March 2021

ಉಚ್ಚಿಲಡ್ ಮಹಾಲಕ್ಷ್ಮಿ ದೇವಸ್ಥಾನಡ್ ಎಪ್ರಿಲ್ 29 ಗ್ ನಿಧಿ ಕುಂಭ ಸ್ಥಾಪನ ಕಜ್ಜೊ

ತಾರೀಖ್ 29-04-21 ಕ್ಕ್ ನಡಪುನ ನಿಧಿ ಕುಂಭ ಸ್ಥಾಪನ ಕಾರ್ಯಕ್ರಮದಾನಿ ಕೊರ್ಪಿನ ಪರಿಶುದ್ಧ ಬಂಗಾರ್ ಬೊಕ್ಕ ಬೊಳ್ಳಿದ ಪಾವಲಿನ್ ಭಕ್ತೆರೆಗ್ ದೇವಸ್ಥಾನರ್ದೇ ದೆತೊನುನoಚಿನ ವ್ಯವಸ್ಥೆ ಮಲ್ದೆರ್ . ( ಪಿದಾಯಿ ದ ಬಂಗಾರ್ ಬೊಕ ಬೊಳ್ಳಿದ ಅರ್ಪಣೆ ಕಡ್ಡಾಯವಾದ್ ನಿಷೇದ ಮಲ್ದೆರ್ )ಐಕಾದ್ ಕುಡ್ಲದ ಅಮ್ಮ ಜ್ಯುವೆಲ್ಲರ್ಸ್ದ ಗುರ್ಕಾರ್ಲಾಯಿನ ಮನೋಜ್ ಉಳ್ಳಾಲ ಮೆರೆಗ್ ಇತ್ತೆದ ಮಾರುಕಟ್ಟೆ ಬಿಲೆಕ್ ಅನುಸಾರ ಮುಂಗಡ ಕಾಸ್ ಕೊರಿಯೆರ್.

ಈ ಪೊರ್ತುಡು ಜೀರ್ಣೋದ್ದಾರ ಸಮಿತಿ ಗೌರವಧ್ಯಕ್ಷರಾಯಿನ ಡಾ ಜಿ ಶಂಕರ್, ಮಹಾಜನ ಸಂಘದ ಗುರ್ಕಾರ್ಲಾಯಿನ ಜಯ ಸಿ ಕೋಟ್ಯಾನ್, ಕಾರ್ಯದರ್ಶಿ ಸುಧಾಕರ್ ಕುಂದರ್ ಜೀರ್ಣೋದ್ದಾರ ಸಮಿತಿ ಗುರ್ಕಾರ್ಲಾಯಿನ ಗುಂಡು ಬಿ ಅಮೀನ್, ದಯಾನಂದ ಕುಂದರ್, ಸುಧಾಕರ್ ಮೆಂಡನ್, ರವೀಂದ್ರ ಶ್ರೀಯನ್, ದಿನೇಶ್ ಎರ್ಮಾಲ್, ಮಾದವ ಸುವರ್ಣ, ಕ್ಷೇತ್ರದ ಅರ್ಚಕೆರಾಯಿನ ರಾಘವೇಂದ್ರ ಉಪಾಧ್ಯಯ, ವಿಷ್ಣು ಮೂರ್ತಿ ಉಪಾಧ್ಯಯ ಪಾಲ್ ಪಡೆದ್ ಇತ್ತೆರ್.

ಮಲಬಾರ್ ಗೋಲ್ಡ್ ಆ್ಯಂಡ್ ಡೈಮಂಡ್ಸ್ ಒಡಿಪು ಶಾಖೆಡ್ ಆರ್ಟಿಸ್ಟ್ರಿ ಕಲಾತ್ಮಕ ಚಿನ್ನಾಭರಣದ ಪ್ರದರ್ಶನ – ಮಾರಾಟ

ಒಡಿಪು :ಮಲಬಾರ್ ಗೋಲ್ಡ್ ಅಂಡ್ ಡೈಮಂಡ್ಸ್ ಸಂಸ್ಥೆದ ಗೀತಾಂಜಲಿ ಶೋಪರ್ ಸಿಟಿ ಕಟ್ಟಡಡ್ ಉಪ್ಪುನ ಒಡಿಪು ಶೋರೂಮ್ ಡ್ ಮಾರ್ಚ್ 06 ರ್ದ್ ಮಾ.14 ಮುಟ ಅಟ್ಟನೆ ಮಲ್ದಿನ ಆರ್ಟಿಸ್ಟ್ರಿ ಬ್ರಾಂಡೆಡ್ ಜುವೆಲ್ಲರಿ ಶೋ ಲೇಸ್ ಶನಿವಾರ ನಡತುಂಡು.

ಮಹೇಶ್ ಬೆಟ್ಟಿನ್ ,ಆಶಾ ಅಮೀನ್ ಮಲ್ಪೆ,ಬಿಂದು ತಂಗಪ್ಪನ್ ಮೇರ್ ಕ್ರಮವಾದ್ ಎರಾ,ಡಿವೈನ್ ಚಿನ್ನಾಭರಣ, ವಜ್ರಾಭರಣದ ಅನಾವರಣ ಮಲ್ತ್ ದ್ ಸಂಸ್ಥೆಗ್ ಎಡ್ಡೆಪ್ಪುನು ಬಯಕಿಯೆರ್.

ಒಡಿಪು ಶೋರೂಮ್ ಮುಖ್ಯಸ್ಥ ಹಫೀಝ್ ರೆಹಮಾನ್ ಪಾತೆರ್ದ್ ಸುಕ್ಷ್ಮಾತಿ ಸುಕ್ಷ್ಮ ಕುಸುರಿ ಬೇಲೆರ್ದ್ ಮಲ್ದಿನ ಬಂಗಾರ್ ಕುಶಲಕರ್ಮಿಲೆನ ಕೌಶಲ್ಯನ್ ಪ್ರತಿಪಾದಿಸಾವುಂಡು ಪ್ರತಿ ಬಂಗಾರ್ ಲಾ ಅಕ್ಲೆನ ನೈಪುಣ್ಯತೆ ಬೊಕ್ಕ ಕುಶಲತೆಗ್ ಪೊರ್ಲು ಕೊರ್ತುಂಡು.ಆರ್ಟಿಸ್ಟ್ರಿ ಬ್ರಾಂಡೆಡ್ ಜುವೆಲ್ಲರಿದ ಸಬ್ ಬ್ರ್ಯಾಂಡ್ ಚಿನ್ನಾಭರಣ ಪ್ರದರ್ಶನಡ್ ಬೇತೆ ಬೇತೆ ನಮೂನೆದ ಬಂಗಾರ್ ಬೊಕ್ಕ ವಜ್ರಾಭರಣದ ಸಂಗ್ರಹ ಪ್ರದರ್ಶನಡ್ ಉಂಡು .’ಮೈನ್’ಡ್ ವಜ್ರಾಭರಣದ ಅಭೂತ ಪೂರ್ವ ಸಂಗ್ರಹ, ಪೊಸ ಮದಿಮಾಲ್ ನ ವಿಶಿಷ್ಟ ಸಂಗ್ರಹ ಬೊಕ್ಕ ಪ್ರಮಾಣಿಕೃತ ವಜ್ರಾಭಾರಣಗ ಉಂಡು ,’ ಡಿವೈನ್’ಡ್ ಭಾರತೀಯ ಸಂಸ್ಕೃತಿನ್ ತೋಜಾವುನ ಬಂಗಾರ್ ದ ಸಂಗ್ರಹ ಉಂಡು .’ಪ್ರಶಿಯಾ’ಡ್ ರುಬಿ , ಎಮರಾಲ್ಡ್ ಅಮೂಲ್ಯ ಕಲ್ಲ್ ದ ಸಮಕಾಲೀನ ಬಂಗಾರ್ ದ ಸಂಗ್ರಹ ಉಂಡು ,ಪಂದ್ ತೆರಿಪಾದೆರ್.ಬಂಗಾರ್ ಪಾರ್ದ್
ಒಡಿಪುದ ರೂಪದರ್ಶಿಲಾಯಿನ ವೈಭವಿ ಭಂಡಾರಿ ಮಣಿಪಾಲ್,ಪ್ರಸಿದ್ದಿ ಸಾಲ್ಯಾನ್,ಅಕ್ಷತಾ ಕೆ ಶೆಟ್ಟಿ,ಅನುಷಾ ಅಮೀನ್, ಮೌಸಮಿ ಶೆಟ್ಟಿ ಕಾಪು,ರಕ್ಷಿತಾ ಶೆಟ್ಟಿ ವಕ್ವಾಡಿ ರಾಂಪ್ ವಾಕ್ ಮಲ್ಪುನ ಮುಖೇನ ಕಾರ್ಯಕ್ರಮಗ್ ಕಳೆ ಜಿಂಜಾಯೆರ್. ಮ್ಯಾನೇಜ್ಮೆಂಟ್ ಸದಸ್ಯೆರ್,ಗ್ರಾಹಕೆರ್,ಸಿಬ್ಬಂದಿ ವರ್ಗ ದಕುಲು ಪಾಲ್ ಪಡೆದಿತ್ತೆರ್ . ವಿಜ್ಞೇಶ್ ಲೇಸ್ ದ ನಿರೂಪಣೆ ಮಲ್ತೆರ್ ರಾಘವೇಂದ್ರ ನಾಯಕ್ ಸೊಲ್ಮೆ ಸಂದೈತ ಮಲ್ತೆರ್ .

ಇನಿ ಬ್ರಹ್ಮಾವರಡ್ ಸತ್ಯನಾಥ ಸ್ಟೋರ್ಸ್‌ ಉದಿಪನ

ಬ್ರಹ್ಮಾವರ, ಮಾ.7: ಕರಿನ 7 ದಶಕರ್ದ್ ಕುಂಟುದ ಬೇರ ಮಲ್ಪುನ ಮುಖೇನ ಕರಾವಳಿ, ಮಲೆನಾಡು ಭಾಗದ ಗ್ರಾಹಕೆರ್ನ ಪ್ರೀತಿಗ್ ಪಾತ್ರವಾಯಿನ ಸತ್ಯನಾಥ ಸ್ಟೋರ್ಸ್‌ ಬೃಹತ್ ವಸ್ತ್ರಮಳಿಗೆ ಬ್ರಹ್ಮಾವರ ಮಾರಿಗುಡಿ ಮಾರ್ಗದ ಪರ ಪೊಲೀಸ್ ಸ್ಟೇಶನ್ ದ ಎದುರು ವಿಶಾಲವಾಯಿನ ಪುರುಷೋತ್ತಮ ಮಂದಿರದ ಪೊಸ ಕಟ್ಟಡಡ್ ಇನಿ ಕಾಂಡೆ ಉದಿಪನ ಆಂಡ್.

ಸಾಬರಕಟ್ಟೆ ಗರಿಕೆಮಠ ಶ್ರೀಅರ್ಕ ಮಹಾಗಣಪತಿ ದೇವಸ್ಥಾನದ ವೇದ ಮೂರ್ತಿ ಜಿ.ರಾಮಪ್ರಸಾದ ಅಡಿಗ ಅಂಗಡಿ ದ ಉದಿಪನ ಮಲ್ತೆರ್ ಬೈಯ 6 ಗಂಟೆಗ್ ಝೀ ಟಿವಿ ಖ್ಯಾತಿ ಸರಿಗಮಪ ಸುಪ್ರಸಿದ್ಧ ಗಾಯಕೆರೆರ್ದ್ ಸತ್ಯನಾಥ ಗಾನವೈಭವ ಸಂಗೀತ ಕಾರ್ಯಕ್ರಮ ನಡಪರೆ ಉಂಡು .ಇರುವರ್ದ್ ಲಾ ಜಾಸ್ತಿ ರಾಜ್ಯದ ವೈವಿಧ್ಯಮಯ ಜವಳಿ ಅಪಾರ ಸಂಗ್ರಹ ಉಪ್ಪುನ ಪರಿಪೂರ್ಣ ಮದಿಮೆ ಜವಳಿ ಅಂಗಡಿ ಆತುಂಡು.

ಉಡುಪಿ ಜಿಲ್ಲಾ ಪೊಲೀಸ್ ವಾರ್ಷಿಕ ಕ್ರೀಡಾಕೂಟ: ಮುಗಿತಲದ ಲೇಸ್

ಒಡಿಪು , ಮಾ.7: ಒಡಿಪು ಜಿಲ್ಲಾ ಪೊಲೀಸ್ ವತಿರ್ದ್ ಮೂಜಿ ದಿನತ ವಾರ್ಷಿಕ ಕ್ರೀಡಾಕೂಟದ ಮುಗಿತಲದ ಲೇಸ್ ಶನಿವಾರ ಉಡುಪಿ ಅಜ್ಜರಕಾಡ್ ಡ್ ಉಪ್ಪುನ ಜಿಲ್ಲಾ ಕ್ರೀಡಾಂಗಣಡ್ ನಡತುಂಡು.

ಮಲ್ಲ ಬಿನ್ನೆರ್ ಆದ್ ಬತ್ತಿನ ಅಪರ ಜಿಲ್ಲಾಧಿಕಾರಿ ಸದಾಶಿವ ಪ್ರಭು ಇನಾಮು ಪಟ್ಟಿಯೆರ್. ಹಗ್ಗಜಗ್ಗಾಟ ಪಂತೋಡು ಒಡಿಪು ಜಿಲ್ಲಾ ಪೊಲೀಸ್ ಕಚೇರಿ ತಂಡ ಸುರುತ್ತ ಬೊಕ್ಕ ಜಿಲ್ಲಾ ಸಶಸ್ತ್ರ ಮೀಸಲು ಪಡೆ ತಂಡ ರಡ್ಡನೇ ಇನಾಮು ಪಡೆಯೆರ್.

ಲೇಸ್ ದ ಗುರ್ಕಾರ್ಮೆನ್ ಒಡಿಪು ಜಿಲ್ಲಾ ಪೊಲೀಸ್ ಅಧೀಕ್ಷಕ ಎನ್.ವಿಷ್ಣುವರ್ಧನ್ ವಹಿಸಿಸ್ ದಿತ್ತೆರ್ . ಹೆಚ್ಚುವರಿ ಪೊಲೀಸ್ ಅಧೀಕ್ಷಕ ಕುಮಾರಚಂದ್ರ ಎದುಕೊಂಡೆರ್. ಉಡುಪಿ ವೃತ್ತ ನಿರೀಕ್ಷಕ ಮಂಜುನಾಥ್ ಸೊಲ್ಮೆ ಸಂದೈತ ಮಲ್ತೆರ್ . ಪೊಲೀಸ್ ಕಂಟ್ರೋಲ್ ರೂಮ್‌ನ ಪಿಎಸ್ಸೈ ಬಿ.ಮನಮೋಹನ್ ರಾವ್ ಲೇಸ್ ದ ನಿರೂಪಣೆ ಮಲ್ತೆರ್ .