ಮುಲ್ಕಿ : ಸಮಾಜ ಸರಿಯಾಯಿನ ಸಾದಿಡ್ ನಡಪೊಡು. ಜೋಕುಲೆನ ಭವಿಷ್ಯ ಹಾಳ್ ಮಲ್ಪುನ ಮಾದಕವಸ್ತು ಬೊಕ್ಕ ಬೊಡ್ಚಾಂದಿನ ಚಟುವಟಿಕೆನ್ ತಡೆಪರೆ ಮಾತೆರ್ಲ ಸಹಕಾರ ಕೊರೊಡು ಪಂದ್ ಮುಲ್ಕಿ ಪೊಲೀಸ್ ಠಾಣೆದ ಇನ್ಸ್ ಪೆಕ್ಟರ್ ವಿದ್ಯಾಧರ್ ಡಿ. ಬೈಕೇರಿಕರ್ ತೆರಿಪಾಯೆರ್.
ಆರ್ ಮುಲ್ಕಿ ಹಿಂದೂ ಯುವ ಸೇನೆ ಬೊಕ್ಕ ಮಹಿಳಾ ಮಂಡಳಿದ ನಿರೆಲ್ಡ್ ಮುಲ್ಕಿದ ಶಿವಾಜಿ ಮಂಟಪಡ್ ಗುರುವಾರದಾನಿ 25 ನೇ ವರ್ಷದ ಬೊಳ್ಳಿ ಪರ್ಬದ ಶಾರದಾ ಮಹೋತ್ಸವದ ಮೂರ್ತಿ ಪ್ರತಿಷ್ಠಾಪನೆ ಲೇಸ್ ರ್ದ್ ಬೊಕ್ಕ ಭಗವಾಧ್ವಜ ಉದಿಪನ ಮಲ್ತ್ ದ್ ಪಾತೆರಿಯೆರ್.
ಡಾ. ಅರುಣ್ ಕುಡ್ವ ಅಧ್ಯಕ್ಷತೆ ಒಯಿಸ್ ದಿತ್ತೆರ್. ಮಲ್ಲ ಬಿನ್ನೆರಾದ್ ಮುಲ್ಕಿ ಅರಸು ಕಂಬುಲ ಸಮಿತಿ ದ ಅಧ್ಯಕ್ಷೆರ್ ಕೊಲ್ನಾಡುಗುತ್ತು ಕಿರಣ್ ಶೆಟ್ಟಿ, ಉದ್ಯಮಿ ಬೊಕ್ಕ ದಾನಿಲಾಯಿನ ಪ್ರಕಾಶ್ ಶೆಣೈ, ಪ್ರಭೋದ್ ಕುಡ್ವ, ಹಿಂದೂ ಯುವ ಸೇನೆ ಮುಲ್ಕಿ ಘಟಕದ ಅಧ್ಯಕ್ಷೆರ್ ದಿನೇಶ್ ಕೊಲ್ನಾಡ್, ಮಹಿಳಾ ಮಂಡಳಿದ ಅಧ್ಯಕ್ಷೆರ್ ಲತಾ ಶೇಖರ್ ಮಿತ್ತರ್ಮೆಡ್ ಇತ್ತೆರ್.
ಈ ಪೊರ್ತುಡು ನಾಗಸ್ವರ ವಾದಕೆರ್ ನಾಗೇಶ್ ಎ. ಬಪ್ಪನಾಡು ಮೆರೆಗ್ ಮಾನಾದಿಗೆ ನಡತ್ಂಡ್. ಶಂಕರ್ ಭಟ್ ಪ್ರಾರ್ಥನೆ ಮಲ್ತೆರ್.
ದಿನೇಶ್ ಕೊಲ್ನಾಡ್ ಪ್ರಸ್ತಾವಿಕವಾದ್ ಪಾತೆರ್ದ್ ಬಿನ್ನೆರೆನ್ ಎದ್ಕೊಂಡೆರ್. ಹರ್ಷರಾಜ್ ಶೆಟ್ಟಿ ಸೊಲ್ಮೆ ಸಂದಾಯೆರ್. ಶಿವಶಂಕರ್ ನಿರೂಪಣೆ ಮಲ್ತೆರ್. ಅವರ್ದ್ ಬೊಕ್ಕ ಮಾತೃ ಮಂಡಳಿ ಬಪ್ಪನಾಡು ಮೊಕ್ಲೆರ್ದ್ ಭಜನಾ ಸೇವೆ ನಡತ್ಂಡ್.
pallavi shetty