ದುಬೈ ಕರ್ನಾಟಕ ರಾಜ್ಯೊತ್ಸವ -2023 ಪ್ರಶಸ್ತಿ” ಗ್ ಬಾಲಕೃಷ್ಣ ಸಾಲಿಯಾನ್ ಆಯ್ಕೆ

ದುಬೈ :1985ಟ್ ಸ್ಥಾಪನೆ ಆಯಿನ ಕರ್ನಾಟಕ ಸಂಘ ದುಬೈ, ಅನಿವಾಸಿ ಕನ್ನಡಿಗರ ಕ್ಷೇಮಾಭಿವೃದ್ಧಿಗಾದ್ ಸೇವೆ ಮಲ್ತೊಂದು ಬರೊಂದು ಇತ್ತ್ ದ್, ಕಲೆ ಬೊಕ್ಕ ಸಾಂಸ್ಕೃತಿಕ ಕಾರ್ಯಕ್ರಮಲೆನ್ ದುಬೈದ ಕನ್ನಡಿಗೆರೆನ್ ಒಟ್ಟುಗೂಡಿಸಾದ್ ಪ್ರತಿ ವರ್ಷಲ ವಿಜೃಂಭಣೆಡ್ ಆಚರಣೆ ಮಲ್ಪುನ ” ಕರ್ನಾಟಕ ರಾಜ್ಯೋತ್ಸವ” ದ ಅಂಗವಾದ್ ಕೊರ್ಪುನ “ದುಬೈ ಕರ್ನಾಟಕ ರಾಜ್ಯೊತ್ಸವ -2023 ಪ್ರಶಸ್ತಿ” ಗ್ ಈ ಸರ್ತಿ ಬಾಲಕೃಷ್ಣ ಸಾಲಿಯಾನ್ ಆಯ್ಕೆಯಾತೆರ್.

ನ.26 ದಾನಿ ನಡಪುನ 68ನೇ ಕರ್ನಾಟಕ ರಾಜ್ಯೊತ್ಸವ ಕಾರ್ಯಕ್ರಮಡ್ ಬಾಲಕೃಷ್ಣ ಸಾಲಿಯಾನ್ ಮೇರೆಗ್ ಮಾನಾದಿಗೆ ಮಲ್ಪೆರೆ ಉಲ್ಲೆರ್ ಪಂದ್ ದುಬೈ ಕರ್ನಾಟಕ ಸಂಘದ ಗುರ್ಕಾರ್ಲು ಶಶಿಧರ್ ನಾಗರಾಜಪ್ಪ ಬೊಕ್ಕ ಕಾರ್ಯಕಾರಿ ಸಮಿತಿ ಪತ್ರಿಕಾ ಪ್ರಕಟಣೆಡ್ ತೆರಿಪಾದೆರ್.