July 2021

ಬೆಂಗ್ಳೂರು ಕರಾವಳಿಗೆರ್ನ ಒಕ್ಕೂಟದ ವತಿರ್ದ್ “ತುಳುವ ಜಾಲ್ಡ್ ಕೃಷ್ಣನ ತೆಲಿಕೆ ನಲಿಕೆ” ತುಳುಟು ಭಗವದ್ಗೀತೆ ಪ್ರವಚನ

ಬೆಂಗ್ಳೂರು, ಜುಲೈ 21: ಬೆಂಗ್ಳೂರು ಕರಾವಳಿಗೆರ್ನ ಒಕ್ಕೂಟದ ವತಿರ್ದ್ ಬೊಕ್ಕ

ಇಸ್ಕಾನ್ ಸೌತ್ ಬೆಂಗ್ಳೂರು ಮೆಕ್ಲೆನ ಸಂಪೂರ್ಣ ಸಾಕರಡ್ ತುಳುವ ಜಾಲ್ಡ್ ಕೃಷ್ಣನ ತೆಲಿಕೆ ನಲಿಕೆ ತುಳುಟು ಭಗವದ್ಗೀತೆ. ಪ್ರವಚನ 17-7-2021 ರ್ದ್ _21-7-2021 ಮುಟ ನಡತೊಂದು ಉಪ್ಪುನ ಧಾರ್ಮಿಕ ಕಾರ್ಯಕ್ರಮದ ಧಾರ್ಮಿಕ ಮುಗಿತಲದ ಲೇಸ್ 21-7-2021ಕ್ಕ್ ರಾತ್ರಿ 7 ರ್ದ್ 8 ಗಂಟೆ ಮುಟ ಜೂಮ್ ಡಿಜಿಟಲ್ ವೇದಿಕೆಡ್ ನಡಪರೆ ಉಪ್ಪುನ ಧಾರ್ಮಿಕ ಲೇಸ್ ಡ್
ಶ್ರೀ ಶ್ರೀ ಶ್ರೀ ಕೇಮಾರು ವಿಠಲದಾಸ. ಸ್ವಾಮೀಜಿ ಬೊಕ್ಕ ಶ್ರೀ ಶ್ರೀ ಶ್ರೀ. ವಿದ್ಯಾವಾಚಸ್ಪತಿ. ಡಾ:ವಿಶ್ವ ಸಂತೋಷ ಭಾರತಿ ಶ್ರೀ ಪಾದೆರ್ ಆಶೀರ್ವಚನ ಕೊರ್ರೆ ಉಲ್ಲೆರ್.ಶ್ರೀ ಶ್ರೀ ಪ್ರಸಾದ್ಧೇಶ್ವರ ಕೃಷ್ಣ ದಾಸೆರ್ ಬೊಕ್ಕ ಸರ್ವ ಲಕ್ಣನ ದಾಸೆರ್
ಭಗವದ್ಗೀತೆದ ಪ್ರವಚನ ಮಲ್ಪರೆ ಉಲ್ಲೆರ್.

ಈ ಮಾತಾ ಧಾರ್ಮಿಕ ಕಾರ್ಯಕ್ರಮದ ಗುರ್ಕಾರ್ಮೆನ್ ಬಿಲ್ಲವ ಅಸೋಸಿಯೇಷನ್ ಬೆಂಗ್ಳೂರುದ ಗುರ್ಕಾರ್ಲಾಯಿನ ಶ್ರೀ. ಎಂ. ವೇದ ಕುಮಾರ್ ಪಡೆಯರೇ ಉಲ್ಲೆರ್.
ಮಲ್ಲ ಬಿನ್ನೆರ್ ಆದ್  ಕೂಟ ದುಬೈದ ಗುರ್ಕಾರ್ಲಾಯಿನ ಸತೀಶ್ ಪೂಜಾರಿ ಬೊಕ್ಕ ಬೆಂಗ್ಳೂರು ಕರಾವಳಿಗರ ಒಕ್ಕೂಟದ ಗೌರವಾದ್ಯಕ್ಷ ರಾಯಿನ ಶ್ರೀ ರಾಜೇಂದ್ರ.ಕುಮಾರ್ ಬೊಕ್ಕ ತುಳು ಕೂಟ ಬೆಂಗ್ಳೂರುದ ಗುರ್ಕಾರ್ಲಾಯಿನ ದೇವೇಂದ್ರ ಹೆಗ್ಡೆ. ಕೊಕ್ರಾಡಿ ಮೇರ್ ಬೆಂಗ್ಳೂರು ಕರಾವಳಿಗರ ಒಕ್ಕೂಟದ ಗುರ್ಕಾರ್ಲಾಯಿನ ಸುಂದರ್ ರಾಜ್ ರೈ ಪಾಲ್ ಪಡೆಯರೇ ಉಲ್ಲೆರ್.

ಕಾರ್ಯಕ್ರಮ ನಿರೂಪಣೆನ್
ಬಿಲ್ಲವ ಸೇವಾದಳದ ಗುರ್ಕಾರ್ಲಾಯಿನ ಶ್ರೀ ಶಿವು ಸಾಲಿಯಾನ್ ಮೇರ್ ನಡಪಾದ್ ಕೊರ್ರೆ ಉಲ್ಲೆರ್.

ಪಾಲ್ ಪಡೆಯರೇ
*Zoom ID*
*865 9533 4627*
*PassCode. 123*

ಸಾಯಿ ಬಾಬಾ ಮಂದಿರ : ಶ್ರೀ ಗುರುಪೂರ್ಣಿಮಾ ಉಚ್ಛಯ

ಕುಡ್ಲ, ಜುಲೈ 21: ತಾರೀಖ್ 22/7/2021 ನೇ ಗುರುವಾರರ್ದ್ 24/7/2021 ನೇ ಶನಿವಾರ ಮುಟ ಕುಡ್ಲ ಚಿಲಿಂಬಿಡ್ ಶ್ರೀ ಗುರು ಪೂರ್ಣಿಮಾ ಉಚ್ಚಯ ನಡಪರೆ ಉಂಡು. ದೇಶಡು ಬೈದಿನ ಕೊರೋನ ಮಾಮಾರಿರ್ದ್ ಪ್ರತಿ ವರ್ಷ ಬಾರಿ ಗೌಜಿಡ್ ನಡತೊಂದು ಇತ್ತಿನ ಉಚ್ಚಯನ್ ಈ ಸಲ ಬಾರಿ ಸರಳ ರೀತಿಡ್ ನಡಪರೆ ಉಂಡು ಪಂದ್ ಪ್ರಕಟಣೆಡ್ ತೆರಿಪಾದೆರ್.

ಝೀನತ್ ಬಕ್ಷ್ ಕೇಂದ್ರ ಜುಮ್ಮಾ ಮಸೀದಿಗ್ ಪೊಲೀಸ್ ಕಮಿಷನರ್ ಶಶಿಕುಮಾರ್ ಭೇಟಿ

ಕುಡ್ಲ, ಜುಲೈ 20: ನಗರದ ಬಂದರ್‌ಡ್ ಉಪ್ಪುನ ಐತಿಹಾಸಿಕ ಝೀನತ್ ಬಕ್ಷ್ ಕೇಂದ್ರ ಜುಮ್ಮಾ ಮಸೀದಿಗ್ ಪೊಲೀಸ್ ಕಮಿಷನರ್ ಶಶಿಕುಮಾರ್ ಶನಿವಾರ ಸೌಹಾರ್ದ ಭೇಟಿ ಕೊರಿಯೆರ್ .

ಈ ಪೊರ್ತುಡು ಮಸೀದಿದ ಆಡಳಿತ ಸಮಿತಿದ ವತಿರ್ದ್ ಕಮಿಷನರ್ ಮೆರೆಗ್ ಮಾನದಿಗೆ ಮಲ್ತೆರ್ .

ಮಸೀದಿದ ಉಪಾಧ್ಯಕ್ಷ ಕೆ.ಅಶ್ರಫ್, ಪ್ರಧಾನ ಕಾರ್ಯದರ್ಶಿ ಮಹಮ್ಮದ್ ಹನೀಫ್ ಹಾಜಿ, ಕೋಶಾಧಿಕಾರಿ ಹಾಜಿ ಸೈಯದ್ ಭಾಷಾ ತಂಙಳ್, ಎಸ್‌ಎಂ ರಶೀದ್ ಹಾಜಿ, ಮುಹಮ್ಮದ್ ಅಶ್ರಫ್, ಅದ್ದು ಹಾಜಿ, ಮಸೀದಿಯ ಖತೀಬ್ ಅಲ್‌ಹಾಜ್ ಅಬುಲ್ ಅಕ್ರಂ ಮುಹಮ್ಮದ್ ಬಾಖವಿ ಪಾಲ್ ಪಡೆದಿತ್ತೆರ್.

ದಕ್ಷಿಣ ಕನ್ನಡ ಅಸಂಘಟಿತ ಕಾರ್ಮಿಕ ಕಾಂಗ್ರೆಸ್ ಸಮಿತಿ ಸಭೆ

ಕುಡ್ಲ, ಜುಲೈ 20: ದ.ಕ.ಜಿಲ್ಲಾ ಅಸಂಘಟಿತ ಕಾರ್ಮಿಕ ಕಾಂಗ್ರೆಸ್ ಸಮಿತಿದ ಸುರುತ ಸಭೆ ಸಮಿತಿದ ಜಿಲ್ಲಾಧ್ಯಕ್ಷ ಅಬ್ಬಾಸ್ ಅಲಿಯ ಗುರ್ಕಾರ್ಮೆಡ್ ನಗರದ ಮಲ್ಲಿಕಟ್ಟೆಡುಪ್ಪುನ ಕಾಂಗ್ರೆಸ್ ಭವನಡ್ ಶನಿವಾರ ನಡತುಂಡು .

ಜಿಲ್ಲಾ ಕಾಂಗ್ರೆಸ್ ಮಾಜಿ ಗುರ್ಕಾರ್ಲಾಯಿನ ಇಬ್ರಾಹೀಂ ಕೋಡಿಜಾಲ್ ಪ್ರತಿಯೊರಿ ಕಾಂಗ್ರೆಸ್ ಕಾರ್ಯಂತೆರ್ಲಾ ಅಸಂಘಟಿತ ಕಾರ್ಮಿಕೆರೆಗ್ ಸರಕಾರರ್ದ್ ತಿಕ್ಕುನ ಸವಲತ್ತು ದ ಬಗ್ಗೆ ತಿಳುವಳಿಕೆ ಕೊರ್ದು ಕಾರ್ಮಿಕ ಕಾರ್ಡ್ ಅಕ್ಲೆನ ಕೈಕ್ ಕೊರ್ಪಿನ ಬೇಲೆ ಆವೊಡು ಪಂದ್ ಪಂಡೆರ್.

ಸಭೆಟ್ ನ್ಯಾಯವಾದಿ ನವನೀತ್, ಅಸಂಘಟಿತ ಕಾರ್ಮಿಕ ಕಾಂಗ್ರೆಸ್‌ದ ಸಾಮಾಜಿಕ ಜಾಲತಾಣದ ಮುಖ್ಯಸ್ಥ ಅರುಣ್ ಶೆಟ್ಟಿ ನರಿಕೊಂಬು, ಪಾಣೆಮಂಗಳೂರು ಬ್ಲಾಕ್ ಅಸಂಘಟಿತ ಕಾರ್ಮಿಕ ಕಾಂಗ್ರೆಸ್‌ದ ಗುರ್ಕಾರ್ಲಾಯಿನ ರೋಷನ್ ರೈ ಪಾಲ್ ಪಡೆದಿತ್ತೆರ್ .