March 2021

ಸರಕಾರೊಡ್ದ್‌ ಜನಕ್ಲೆಗ್ ತಿಕ್ಕುನ ಅನುದಾನದ ಬಗ್ಗೆ ಮಾಹಿತಿ

ಒಡಿಪು, ಮಾರ್ಚ್ 25: ಕೊಡವೂರು ವಾರ್ಡ್ ಅಭಿವೃದ್ಧಿ ಸಮಿತಿ ವತಿರ್ದ್ 13 ನೇಯ ಜನ ಸಂಪರ್ಕ ಸಭೆ ಬೊಕ್ಕ ಡಿ ನೋಟೀಸ್/ಸರಕಾರರ್ದ್ ಕೊರ್ಪಿನ ಅನುದಾನ ಮಾಹಿತಿ ಲೇಸ್ , ಕೆ ವಿಜಯ್ ಕೊಡವೂರು ಮೆರ್ನ ಮುತಾಲಿಕೆಡ್ ನಡತ್oಡ್.

ಗ್ರಾಮ ಲೆಕ್ಕಾಧಿಕಾರಿಯಾಯಿನ ಕಾರ್ತಿಕೇಯ ಭಟ್ ಮೇರ್ ಡಿ ನೋಟಿಸ್ ದ ಮಾಹಿತಿ ಬೊಕ್ಕ ಸರಕಾರರ್ದ್ ತಿಕ್ಕುನ ಅನುದಾನದ ಬಗ್ಗೆ ಮಾಹಿತಿ ತೆರಿಪಾಯೆರ್.ಒಟ್ಟು 23 ಜನಕ್ಲೆನ ಡಿ ನೋಟಿಸ್ ಸಮಸ್ಯೆಲೆಗ್ ಪರಿಹಾರ ಕೊರ್ಪಿನ ಕಾರ್ಯ ನಡತ್oಡ್.ಈ ಮುಖೇನ ನಡತಿನ ಗ್ರಾಮ ಸಭೆಟ್ ನಾಗರಿಕೆರೆಗ್ ಬಾರಿ ಮಲ್ಲ ಸಹಾಯ ಆಂಡ್ ,ಅಧಿಕಾರಿಲು ನಮ್ಮ ಇಲ್ಲದ ಕೈತಲ್ ಬತ್ದ್ ನಮ್ಮ ಸಮಸ್ಯೆಲೆಗ್ ಉತ್ತರ ಕೊರ್ಪಿನ ಕಾರ್ಯಕ್ರಮ ಕೊಡವೂರು ಡು ನಡತ್oಡ್ ಪಂದ್ ತೆರಿಪಾಯೆರ್.ಈ ಕಾರ್ಯ ಜನ ಮೆಚ್ಚುಗೆಗ್ ಪಾತ್ರ ಆಂಡ್ ಪಂದ್ ಲಾ ಪಂಡೆರ್.

ಈ ಪೊರ್ತುಡು ಕೈತಲ್ ದಕುಲಾಯಿನ ಜಲಜಾಕ್ಷಿ, ಕೃಷ್ಣ,ಶೇಕರ್ ಪೂಜಾರಿ ವಿನಯ್, ಕಾರ್ತಿಕ್ ಪಾಲ್ ಪಡೆದ್ ಇತ್ತೆರ್.

ಶ್ರೀ ಕಲ್ಕುಡ -ಕಲ್ಲುರ್ಟಿ ಬೊಕ್ಕ ಕೊಡಾಮಣಿತ್ತಾಯ ದೈವದ ವರ್ಷಾವಧಿ ಜಾತ್ರೋತ್ಸವ

ತಾರೀಖ್ 27/3/2021 ನೇ ಶನಿವಾರ ರಾತ್ರೆ 8 ಗಂಟೆಗ್ ಉರ್ದಿಲ ಗುತ್ತುರ್ದು ಭಂಡಾರ ಪಿದಾರ್ದ್ ಗಡಿ ಜಾಗೆ ನೇರಳಕಟ್ಟೆಡ್ ದೈವದ ನೇಮೋತ್ಸವ ನಡಪರೆ ಉಂಡು .ನೇಮೋತ್ಸವದ ಪರವಾದ್ ಈ ವರ್ಷ ವಿಶೇಷವಾದ್ ಸಾರ್ವಜನಿಕ ಅನ್ನಸಂತರ್ಪಣೆ ನಡಪರೆ ಉಂಡು ಪಂದ್ ಪ್ರಕಟಣೆಡ್ ತೆರಿಪಾದೆರ್.

ಸೈಬರ್ ಕ್ರೈಮ್, ಅಂತರ್ಜಾಲದ ಬಗ್ಗೆ ಜಾಗೃತಿ: ವೀಣಾ ವಿವೇಕಾನಂದ

ಒಡಿಪು , ಮಾ.25: ಸೈಬರ್ ಕ್ರೈಮ್ ಬೊಕ್ಕ ಅಂತರ್ಜಾಲಡ್ ಮೋಸದ ಜಾಲಗ್ ಬಲಿಯಾವಂದಿಲಕ ಪೊಣ್ಣು ಜೋಕ್ಲೆಗ್ ಅರಿವು ಮೂಡಾವುನ ಮುಖೇನ ಸಮಾಜನ್ ಜಾಗೃತ ಮಲ್ಪುನ ಕಾರ್ಯ ಮಲ್ಪಾವೊಡು ಪಂದ್ ಉಡುಪಿ ಶಿಶು ಅಭಿವೃದ್ಧಿ ಯೋಜನಾಧಿಕಾರಿ ವೀಣಾ ವಿವೇಕಾನಂದ ತೆರಿಪಾದೆರ್ .

ಉಡುಪಿ ಮಹಿಳಾ ಸೌಂದರ್ಯ ತಜ್ಞೆಯರ ಸಂಘದ ವತಿರ್ದ್ ಅಂಗಾರೆ ಒಡಿಪು ಚರ್ಚ್ ಸಭಾಂಗಣಡ್ ಅಟ್ಟನೆ ಮಲ್ತಿನ ಮಹಿಳಾ ದಿನಾಚರಣೆನ್ ಉದಿಪನ ಮಲ್ತ್ ದ್ ಆರ್ ಪಾತೆರಿಯೆರ್.

ಈ ಪೊರ್ತುಡು ಒಡಿಪು ಜಿಲ್ಲೆದ
20 ಜನ ಅಕ್ಷರದಾಸೋಹದ ಅಟಿಲ್ ಮಲ್ಪುನ ಪೊಂಜೊವ್ಲೆಗ್ ಪಣವುದ ಸಾಕಾರ ಕೊರಿಯೆರ್.

ಒಡಿಪುರ್ದ್ 2020ನೇ ಸಾಲ್ದ ಮುಖ್ಯಮಂತ್ರಿ ಪದಕಗ್ ರಡ್ಡ್ ಜನ ಆಯ್ಕೆ

ಒಡಿಪು , ಮಾ.25: ಒಡಿಪು ಸೆನ್ ಅಪರಾಧ ಪೊಲೀಸ್ ಠಾಣೆದ ಪೊಲೀಸ್ ನಿರೀಕ್ಷಕ ರಾಮಚಂದ್ರ ನಾಯಕ್ ಬೊಕ್ಕ ಉಡುಪಿ ಜಿಲ್ಲಾ ಸಶಸ್ತ್ರ ಮೀಸಲು ಪಡೆಯ ಎಎಚ್‌ಸಿ ಶಂಕರ್, 2020ನೇ ಸಾಲ್ ದ ಮುಖ್ಯಮಂತ್ರಿ ಪದಕಗ್ ಆಯ್ಕೆಯಾತೆರ್ .

ಬಾರಕೂರು ಮೂಲದ ರಾಮಚಂದ್ರ ನಾಯಕ್, 2003ಟ್ಟ್ ಎಸ್ಸೈಯಾದ್ ಪೊಲೀಸ್ ಇಲಾಖೆಗ್ ಸೇರ್ಪಡೆ ಆತೆರ್ , ಗದಗ, ಬೆಂಗಳೂರು, ಬಳ್ಳಾರಿ, ಉಡುಪಿ, ಬೊಕ ಕುಡ್ಲ ದ್ ಎಸ್ಸೈಯಾದ್ ಕರ್ತವ್ಯ ಮಲ್ದೆರ್ . 2011ಟ್ಟ್ ಪೊಲೀಸ್ ನಿರೀಕ್ಷಕರಾದ್ ಭಡ್ತಿ ಆಯಿನ ಮೇರ್, ಕಾರ್ಕಳ ಎಎನ್‌ಎಫ್, ಹೊಸನಗರ, ಮುಲ್ಕಿ ಮೂಡಬಿದ್ರೆಡ್ ವೃತ್ತ ನಿರೀಕ್ಷಕೆರಾದ್ ಬೊಕ್ಕ ಕಾರವಾರ ಸೈಬರ್ ಕ್ರೈಮ್ ಆದ್ ಕರ್ತವ್ಯ ಮಲ್ದೆರ್ .

ಅಂಚನೇ ಬೈಂದೂರು ಮೂಲದ ಪ್ರಸ್ತುತ ಎಸ್‌ಐಟಿ ಲೋಕಾಯುಕ್ತ ಬೆಂಗಳೂರುಡು ಪೊಲೀಸ್ ನಿರೀಕ್ಷಕೆರಾದ್ ಬೇಲೆ ಮಲ್ದಿನ ರಾಘವೇಂದ್ರ ಬೈಂದೂರು ಕೂಡ 2020ನೇ ಸಾಲ್ ದ ಮುಖ್ಯಮಂತ್ರಿ ಪದಕಗ್ ಆಯ್ಕೆ ಆತೆರ್ .