March 2021

ಬ್ಲಡ್ ಡೋನರ್ಸ್ ಕುಡ್ಲ ಸಂಸ್ಥೆದ ವಾರ್ಷಿಕ ಮಹಾಸಭೆ

ಕುಡ್ಲ : ಬ್ಲಡ್ ಡೋನರ್ಸ್ ಕುಡ್ಲ ಸಂಸ್ಥೆದ ವಾರ್ಷಿಕ ಮಹಾಸಭೆ ಉಳ್ಳಾಲ ಸಯ್ಯದ್ ಮದನಿ ಸಭಾಂಗಣಡ್ ಬ್ಲಡ್ ಡೋನರ್ಸ್ ಕುಡ್ಲ ಸಂಸ್ಥೆದ ಸ್ಥಾಪಕಾಧ್ಯಕ್ಷ ಸಿದ್ದೀಕ್ ಮಂಜೇಶ್ವರ ಮೆಕ್ಲೆನ ಒಟ್ಟು ಸೇರಿಗೆಡ್ ಸೋಮವಾರ ನಡತುಂಡು .

ಪೊಸ ಸಮಿತಿದ ಗುರ್ಕಾರ್ಲಾದ್ ಸಿದ್ದೀಕ್ ಮಂಜೇಶ್ವರ, ಉಪಾಧ್ಯಕ್ಷರಾದ್ ಅಶ್ರಫ್ ಉಪ್ಪಿನಂಗಡಿ, ಪ್ರಧಾನ ಕಾರ್ಯದರ್ಶಿಯಾದ್ ನವಾಝ್ ಕಲ್ಲರ ಕೊಡಿ, ಕಾರ್ಯದರ್ಶಿಯಾದ್ ರಝಾಕ್ ಸಾಲ್ಮರ, ಜೊತೆ ಕಾರ್ಯದರ್ಶಿಯಾದ್ ಶಾಹುಲ್ ಹಮೀದ್ ಕಾಶಿಪಟ್ನ, ಕೋಶಾಧಿಕಾರಿಯಾದ್ ಹಮೀದ್ ಪಜೀರ್ ನೇಮಕ ಆಯೆರ್ .

ಮದಿರೆಂಗಿಡ್ ಪರ್ಪಿನ ಪಾರ್ಟಿ ಉಂತಾಲೆ : ದಿನೇಶ್ ಅಮೀನ್ ಮಟ್ಟು

ಮೂಲ್ಕಿ: ಬ್ರಹ್ಮಶ್ರೀ ನಾರಾಯಣ ಗುರುಕುಲು ಪನ್ತಿಲೆಕ್ಕ ನಮ ಸರಳ ಮದಿಮೆದ ತತ್ವೊನು ಪಾಲನೆ ಮಲ್ಪೊಡು . ಮದಿರೆಂಗಿಡ್ ಪರ್ರೆ ಕೊರ್ಪಿನೆನ್ಲಾ ಬೊಕ್ಕ ಪರ್ಪಿನೆನ್ಲಾ ಉಂತಾವೊಡು, ನಮ್ಮಕುಲು ಮಾತಾ ಚಟೊಕ್ಕುಲೆನ್ ಬುಡ್ಡು ಸಮಾಜದ ಎಡ್ಡೆಪ್ಪುಗಾದ್ ಕೆಲಸ ಮಲ್ಪೊಡು ಪಂಡ್ದ್ ಹಿರಿಯ ಪತ್ರಕರ್ತೆರ್, ಮಾಜಿ ಮುಖ್ಯಮಂತ್ರಿಲೆನ ಮಾಧ್ಯಮ ಸಲಹೆಗಾರೆರ್ ದಿನೇಶ್ ಅಮೀನ್ ಮಟ್ಟು ತೆರಿಪಾದೆರ್.

ರಾಷ್ಟ್ರೀಯ ಬಿರುವೆರ್ನ ಮಾಮಂಡಲದ ವತಿರ್ದ್ ಐತಾರ ಮುಲ್ಕಿದ ಸಭಾಂಗಣಡ್ ನಡತಿನ ” ಬಿರುವೆರ್ ಪತ್ರಕರ್ತೆರ್ “ಮಾಧ್ಯಮ ಪ್ರತಿನಿಧಿನಕ್ಲೆಗ್ ಮಾನಾದಿಗೆ ಲೇಸ್ಡ್ ಆರ್ ಮಲ್ಲ ಬಿನ್ನೆರಾದ್ ಪಾತೆರಿಯೆರ್.

ಬಿರುವೆರ್ನ ಸಮಾಜದ ಜವನೆರ್ ಇತ್ತೆ ಕೆಲವರ್ನ ಆಸೆ ಆಮಿಷಗು ಬಲಿಯಾದ್ ದುಶ್ಚಟೊಲೆನ್ ಕಲ್ದೆರ್. ಅವೆನ್ ದೂರ ಮಲ್ಪೊಡು , ನಮಡ ಅಲ್ಪಲ್ಪ ಬೇತೆ ಬೇತೆ ಸಂಘಟನೆಲು ಉಲ್ಲ. ಆಂಡ ಅಕಲೆನ ಬೇತೆ ಬೇತೆ ಪ್ರತಿಷ್ಟೆ ಉಂದೆಟ್ ಬಿರುವೆರ್ನ ಒಗ್ಗಟ್ಟನ್ ಪುಡಪುನ ಮಸಲಾದಿಗೆ ಉಂಡು. ಉಂದೆನ್ ತಡೆತ್‌ಜಿಡ ಗೆಜ್ಜೆಗಿರಿಟ್ ಇಂಚೋಗು ನಡತಿನ ಘಟನೆಲು ನಡಪರ ಸಾಧ್ಯ ಉಂಡು, ಬಿರುವೆರೆಡ್ ಇರುವೆರ್ ಪನ್ಪಿನ ತಮಾಸೆದ ಪಾತೆರೊನು ನಮ ಮಾತೆರ್ಲ ಸುಳ್ಳು ಮಲ್ಪೊಡು . ಬಿರುವೆರ್ ಮಾತೆರ್ಲ ಒಂಜೇ ಮನಸ್ದಕುಲು ಆವೊಡು. ನಮ ಬಿರುವೆರ್ ಎಸ್ಎಸ್‌ಡಿಪಿ, ಬಿಎಸ್ಎಡಿಸಿ ಇಂಚ ಮಾತ ಸಂಘಟನೆಲು ರಾಷ್ಟ್ರೀಯ ಬಿರುವೆರ್ನ ಮಾಮಂಡಲದ ಒಂಜೇ ಕುಬಲ್ದಡಿಟ್ಟ್ ಉಪ್ಪೊಡು ಪಂಡೆರ್.

ಲೇಸ್ ದ ಗುರ್ಕಾರ್ಮೆನ್ ಒಯಿಸ್ದಿತ್ತಿನ ರಾಷ್ಟ್ರೀಯ ಬಿರುವೆರ್ ಮಾಮಂಡಲದ ಗುರ್ಕಾರ್ಲು ರಾಜಶೇಖರ ಕೋಟ್ಯಾನ್ ಪಾತೆರ್ದ್ ಸಮಾಜ ಜನಸಂಖ್ಯೆಡ್ ಎಚ್ಚಿನ ಸಂಖ್ಯೆಡ್ ಉಲ್ಲೆರ್ ಡಲಾ ರಾಜಕೀಯ ಪ್ರಾತಿನಿಧ್ಯ ಮಸ್ತ್ ಕಡಿಮೆ ಉಂಡು, ನಮ್ಮ ಸಮಾಜದ ಜವನೆರ್ ರಾಜಕೀಯವಾದ್ ಬುಲೆಯೆರ್ಡ ಸಮಾಜೊಡು ಮಲ್ಲ ಶಕ್ತಿ ಬರ್ರೆ ಸಾಧ್ಯ. ಮಾಮಂಡಲೊರ್ದು ನನ ದುಂಬು ಸಮಾಜದ ವಕೀಲೆರೆನ್ ಪೊಲೀಸ್ ದಕ್ಲೆನ್ ಮಿಲಿಟ್ರಿ ದಕ್ಲೆನ್ ಇಂಚ ಮಾತ ಬೇತೆ ಬೇತೆ ಕ್ಷೇತ್ರದ ಸಾಧಕರೆನ್ ಮಾನಾದಿಗೆ ಮಲ್ಪುನ ಉದ್ದೇಶ ಉಂಡು. ಅಂಚೆನೇ ನಮ್ಮ ಸಮುದಾಯಡ್ ಒಲ್ಪಆಂಡಲಾ ಏರಾಂಡಲ ಅನ್ಯಾಯ ಮಲ್ತೆರ್ಡ ಅಕ್ಲೆನ ವಿರುದ್ಧ ಪೊರ್ಂಬಾಟ ಮಲ್ಪರೆ ರಾಷ್ಟ್ರೀಯ ಬಿರುವೆರೆ ಮಾಮಂಡಲ ತಯಾರಾದುಂಡು ಪಂಡೆರ್.

ಲೇಸ್ಡ್ ಬೊಂಬಾಯಿ, ಬೆಂಗಳೂರು, ಕಾಸ್ರೋಡು , ಕೊಪ್ಪ, ಚಿಕ್ಕಮಗಳೂರು ಒಡಿಪು ಬೊಕ್ಕ ಕುಡ್ಲ ಜಿಲ್ಲೆದ 85 ಪತ್ರಕರ್ತೆರೆನ ಮಾನಾದಿಗೆ ನಡತ್ಂಡ್. ರಾಷ್ಟ್ರೀಯ ಬಿರುವೆರೆ ಮಾಮಂಡಲದ ಒತ್ತು ಗುರ್ಕಾರೆರ್ ಎಂ.ಚಂದ್ರಶೇಖರ ಸುವರ್ಣ, ರ್ಪಣವುದ ಪಾಲವೆರ್ ಯೋಗೀಶ್ ಕೋಟ್ಯಾನ್, ಚಿತ್ರಾಪು , ಒತ್ತು ಪನವುದ ಪಾಲವೆರ್ ಶಿವಾಜಿ ಸುವರ್ಣ ಬೆಳೆ, ಒತ್ತು ಕಾರ್ಯಂತರ್ ಗಂಗಾಧರ ಪೂಜಾರಿ ಬಾಳ, ಚೇಳ್ಯಾರ್, ಗಣೇಶ್ ಎಲ್.ಪೂಜಾರಿ, ಬೈಂದೂರು ಮಿತ್ತರ್ಮೆಡ್ ಇತ್ತೆರ್.

ಮಾಮಂಡಲದ ಗೌರವ ಪ್ರಧಾನ ಕಾರ್ಯಂತೆರ್ ವಿಜಯ ಕುಮಾರ್ ಕುಬೆವೂರು ಲೇಸ್ ನಡಪಾದ್ ಕೊರಿಯೆರ್, ಒತ್ತು
ಕಾರ್ಯಂತರ್ ಗಂಗಾಧರ್ ಪೂಜಾರಿ ಬಾಳ ಸೊಲ್ಮೆ ಸಂದಾಯೆರ್