್ಷದ ದುಬೈ ಬಿಲ್ಲವ ಉಚ್ಚಯ ಬೊಲ್ಲಿ ಪರ್ಬದ ಗೌಜಿ ಎ.22 ಕ್ಕ್ ಸನಿಯಾರ ದುಬೈದ ಶೇಖ್ ಜಾಯೆದ್ ಮಾರ್ಗದಲ್ಪ ಇಪ್ಪುನ ಜುಮಿರಾ ಬಾಲ್ ರೂಂ, ಕ್ರೌನ್ ಪ್ಲಾಜಾ ಹೋಟೆಲ್ ಡ್ ನಡಪರೆ ಉಂಡು.

ಈ ಲೇಸ್ ಡ್ ಸೊಲೂರು ರೇಣುಕಾ ಪೀಠದ ಬ್ರಹ್ಮಶ್ರೀ ನಾರಾಯಣಗುರು ಮಠತ್ತ ಶ್ರೀ ವಿಖ್ಯಾತಾನಂದ ಸ್ವಾಮೀಜಿ ಆಶೀರ್ವಚನ ಕೊರಿಯೆರೆ ಉಲ್ಲೆರ್. ಈ ಲೇಸ್ ಡ್ ಅಧ್ಯಕ್ಷೆರ್ ಉಮೇಶ್ ಕುಕ್ಯಾನ್, ಮೋಹನ್ ಅತ್ತಾವರ್, ಜಿತೇಂದ್ರ ಸುವರ್ಣ, ಸತೀಶ್ ಪೂಜಾರಿ, ಪ್ರಭಾಕರ ಡಿ ಸುವರ್ಣ ಪಾಲ್ ಪಡೆಯೆರೆ ಉಲ್ಲೆರ್.

ಬೊಕ್ಕ ಕೊರಿಯೋಗ್ರಾಫರ್ ಪ್ರಸನ್ನ ಪೂಜಾರಿ ಮೆರೆನ ಮುತಾಲಿಕೆಡ್ ನೃತ್ಯ ವೈಭವ, ವಿದ್ವಾನ್ ಸುರೇಶ್ ಅತ್ತಾವರ್ ಕಥೆ ನಿರ್ದೇಶನದ, ಯಶೋದಾ ಮೋಹನ್ ರಚನೆ ಮಲ್ತಿನ, ಚಕ್ರಪಾಣಿ ನೃತ್ಯ ಕಲಾಕೇಂದ್ರ (ರಿ.) ಅತ್ತಾವರ ಮೊಕ್ಲೆರ್ದ್ ಬಿರುವ ಬೊಲ್ಲಿಲು ತುಳು ನೃತ್ಯ ರೂಪಕ ಬೊಕ್ಕ ತೆಲಿಕೆದ ತೆನಾಲಿ ಸುನಿಲ್ ನೆಲ್ಲಿಗುಡ್ಡೆ ಮುತಾಲಿಕೆಡ್, ಗಮ್ಜಲ್ ಕಾಮಿಡಿ ತೆಲಿಪುನಕಲೆಗ್ ಮಾತ್ರ ಲೇಸ್ ನಡಪರೆ ಉಂಡು. ಅವೆರ್ದ್ ಬೊಕ್ಕ ಬಿರ್ದ್ ದ ಪಿಲಿಕುಲು ಪಿಲಿನಲಿಕೆ ನಡಪರೆ ಉಂಡು ಪಂದ್ ಲೆಪ್ಪೋಲೆಡ್ ತೆರಿಪಾದೆರ್.

April 22 nd: Silver Jubilee, 25 th year celebration of Dubai Billava Family

The 25 th annual celebration of Dubai Billavas will be celebrated grandly on Saturday , April 22 nd at Crown Plaza hotel.

Sri Vikyathananda Swamiji of Brahmashree Narayan Guru Mutt, Solur Renuka Peetha will bless. President Umesh Kukkyan, Mohan Attavar, Jeetendra Suvarna, Satish Poojary Prabhakar D Suvarna will participate.

The day will include a host of dance performances drama,comedy and the much loved ” Pilinalike” of Tulunadu.

April 25th: Pratista celebration at Marodi Shri Umamaheshwara temple ಎ.25: ಮರೋಡಿ ಶ್ರೀ ಉಮಾಮಹೇಶ್ವರ ದೇವಲ್ಯಡ್ ಪ್ರತಿಷ್ಠಾ ಮಹಾ ಉಚ್ಚಯ

ಬೊಲ್ತೇರ್: ಮರೋಡಿ ಶ್ರೀ ಉಮಾಮಹೇಶ್ವರ ದೇವಲ್ಯಡ್ ಪ್ರತಿಷ್ಠಾ ಮಹಾ ಉಚ್ಚಯದ ಲೆಕ್ಕೊಡು ಚಂಡಿಕಾಯಾಗ, ಮೃತ್ಯುಂಜಯ ಹೋಮ, ಧ್ವನಂತರಿ ಹೋಮ, 108 ಬೊಂಡದ ಅಭಿಷೇಕ ಬೊಕ್ಕ ರಂಗಪೂಜೆ ಎ.25 ಕ್ಕ್ ನಡಪರೆ ಉಂಡು.

ಈ ಲೇಸ್ ಗ್ ಮಾತೆರ್ಲಾ ಬತ್ತ್ ದ್, ತೀರ್ಥ ಪ್ರಸಾದ ದೆತೊಂದು ಶ್ರೀ ದೇವೆರೆನ ಕೃಪೆಗ್ ಪಾತ್ರರಾವೊಡು ಪಂದ್ ಅಳದಂಗಡಿ ಅರಮನೆತ್ತ ತಿಮ್ಮಣ್ಣರಸು ಡಾ. ಪದ್ಮಪ್ರಸಾದ ಅಜಿಲೆರ್, ಕ್ಷೇತ್ರದ ತಂತ್ರಿಲು ಬಾಲಕೃಷ್ಣ ಪಾಂಗಾಣ್ಣಾಯ, ಆಡಳಿತ ಮೊಕ್ತೇಸರೆರ್ ದೇವೇಂದ್ರ ಹೆಗ್ಡೆ ಕೊಕ್ರಾಡಿ ಕೊಡಂಗೆ ಗುತ್ತು, ದೇವಲ್ಯದ ಆಡಳಿತ ಮಂಡಳಿ ಬೊಕ್ಕ ಸರ್ವಸದಸ್ಯೆರ್ ಲೆಪ್ಪೋಲೆಡ್ ತೆರಿಪಾದೆರ್.

Annual Pooja at Koikude Shri Chamundeshwari Sannidhi, Panja ಪಂಜ ಕೊಯಿಕುಡೆ ಶ್ರೀ ಚಾಮುಂಡೇಶ್ವರಿ ದೇವಿ ಸನ್ನಿಧಿಡ್ ವರ್ಷಾಧಿದ ಪೂಜೆ

ಪಂಜ ಕೊಯಿಕುಡೆ : ಶ್ರೀ ಚಾಮುಂಡೇಶ್ವರಿ ದೇವಿ ಸನ್ನಿಧಿಡ್ ವರ್ಷಾವಧಿ ಪೂಜಾ ಮಹೋತ್ಸವ ಬೊಕ್ಕ ಲೆಕ್ಕೊಡು ಚಂಡಿಕಾ ಹೋಮ ನಡತ್ಂಡ್.

ಪಂಜ ಶ್ರೀ ಮಹಾಗಣಪತಿ ಮಂದಿರದ ಪ್ರಧಾನ ಅರ್ಚಕೆರಾಯಿನ ಕೆ.ಸುರೇಶ್ ಭಟ್ , ವೇದಮೂರ್ತಿ ಪ್ರಸನ್ನ ತಂತ್ರಿಲು ಯೆದಾಡಿ ಬೊಕ್ಕ ಕಾರ್ತಿಕ್ ಭಟ್ ಮೆರೆನ ಮುತಾಲಿಕೆಡ್ ಶ್ರೀದೇವಿ ಸನ್ನಿಧಿಡ್ ಚಂಡಿಕಾ ಯಾಗ ನಡತ್ಂಡ್.

ಈ ಪೊರ್ತುಡು ಶ್ರೀ ಚಾಮುಂಡೇಶ್ವರಿ ದೇವಿ ಸನ್ನಿಧಿ ಪಂಜ ಕೊಯಿಕುಡೆ ನೆತ್ತ ಪ್ರಧಾನ ಅರ್ಚಕೆರಾಯಿನ ಸೀತಾರಾಮ್ ಅಮೀನ್ ಇತ್ತೆರ್.
ಬೊಕ್ಕ ದೇವಿ ದರ್ಶನ, ಮಹಾಪೂಜೆ ಆದ್ ಅನ್ನ ಸಂತರ್ಪಣೆ ನಡತ್ಂಡ್. ಈ ಪೊರ್ತುಡು ದೇವಿ ಸನ್ನಿಧಿದ ಮಾತಾ ಭಕ್ತೆರ್ ಪೂಜಾ ಮಹೋತ್ಸವಡ್ ಪಾಲ್ ಪಡೆಯೆರ್.