ಕುಡ್ಲ : 262 ರೌಡಿಶೀಟರ್ ನಕ್ಲೆಗ್ ಕಮಿಷನರ್ ಕ್ಲಾಸ್!

ಕುಡ್ಲ: ಕುಡ್ಲ ನಗರ ಕಮಿಷನರೇಟ್ ಸೀಮೆದ 262 ಆ್ಯಕ್ಟಿವ್ ರೌಡಿಲೆನ್ ಪೇಂಟೆದ ಪೊಲೀಸ್ ಕವಾಯತು ಮೈದಾನೊಡು ಗುರುವಾರ ಪರೇಡ್ ಮನ್ಪಾಯೆರ್. ನಡು ಕುಡ್ಲ , ಬಡೆಕಾಯಿ ಕುಡ್ಲ, ತೆನ್ಕಾಯಿ ಕುಡ್ಲ ಉಪವಿಭಾಗೊದ ಎಸಿಪಿಲು ರೌಡಿಲೆನ್ ಪೊಲೀಸ್ ಆಯುಕ್ತೆ ಅನುಪಮ್ ಅಗರ್ವಾಲ್‌ರೆನ ಎದುರು ಕನತ್ ಉಂತಾಯೆರ್.
ರೌಡಿಲೆನ ಅಪರಾಧ, ಇತ್ತೆದ ಸ್ಥಿತಿಗತಿಲೆನ ಬಗೆಟ್ ತಾನೇ ಉಂತುದು ವಿಚಾರಣೆ ಮಲ್ತಿನ ಆಯುಕ್ತೆರ್ ನನದ ದಿನೊಕ್ಲೆಡ್ ಒವ್ವೇ ಅಪರಾಧ ಚಟುವಟಿಕೆಲೆಡ್ ಪಾಲ್‌ಗೆತೊನಿಯೆರೆ ಬಲ್ಲಿ. ಕಾನೂನುಗು ಮರ್ಯಾದಿ ಕೊರ್ಪುನ ಪ್ರಜೆಕುಲಾವೊಡು. ನನ ದುಂಬಗ್ ಒವ್ವಾಂಡಲಾ ಅಪರಾಧ ಚಟುವಟಿಕೆಲೆಗ್ ಕೈ ಪಾಡ್ಂಡ ಕಠಿಣ ಕ್ರಮ ಗೆತೊನುವ ಪಂದ್ ಪೊಲೀಸ್ ಆಯುಕ್ತೆರ್ ಎಚ್ಚರ್ಗೆ ಕೊರ್ಯೆರ್. ಈ ಪೊರ್ತುಡು ಡಿಸಿಪಿಲಾಯಿನ ಸಿದ್ದಾರ್ಥ ಗೋಯಲ್, ಬಿಪಿ ದಿನೇಶ್ ಕುಮಾರ್ ಅಂಚೆನೇ ಬೇತೆ ಅಧಿಕಾರಿಲು ಇತ್ತೆರ್.