ದೇಶದ ಸುರುತ ರ‍್ಯಾಪಿಡ್ ಎಕ್ಸ್ ಇನಿ ಲೋಕಾರ್ಪಣೆ

ದೆಲ್ಲಿ: ದೇಶದ ಸುರುತ ರ‍್ಯಾಪಿಡ್ ಎಕ್ಸ್ ರೈಲ್ ಸಂಚಾರ ಅ. 20 ದಾನಿ ಸುರು ಆವೆರೆ ಉಂಡು. ವಂದೇ ಭಾರತ್ ರೈಲ್‌ದ ವೇಗಗ್ ಸರಿಸಮನಾದ್ ಪೋಪುನ ನನೊಂಜಿ ಸೆಮಿ ಸ್ಪೀಡ್ ರೈಲ್‌ ಉಂದು ಆತ್‌ಂಡ್. ಪ್ರಧಾನಿ ನರೇಂದ್ರ ಮೋದಿ ಲೋಕಾರ್ಪಣೆ ಮಲ್ಪೆರೆ ಉಲ್ಲೆರ್.‌‌

ಈ ರೈಲ್ ಪ್ರತಿ ಗಂಟೆಗ್ ಸರಾಸರಿ 100 ಕಿ.ಮೀ. ಸ್ಪೀಡ್‌ ಸಂಚಾರ ಮಲ್ಪುಂಡ್. ರ‍್ಯಾಪಿಡ್ ಎಕ್ಸ್ ರೈಲ್‌ದ ಯೋಜನೆನ್ ರಾಷ್ಟ್ರೀಯ ರಾಜಧಾನಿ ಪ್ರಾದೇಶಿಕ ಸಾರಿಗೆ ಸಂಸ್ಥೆ (ಎನ್ಸಿಆರ್ಟಿಸಿ) ಜಾರಿ ಮಲ್ತ್‌ದ್‌ಂಡ್.‌

ಸ್ಟ್ಯಾಂಡರ್ಡ್ ಕೋಚ್‌ಲೆಗ್ ಕನಿಷ್ಠ ದರ 20 ರೂ. ಬೊಕ್ಕ ಗರಿಷ್ಠ 50 ರೂ. ಪ್ರೀಮಿಯಂ ಕೋಚ್‌ಲೆಗ್ ಕನಿಷ್ಠ ದರ 40 ರೂ. ಬೊಕ್ಕ ಗರಿಷ್ಠ 100 ರೂ. ಈ ರೈಲ್‌ ಕಾಂಡೆ 6 ರ್ದ್‌ ರಾತ್ರೆ 11 ಮುಟ್ಟ ಕಾರ್ಯಾಚರಣೆ ಮಲ್ಪುಂಡ್. ಪ್ರತಿ 15 ನಿಮಿಷಗ್ ಒಂಜಿ ರೈಲ್‌ ಸಂಚಾರ ಮಲ್ಪೆರೆ ಉಂಡು.