ರಾತ್ರೆ ಪುಲ್ಯ ಆವೊಡ್ಡ ಪರಶುರಾಮನ ಮೂರ್ತಿ ಮಾಯಿಕ!

ಕಾರ್ಲ: ಪರಶುರಾಮ ಥೀಮ್ ಪಾರ್ಕ್‌ಡ್‌ ಇತ್ತಿನ ಪರಶುರಾಮನ ಮೂರ್ತಿ ರಾತ್ರೊ ರಾತ್ರೆ ನಾಪತ್ತೆ ಆತ್‌ಂಡ್‌ ತೆರಿದ್‌ ಬೈದ್ಂಡ್.  ಈ ಮೂರ್ತಿದ ಬಗೆಟ್ಟ್‌ ಕೆಲ ದಿನರ್ದ್‌ ಚರ್ಚೆ ನಡತೊಂದು ಇತ್ತ್‌ದ್‌, ಕಂಚಿದ ಮೂರ್ತಿ ಪಂದ್‌ ಜನಕ್ಲೆಗ್‌ ಡೋಂಗಿ ಮಲ್ತ್‌ದ್‌ ಇಂಚೊಗು ಪರಶುರಾಮನ ಕೊಡಲಿದ ನಡುಟ್ಟು ಅದ್ ರ್ ಬುಡ್ದು ಜನಕ್ಕುಲ್‌ ಆತಂಕಗ್‌ ಬೂರ್ದ್‌ ಇತ್ತೆರ್.‌
ಕೋಟಿ ಕೋಟಿ ರೂಪಾಯಿ ಖರ್ಚ್‌ ಮಲ್ತ್‌ದ್‌ ಈ ಪ್ರತಿಮೆ ತಯಾರ್‌ ಮಲ್ತ್ ದಿನವು ನಷ್ಟ ಆಂಡ್ ಪಂದ್ ಜನಕುಲು ಪನೊಂದಿತ್ತೆರ್. ಇತ್ತೆ ರಾತ್ರೊ ರಾತ್ರೆ ಈ ಪ್ರತಿಮೆ ನಾಪತ್ತೆ ಆದ್‌, ನೆಟ್ಟ್‌ ವಂಚನೆ ಆತಿನ ನಿಜ ಪಂದ್‌ ಅಲ್ಪದ ಜನಕ್ಕುಲ್‌ ಬೆಚ್ಚ ಆತೆರ್. ಪರಶುರಾಮೆರ್ನ ನಿಜ ಕಂಚಿದ ಪ್ರತಿಮೆ ಆಪುನೆಟ್ಟ ಎಂಕುಲ್‌ ಪೊರ್ಂಬಾಟ ಮಲ್ಪುವ ಪಂದ್‌ ಸಾರ್ವಜನಿಕೆರ್‌ ತೆರಿಪಾದೆರ್.