ಕಾಪು: ಮೂಡುಮಟ್ಟಾರು ಶ್ರೀ ಬಬ್ಬರ್ಯ ದೈವೊಲ್ಯಡ್ ಜೀರ್ಣೋದ್ಧಾರದ ಲೆಕ್ಕೊಡು ಜ.29 ಸೋಮಾರ (ಇನಿ) ಸಾನ್ನಿಧ್ಯ ಸಂಕೋಚ, ದೈವ ಸಂದರ್ಶನ- ಬಾಲಾಲಯ ಪ್ರತಿಷ್ಠೆ ನಡಪರೆ ಉಂಡು.
ಈ ಲೇಸ್ ಕುತ್ಯಾರು ಕೇಂಜ ಶ್ರೀಧರ ತಂತ್ರಿಲೆನ ಮಾರ್ಗದರ್ಶನಡ್, ವೇ.ಮೂ. ಶಿರ್ವ ರಘಪತಿ ಗುಂಡುಭಟ್ ಮೆರೆನ ಮುತಾಲಿಕೆಡ್ ಸಂಪ್ರದಾಯದಂಚೆನೆ ಸಂಪನ್ನ ಆಪುಂಡು.
ಈ ಲೇಸ್ ಡ್ ಊರುದ ಬೊಕ್ಕ ಪರವೂರುದ ಭಕ್ತೆರ್ ಬತ್ತ್ ದ್, ಶ್ರೀ ಬಬ್ಬರ್ಯ ಪರಿವಾರ ಶಕ್ತಿಲೆನ ಕೃಪೆಗ್ ಪಾತ್ರರಾವೊಡು ಪಂದ್ ಮೂಡುಮಟ್ಟಾರು ಶ್ರೀ ಬಬ್ಬರ್ಯ ದೈವೊಲ್ಯದ ಜೀರ್ಣೋದ್ಧಾರ ಸಮಿತಿದ ಗುರ್ಕಾರೆ ನಿತ್ಯಾನಂದ ಹೆಗ್ಡೆ ನಡಿಬೆಟ್ಟು, ಕಾರ್ಯಾಧ್ಯಕ್ಷೆರ್ ಮಟ್ಟಾರು ರತ್ನಾಕರ ಹೆಗ್ಡೆ, ಆಡಳಿತ ಮೊಕ್ತೇಸರೆರ್ ಭಗವಾನ್ ದಾಸ್ ಶೆಟ್ಟಿ, ಹಳೆಮನೆ, ಪದುಕೆರ್, ಸದಸ್ಯೆರ್ ಬೊಕ್ಕ ಗ್ರಾಮಸ್ಥೆರ್ ಲೆಪ್ಪೋಲೆಡ್ ತೆರಿಪಾದೆರ್.
pallavi shetty