ಮಹಾರಾಷ್ಟ್ರದ ಶಿರಡಿ ಸಾಯಿ ದೇವಲ್ಯಗ್ ಈ ವರ್ಷ 394 ಕೋಟಿ ರೂ.ದ 28 ಲಕ್ಷ ರೂ.ದ ದೇಣಿಗೆ ಬೈದ್ಂಡ್.
ಈ ತಿಂಗೊಲ್ದ ಆಕೆರಿಗ್ 400 ಕೋಟಿ ರೂ. ದಾಖಲೆ ಆಪಿನ ಸಾಧ್ಯತೆ ಉಂದು ಪಂದ್ ಅಧಿಕಾರಿಲು ತೆರಿಪಾದೆರ್. ನೆಟ್ಟ್ 25.578 ಕೆಜಿ ಬಂಗಾರ್ ಬೊಕ್ಕ 326.38 ಕೆಜಿ ಬೊಳ್ಳಿದ ಕಾಣಿಕೆಲು ಸೇರ್ದ್ಂಡ್ ಪಂದ್ ತೆರಿದ್ ಬೈದ್ಂಡ್.
ಜೆರುಸಲೇಂ: ಇಸ್ರೇಲ್ದ ಪೊಸ ಪ್ರಧಾನಿಯಾದ್ ಲಿಕುಡ್ ಪಕ್ಷದ ನಾಯಕೆರ್ ಬೆಂಜಮಿನ್ ನೆಥನ್ಯಾಹು ಪ್ರಮಾಣ ವಚನ ಸ್ವೀಕಾರ ಮಲ್ತ್ದೆರ್.
73 ವರ್ಷದ ನೆಥನ್ಯಾಹು ಮೇರ್ 1996 ಜೆಡ್ದ್ 1999 ದ ಪೊರ್ತುಡು ಅಂಚನೆ 2009 ರ್ದ್ 2021 ಮುಟ್ಟ ಇಸ್ರೇಲ್ ಪ್ರಧಾನಿ ಆದಿತ್ತೆರ್.
ಪ್ರಧಾನಿ ಮೋದಿ ಮೆರೆನ ಅಪ್ಪೆ ಹೀರಾಬೆನ್ ದೇವೆರೆ ಪಾದೊ ಸೇರಿನೆಕ್ಕ್ ರಾಷ್ಟ್ರಪತಿ ದ್ರೌಪದಿ ಮುರ್ಮು, ಅಮಿತ್ ಶಾ, ಮುಖ್ಯಮಂತ್ರಿ ಬಸವರಾಜ್ ಬೊಮ್ಮಾಯಿ, ಬಿಜೆಪಿ ರಾಜ್ಯಾಧ್ಯಕ್ಷೆರ್ ನಳಿನ್ ಕುಮಾರ್ ಕಟೀಲ್, ಗೃಹ ಸಚಿವೆರ್ ಆರಗ ಜ್ಞಾನೇಂದ್ರ, ಮಾಜಿ ಪ್ರಧಾನಿ ಹೆಚ್ಡಿ ದೇವೇಗೌಡ, ಉತ್ತರ ಪ್ರದೇಶದ ಸಿಎಂ ಯೋಗಿ ಆದಿತ್ಯನಾಥ್, ರಕ್ಷಣಾ ಸಚಿವೆರ್ ರಾಜನಾಥ್ ಸಿಂಗ್, ಪಂಜಾಬ್ ಸಿಎಂ ಭಗವಂತ್ ಮಾನ್, ಕೇಂದ್ರ ಸಚಿವೆರ್ ನಿತಿನ್ ಗಡ್ಕರಿ ಸೇರಿನಂಚನೆ ಮಸ್ತ್ ಗಣ್ಯೆರ್ ಕಣ್ಣನೀರ ಪನಿ ಪಾಡ್ದೆರ್.
ಸಾವೋ ಪಾಲೋ: ಬ್ರೆಜಿಲ್ ದ ಫುಟ್ಬಾಲ್ ಮಾಜಿ ಆಟಗಾರೆ, ಸಾರ್ವಕಾಲಿಕ ಶ್ರೇಷ್ಠ ಆಟಗಾರೆ ಪಂದೇ ಪುದರ್ ಪಡೆಯಿನ ಪೀಲೆ (82) ತೀರ್ ಪೋಯೆರ್ ಪಂದ್ ಅರೆನ ಕುಟುಂಬದಕುಲು ಗುರುವಾರ ತೆರಿಪಾದೆರ್.
ಫುಟ್ಬಾಲ್ದ ಮಾಸ್ಟರ್ ಮೈಂಡ್ ಪಂದೇ ಪುಗರ್ತೆ ಪಡೆಯಿನ ಮೇರ್ ಮೂಜಿ ಸರ್ತಿ ವಿಶ್ವಕಪ್ ಗೆಂದ್ ದೆರ್. ಮೂಜಿ ಸರ್ತಿ ಮದಿಮೆ ಆಯಿನ ಮೆರೆಗ್ 7 ಜೋಕುಲು ಉಲ್ಲೆರ್.
ಡೆಲ್ಲಿ: ಪುಗರ್ತೆದ ಕ್ರಿಕೆಟ್ ಆಟಗಾರೆ ರಿಷಬ್ ಪಂತ್ ಕಾರ್ ಆಕ್ಸಿಡೆಂಟ್ ಆದ್ ಡೆಲ್ಲಿದ ಏಮ್ಸ್ ಆಸ್ಪತ್ರೆಗ್ ದಾಖಲ್ ಆತೆರ್.
ಮೇರ್ ಡೆಲ್ಲಿರ್ದ್ ಉತ್ತರಾ ಖಂಡ್ ಗ್ ಪೋವೊಂದು ಇತ್ತಿನ ಪೊರ್ತುಡು ಈ ಘಟನೆ ನಡತ್ಂಡ್. ನೆಟ್ ಮೆರೆಗ್ ಮೋನೆಗ್, ಬೆರಿಕ್ ಮಸ್ತ್ ಪೆಟ್ಟಾತ್ಂಡ್.
ಗಾಂಧಿನಗರ: ಪ್ರಧಾನಿ ನರೇಂದ್ರ ಮೋದಿ ಮೆರೆನ ಅಪ್ಪೆ ಹೀರಾಬೆನ್ (100) ಮೇರ್ ಹುಷಾರ್ದಾಂತೆ ಸುಕ್ರಾರ ಬೊಲ್ಪುಗು 3.39 ಗಂಟೆಗ್ ದೇವೆರೆ ಪಾದೊ ಸೇರಿಯೆರ್.
ಅರೆನ ಅಂತ್ಯಕ್ರಿಯೆ ಗುಜರಾತ್ ದ ಗಾಂಧಿನಗರದ ಸೆಕ್ಟರ್ 8 ಟ್ಟ್ ಇಪ್ಪುನ ರುದ್ರಭೂಮಿಡ್ ಡ್ ಇನಿ ಕಾಂಡೆ 9 ಗಂಟೆಗ್ ನಡತ್ಂಡ್.
ಇನಿ ಬೊಲ್ಪುಗೇ ಇಲ್ಲಗ್ ಬತ್ತಿನ ಮೋದಿ, ಅಪ್ಪೆಗ್ ಕಡೆತ್ತ ಸೊಲ್ಮೆ ಸಂದೈತ ಮಲ್ತೆರ್. ಅತ್ತಂದೆ ಅಪ್ಪೆನ ಪಾರ್ಥಿವ ಶರೀರಗ್ ಮೋದಿ ಪುಗೆಲ್ ಕೊರಿಯೆರ್. ಅಪ್ಪೆ ದೇವೆರೆ ಪಾದೊ ಸೇರಿನ ವಿಚಾರೊನು ಮೋದಿ ಮೇರ್ ಟ್ವಿಟರ್ಡ್ ಕಾಂಡೆನೆ ತೆರಿಪಾದೆರ್.
“ಅಪ್ಪೆಡ ಯಾನ್ ಮೂಜಿ ಮೂರ್ತಿಲೆನ್ ಲ ತೂತೆ. ಅರೆನ ಜೀವನ ಒಂಜಿ ತಪಸ್ಸ್ದ ಪ್ರಯಾಣ ಆದಿತ್ತ್ಂಡ್” ಪಂದ್ ಟ್ವೀಟ್ ಮಲ್ತ್ದೆರ್.
ಹೀರಾ ಬೆನ್ ಮೋದಿ ಮೇರ್ 2022 ತ್ತ ಡಿಸೆಂಬರ್ 30 ಗ್ ಪುಲ್ಯಕಾಂಡೆ 3.39 ಗಂಟೆಗ್ ತೀರ್ ಪೋತೆರ್. ಹುಷಾರ್ ದಾಂತೆ ಇತ್ತಿನ ಅರೆನ್ ಆಸ್ಪತ್ರೆಗ್ ಸೇರ್ಸಾದಿತ್ತೆರ್. ಅಡೆಗ್ ಮೋದಿ ಭೇಟಿ ಕೊರ್ದು ಅಪ್ಪೆನ್ ತೂದು ಡಾಕ್ಟರ್ ನಕ್ಲೆಡ ಪಾತೆರ್ದ್ ಪೋದಿತ್ತೆರ್.
ಮಣಿಪಾಲ: ರೇಡಿಯೋ ಮಣಿಪಾಲ್ 90.4 mhz, ಡ್ ಗ್ರಾಮೀಣ ಪರ್ಪಿನ ನೀರ್ ಬೊಕ್ಕ ನೈರ್ಮಲ್ಯ ಇಲಾಖೆ ಬೆಂಗ್ಲೂರ್ ನೆತ್ತ ಮುತಾಲಿಕೆಡ್ ಶುದ್ಧ ಜಲ, ಸ್ವಚ್ಛ ನೆಲ ಆರೋಗ್ಯವಾಗಿರಲಿ ಜೀವಸಂಕುಲ ಸರಣಿ ಲೇಸ್ ಡಿ.29 ಗುರುವಾರ ಬಯ್ಯಗ್ 6 ಗಂಟೆಗ್ ಜಲ್ ಜೀವನ್ ಮಿಷನ್ ಯೋಜನೆಡ್ ಗ್ರಾಮ ಪಂಚಾಯತ್ ಅಧ್ಯಕ್ಷೆರೆನ ಪಾತ್ರದ ಬಗೆಟ್ ಪ್ರಸಾರ ಆಪುಂಡು.
ಈ ಲೇಸ್ ಡ್ ಇನ್ನಾ ಗ್ರಾಮ ಪಂಚಾಯತ್ ದ ಅಧ್ಯಕ್ಷೆರ್ ಕುಶ ಆರ್. ಮೂಲ್ಯ ಪಾಲ್ ಪಡೆಯೆರೆ ಉಲ್ಲೆರ್. ಡಿ.30ಕ್ ಮಧ್ಯಾಹ್ನ 2 ಕ್ ಮರುಪ್ರಸಾರ ಆಪುಂಡು.
ಎನ್ಐಎ ಇನಿ ಕೇರಳದ ಸುಮಾರ್ ಕಡೆಟ್ ದಾಳಿ ಮಲ್ತ್ ದ್ ಪಾಪ್ಯುಲರ್ ಫ್ರಂಟ್ ಸಂಘಟನೆದ ಒರಿ ಕಾರ್ಯಕರ್ತನ್ ಅರೆಸ್ಟ್ ಮಲ್ದ್ಂಡ್.
ಎರ್ನಾಕುಲಂದ ಎಡವನಕ್ಕಾಡ್ ಮೂಲದ ಮುಬಾರಕ್ ನ್ ಕಸ್ಟಡಿಗ್ ದೆತೊಂದುಂಡು. ಅತ್ತಂದೆ ಇನಿ ರಾಜ್ಯದ 56 ಜಾಗೆಲೆಗ್ ದಾಳಿ ಮಲ್ತ್ ದ್ ಮೊಬೈಲ್ ಫೋನ್, ಸಿಮ್ ಕಾರ್ಡ್ ಬೊಕ್ಕ ಪಿಎಫ್ಐ ಸಮವಸ್ತ್ರನ್ ವಶಕ್ಕ್ ಪಡೆತ್ಂಡ್ ಪಂದ್ ಎನ್ಐಎ ತೆರಿಪಾದ್ಂಡ್.
ಶಾಲೆದ 3 ಜೋಕ್ಲೆನ ಮೆಯಿಕ್ಕ್ ಬೆಚ್ಚ ಸಾಂಬಾರ್ ಬೂರ್ದು ಮಸ್ತ್ ಗಾಯ ಆತಿನ ಘಟನೆ ಯಾದಗಿರಿ ಜಿಲ್ಲೆದ ಸುರಪುರ ತಾಲೂಕ್ದ ಎಮ್. ಬೊಮ್ಮನಹಳ್ಳಿ ಗ್ರಾಮಡ್ ನಡತ್ಂಡ್.
ಬೊಮ್ಮನ ಹಳ್ಳಿ ಸರ್ಕಾರಿ ಹಿರಿಯ ಪ್ರಾಥಮಿಕ ಶಾಲೆಡ್ ಮಧ್ಯಾಹ್ನ ವನಸ್ ಮಲ್ಪುನ ಪೊರ್ತುಡು ಮೂಜಿ ಜೋಕ್ಲೆನ ಮಿತ್ತ್ ಬೆಚ್ಚ ಸಾಂಬಾರ್ ಬೂರ್ದುಂಡು. ಗಾಯ ಆತಿನ ಜೋಕ್ಲೆನ್ ವಿಜಯಪುರ ಆಸ್ಪತ್ರೆಗ್ ದಾಖಲ್ ಮಲ್ತ್ದೆರ್.
ಕೋಲಾರ: ಪೆರಿಯ ಪತ್ರಕರ್ತೆ ಅಂಚನೆ ಸಾಹಿತಿ ಎಂ.ಎಸ್ ಪ್ರಭಾಕರ್(೮೭) ಹುಷಾರ್ದಾಂತೆ ತೀರ್ ಪೋಯೆರ್.
ಎಂ.ಎಸ್ ಪ್ರಭಾಕರ್ ಮೇರ್ ವಯೋಸಹಜ ಸೀಕ್ರ್ದ್ ನರಲೊಂದು ಇತ್ತೆರ್. ಮೇರ್ ಪತ್ರಕರ್ತೆರ್, ಸಾಹಿತಿ ಆದ್ ಇತ್ತೆರ್.
