ಪಂಜ ಕೊಯಿಕುಡೆ ಶ್ರೀ ಚಾಮುಂಡೇಶ್ವರಿ ದೇವಿ ಸನ್ನಿಧಿಡ್ ಚಂಡಿಕಾ ಹೋಮ, ಮಹಾಪೂಜೆ

ಪಂಜ ಕೊಯಿಕುಡೆ: ಶ್ರೀ ಚಾಮುಂಡೇಶ್ವರಿ ದೇವಿ ಸನ್ನಿಧಿಡ್ ಶರನ್ನವರಾತ್ರಿ ಉಚ್ಚಯದ ಲೆಕ್ಕೊಡು ಅ.19 ಗುರುವಾರ ಲಲಿತ ಪಂಚಮಿಗ್ ಚಂಡಿಕಾ ಹೋಮ ಬೊಕ್ಕ ಮಹಾಪೂಜೆ ನಡತ್ಂಡ್.

ವಿದ್ವಾನ್ ಪ್ರಸನ್ನ ತಂತ್ರಿಲೆನ ಮಾರ್ಗದರ್ಶನಡ್ ಪಂಜ ಮಹಾಗಣಪತಿ ಮಂದಿರದ ಅರ್ಚಕೆರ್ ಸುರೇಶ್ ಭಟ್ ಪಂಜ ಬೊಕ್ಕ ಕಾರ್ತಿಕೇಯ ಭಾರ್ಗವ ಮೊಕ್ಲೆನ ಮುತಾಲಿಕೆಡ್ ಪೂಜೆದ ವೈದಿಕ ವಿಧಿ ವಿಧಾನಲು ನಡತ್ಂಡ್. ಮಧ್ಯಾಹ್ನ ದೇವಿನ ದರ್ಶನ ಮಹಾಪೂಜೆ ಬೊಕ್ಕ ಅನ್ನ ಪ್ರಸಾದ ಸೇವೆ ಇತ್ತ್ಂಡ್.

ಈ ಪೊರ್ತುಡು ಚಾಮುಂಡೇಶ್ವರಿ ಸನ್ನಿಧಿದ ಮುಖ್ಯಸ್ಥೆರ್ ಸೀತಾರಾಮ ಆಮೀನ್ ಬೊಕ್ಕ ದೇವಿನ ಭಕ್ತ ವೃಂದದಕುಲು, ಗ್ರಾಮಸ್ಥೆರ್ ಪಾಲ್ ಪಡೆದಿತ್ತೆರ್.