December 2022

ಚೀನಾದ ವಿವೋ ಫೋನ್‌ಗ್ ಡೆಲ್ಲಿ ವಿಮಾನ ನಿಲ್ದಾಣಡ್ ಭಾರತ ತಡೆ

ಡೆಲ್ಲಿ: ವಿದೇಶಗ್ ರಫ್ತು ಅವೊಡಾಯಿನ ಚೀನಾದ ವಿವೋ(Vivo) ಕಂಪನಿದ 27 ಸಾರ ಫೋನ್‌ಲೆನ್ ಡೆಲ್ಲಿ ವಿಮಾನ ನಿಲ್ದಾಣಡ್ (Delhi Airport) ಕಂದಾಯ ಗುಪ್ತಚರ ವಿಭಾಗ(Revenue Intelligence Unit) ಉಂತಾದ್ಂಡ್.

ಡಿವೈಸ್‌ ಮಾದರಿಲು ಬೊಕ್ಕ ಆಯಿತ ಬಿಲೆನ್ ತಪ್ಪಾದ್ ಘೋಷನೆ ಮಲ್ತಿನ ಆರೋಪದ ಬಗೆಟ್ ಡಿ.2 ರ್ದ್ ಸುಮಾರ್ ಒಟ್ಟು 15 ದಶಲಕ್ಷ ಡಾಲರ್‌(123.73 ಕೋಟಿ ರೂ.)ಬಿಲೆತ ಸೊತ್ತುನ್ ಉಂತಾದ್ದ್ಂಡ್ ಪಂದ್ ವರದಿ ಆತ್ಂಡ್. ಈ ಕೇಸ್ ದ ಬಗೆಟ್ ಹಣಕಾಸು ಸಚಿವಾಲಯ ಬೊಕ್ಕ ವಿವೋ ಕಂಪನಿ ಒವ್ವೇ ಹೇಳಿಕೆನ್ ಬುಡುಗಡೆ ಮಲ್ದಿಜಿ. ವಿವೋ ಕಮ್ಯುನಿಕೇಷನ್ಸ್ ಟೆಕ್ನಾಲಜಿ ಕಂಪನಿ ಭಾರತ ಘಟಕರ್ದ್ ಈ ಫೋನ್‌ಲೆನ್ ತಯಾರ್ ಮಲ್ಪೆರೆ ಅಪುಂಡು. ವಿವೋ ಸುರುತ ಸರ್ತಿ ಭಾರತ-ನಿರ್ಮಿತ ಸ್ಮಾರ್ಟ್‌ಫೋನ್‌ಲೆನ್ ನವೆಂಬರ್ ಸುರುಟ್ ಸೌದಿ ಅರೇಬಿಯಾ ಬೊಕ್ಕ ಥೈಲ್ಯಾಂಡ್‌ ಮಾರ್ಕೆಟ್ ಗ್ ರಫ್ತು ಮಾಲ್ದ್ ಇತ್ಂಡ್. ವಿವೋ ವಿರುದ್ಧ ಕಲ್ವ ತಾದಿಡ್ ಕಾಸ್ ವರ್ಗಾವಣೆ ಆಪುನ ಕೇಸ್ ದ ಬಗೆಟ್ ಜಾರಿ ನಿರ್ದೇಶನಾಲಯ ತನಿಖೆ ನಡಪಾವೊಂದು ಉಂಡು ಪಂದ್ ತೆರಿದ್ ಬೈದ್ಂಡ್.

‘ಎಫ್‌ಎಂಬಿ ಎಲೈಟ್ ಮ್ಯಾರೇಜ್ ಬ್ಯೂರೋ’ ವೆಬ್‌ಸೈಟ್‌ಡ್ ಮಗಲೆಗ್ ಆನ್ ನಾಡೊಂದು ಇತ್ತಿನ ವ್ಯಕ್ತಿಗ್ 2ಲಕ್ಷ ವಂಚನೆ..!

ಕುಡ್ಲ: ವ್ಯಕ್ತಿಯೊರಿ ತನ್ನ ಮಗಲೆಗ್ ಆನ್ ನಾಡೊಂದು ಇಪ್ಪುನ ಪೊರ್ತುಡು ಹೊಸದಿಲ್ಲಿ ವಿಳಾಸದ ‘ಎಫ್‌ಎಂಬಿ ಎಲೈಟ್ ಮ್ಯಾರೇಜ್ ಬ್ಯೂರೋ’ ವೆಬ್‌ಸೈಟ್‌ಡ್ ಜಾಹೀರಾತ್ ತೂದು ಆ ವೆಬ್‌ಸೈಟ್‌ದಕ್ಲೆಗ್ ನಂಬುದು 2ಲಕ್ಷ ರೂ. ಪಾಡ್ದ್ ಮೋಸ ಪೋಯಿನ ಘಟನೆ ಕುಡ್ಲಡ್ ನಡತ್ಂಡ್.

ಉಂದುವೇ ರೀತಿ ಸುಮಾರ್ ಜನತ ಕೈರ್ದ್ ಕಾಸ್ ದೆತೊಂದು ಮೋಸ ಮಲ್ದೆರ್ ಪಂದ್ ಕುಡ್ಲದ ಪೂರ್ವ ಠಾಣೆಡ್ ಕೇಸ್ ದಾಖಲ್ ಆತ್ಂಡ್.

ಮನುಷ್ಯನ ಮೆದ್ ಳ್ ಗ್ ಚಿಪ್: ಎಲಾನ್ ಮಸ್ಕ್ ಮಿತ್ತ್ ತನಿಖೆಗ್ ಆದೇಶ ಮಲ್ತಿನ ಅಮೆರಿಕ ಸರ್ಕಾರ

ಡೆಲ್ಲಿ: ಮಾನವನ ಮೆದುಳ್ ಗ್ ಚಿಪ್‌ ಪಾಡಿಯೆರೆ ಇತ್ತಿನ ಎಲಾನ್‌ ಮಸ್ಕ್‌ ಮೆರೆನ ನ್ಯೂರಾಲಿಂಕ್‌ ಕಂಪನಿ ಬೊಕ್ಕ ಎಲಾನ್‌ ಮಸ್ಕ್‌ ನನ ಅಮೆರಿಕದ ಫೆಡರಲ್‌ ಏಜೆನ್ಸಿದ ತನಿಖೆ ಎದುರಿಸಾವೊಡು.

ವೈದ್ಯಕೀಯ ಸಾಧನ ಚಿಪ್ ತಯಾರಿಕೆ ಬೊಕ್ಕ ಪರೀಕ್ಷೆಡ್ ಇಪ್ಪುನ ಕಂಪೆನಿದ ವಿರುದ್ಧ ಪ್ರಯೋಗಗಾದ್ ಪ್ರಾಣಿಲೆನ್ ಕೆರ್ನ ಬೊಕ್ಕ ಪ್ರಾಣಿ-ಕಲ್ಯಾಣ ನಿಯಮಲೆನ್ ಉಲ್ಲಂಘನೆ ಮಲ್ತಿನ ಆರೋಪ ಕೇನ್ದ್ ಬತ್ತಿನ ಕಾರಣಡ್ ಅಮೆರಿಕ ಸರ್ಕಾರ ತನಿಖೆಗ್ ಆದೇಶ ಮಲ್ದ್ಂಡ್. ಈ ಬಗೆಟ್ ಫೆಡರಲ್ ಏಜನ್ಸಿ ಕೇಸ್ ದಾಖಲ್ ಮಲ್ದ್ಂಡ್ ಪಂದ್ ಮನಿ ಕಂಟ್ರೋಲ್ ವರದಿ‌ ಮಲ್ದ್ಂಡ್.

ಡಾ.ವಿಶ್ವನಾಥ ಕಾರ್ನಾಡ್‌ ಪ್ರತಿಷ್ಠಾನದ ಕಡೀರ ಪ್ರಶಸ್ತಿಗ್ ಮೊಗವೀರ ಸಂಪಾದಕೆರ್ ಅಶೋಕ ಸುವರ್ಣ ಆಯ್ಕೆ

ಬೊಂಬೈ: ಬೊಂಬೈಡ್ ಪ್ರಾಧ್ಯಾಪಕೆರಾದ್, ಸಾಹಿತಿಯಾದ್, ಸಂಘಟಕೆರಾದ್ ಪುದರ್ ಮಲ್ತಿನ ಡಾ.ವಿಶ್ವನಾಥ ಕಾರ್ನಾಡ್ ಮೆರೆನ ಪುದರ್ ಡ್ ಪ್ರತಿಷ್ಠಾನ ಸುರುವಾತ್ಂಡ್. ಈ ಪ್ರತಿಷ್ಠಾನದ ಮುಖೇನ ಪ್ರತಿವರ್ಷ ಕನ್ನಡನಾಡ್, ನುಡಿ, ಸಾಹಿತ್ಯಡ್ ಸಾಧನೆ ಮಲ್ತಿನ ಒರಿಯನ್ ಗುರ್ತಿಸಾದ್, ಪ್ರಶಸ್ತಿ ಕೊರ್ಪುನ ಪಂದ್ ತೀರ್ಮಾನ ಆತ್ಂಡ್.

ಕಡೀರ್ ದ ಪ್ರಶಸ್ತಿಗ್ ಲೇಖಕೆರ್, ಪತ್ರಕರ್ತೆರ್, ಮೊಗವೀರ ಮಾಸಿಕ ಬೊಂಬೈದ ಸಂಪಾದಕೆರ್ ಆದಿಪ್ಪುನ ಅಶೋಕ ಸುವರ್ಣ ಆಯ್ಕೆ ಆತೆರ್. ಈ ಪ್ರಶಸ್ತಿನ್ ಮೈಸೂರ್ ವಿಶ್ವವಿದ್ಯಾಲಯದ ವಿಶ್ರಾಂತ ಪ್ರಾಧ್ಯಾಪಕೆರ್, ಪೆರಿಯ ಜಾನಪದ ತಜ್ಞೆರ್ ಡಾ.ಕಾಳೇಗೌಡ ನಾಗವಾರ ಮೇರ್ ಡಿ. 24 ಕ್ ಅಂಧೇರಿಡ್ ಪ್ರದಾನ ಮಲ್ಪೆರೆ ಉಲ್ಲೆರ್ ಪಂದ್ ಡಾ.ವಿಶ್ವನಾಥ ಕಾರ್ನಾಡ್‌ ಪ್ರತಿಷ್ಠಾನದ ಪ್ರಕಟಣೆ ತೆರಿಪಾದ್ಂಡ್. ಈ ಪ್ರಶಸ್ತಿಡ್ 7,500/= ನಗದು, ಪ್ರಶಸ್ತಿ ಪತ್ರ, ಫಲಕನ್ ಕೊರಿಯೆರೆ ಆಪುಂಡು. ಅಂಚನೆ ಲೇಖಕೆರಾಯಿನ ಮೇರ್, ನಿಗೂಢ ಮಾಫಿಯಾ ಜಗತ್ತು, ಮಹಾಕಾಳಿ ಕೇವ್ಸ್ ನ ಮಹಾನುಭಾವ, ಮೊಗವೀರ ವ್ಯವಸ್ಥಾಪಕ ಮಂಡಳಿ ಒಂದು ಇತಿಹಾಸ, ಮುಂಬಯಿ ಪರಿಕ್ರಮಣ ಪನ್ಪುನ ಬೂಕುಲೆನ್ ಬರೆತೆರ್.

Ashok Suvarna selected for the first award presentation by Dr Vishwanath Karnad Pratishtan

Mumbai: Well known teacher, litterateur, organiser Dr Vishwanath Karnad; now has a foundation to his name that plans to identify and encourage with an award a Kannadiga achiever in the field of literature and culture .

The first award by the foundation will be given to Ashok Suvarna who is a writer, journalist and Mumbai editor of the Mogaveera monthly periodical.

The program of presentation of the award will be held on December 24th at Andheri, Mumbai. Dr Kale gowda retired professor of Mysore University who is also a senior folklore expert will do the honours.
The award carries a cash prize of 7,500 rupees, a momento and a certificate .
Ashok Suvarna has authored many books including ” Nigoda
Mafia Jagathu, Mahakali Cavesna Mahanubava, Mogaveera Vavastapaka Mandali ondu Ithihasa and Mumbai Parikramana”.

ದೈಯ್ಜಿವರ್ಲ್ಡ್‌ದ ದಯಾನಂದ ಕುಕ್ಕಾಜೆ ಗ್ ಜಾಗತಿಕ ಮಟ್ಟ್ ದ ಫೊಟೋಗ್ರಫಿ ಪ್ರಶಸ್ತಿ

ಕುಡ್ಲ: ಗ್ಲೋಬಲ್ ಟ್ಯಾಲೆಂಟ್ ಸರ್ಚ್ ಫರ್ಮ್ ಇನ್ನೋವೈಜ್ ಆರ್ಟ್ಸ್ ಅಂಡ್ ಕಲ್ಚರ್ ಆಯೋಜನೆ ಮಲ್ತಿನ 2022 ತ ಜಾಗತಿಕ ಛಾಯಾಗ್ರಹಣ ಪಂತೊದ ಸೀಸನ್ 3ಟ್, ಮಲ್ಲ ಫೋಟೋ ಜರ್ನಲಿಸ್ಟ್ ದಯಾನಂದ ಕುಕ್ಕಾಜೆ ಮೇರ್ ” ಭಾರಿ ಎಡ್ಡೆ ಛಾಯಾಗ್ರಾಹಕೆ ” ಪನ್ಪಿನ ಪ್ರಶಸ್ತಿನ್ ಗೆಂದ್ ದೆರ್.

ನೆರ್ದ್ ದುಂಬು ಮೇರ್ ಅತ್ಯುತ್ತಮ ಆಕ್ಷನ್ ಛಾಯಾಗ್ರಹಣ ಪ್ರಶಸ್ತಿ ಬೊಕ್ಕ ಅತ್ಯುತ್ತಮ ಕ್ಯಾಂಡಿಡ್ ಛಾಯಾಗ್ರಹಣ ಪ್ರಶಸ್ತಿ ಪಡೆದಿತ್ತೆರ್. ಗ್ಲೋಬಲ್ ಫೋಟೋಗ್ರಫಿ ಕಾಂಟೆಸ್ಟ್ 2022 ತ ಸೀಸನ್ -3 ಭಾರತದ ಛಾಯಾಗ್ರಾಹಕೆರ್ ಬೊಕ್ಕ ಸುಮಾರ್ ದೇಶದ ಎನ್‌ಆರ್‌ಐಲೆನ ನಡಟ್ ನಡತ್ಂಡ್. ನೆಟ್ ಮೇರ್ 12ರ್ದ್ ಹೆಚ್ಚ ಛಾಯಾಚಿತ್ರ ಪ್ರದರ್ಶನಲೆನ್ ಆಯೋಜನೆ ಮಲ್ದೆರ್. ತನ್ನ ಛಾಯಾಗ್ರಹಣ ಕೌಶಲ್ಯನ್ ಪ್ರದರ್ಶನ ಮಲ್ಪೆರೆ ಆಜೆಕ್ ಹೆಚ್ಚ ದೇಶಲೆಗ್ ಭೇಟಿ ಕೊರ್ತೆರ್.