ಶ್ರೀ ಕ್ಷೇತ್ರ ಗೆಜ್ಜೆಗಿರಿಟ್ಟ್ ಮಾರ್ನೆಮಿ ಉಚ್ಚಯ ಅ.15-24 ಮುಟ್ಟ ನಡಪರೆ ಉಂಡು.
ಅ.15 ಕ್ಕ್ ಬೊಲ್ಪುಗು ಗಣಪತಿ ಹೋಮ, ಕುರಲ್ ಕಟ್ಟುನ ಮುಖೇನ ಮಾರ್ನೆಮಿ ಉಚ್ಚಯ ಬೇತೆ ಬೇತೆ ಧಾರ್ಮಿಕ ಸಾಂಪ್ರದಾಯಿಕ ವಿಧಿ ವಿಧಾನದೊಟ್ಟಿಗೆ ಸುರು ಆಪುಂಡು.
ಅಂಚೆನೆ ಪ್ರತಿದಿನೊಲ ದೇಯಿ ಬೈದೆತಿಗ್ ಇಸೇಸ ಅಲಂಕಾರ ಪೂಜೆ, ಬೊಕ್ಕ ಬೇತೆ ಬೇತೆ ಭಜನಾ ಕೂಟದಕ್ಲೆರ್ದ್ ಭಜನಾ ಸಂಕೀರ್ತನೆ ನಡಪರೆ ಉಂಡು. ಬೊಕ್ಕ ಮಧ್ಯಾಹ್ನ ಪುಷ್ಪಾಲಂಕಾರ ಮಹಾಪೂಜೆ ಆದ್ ನುಪ್ಪು ಪ್ರಸಾದ ಸೇವೆ ನಡಪುಂಡು.
ಅ.24 ಅಂಗಾರೆ ವಿಜಯ ದಶಮಿದ ಪರ್ವ ದಿನ ಆತ್ಂಡ್. ಆನಿ ಸರಸ್ವತಿ ಪೂಜೆ ಬೊಕ್ಕ ಬೊಲ್ಪುರ್ದ್ ಮಧ್ಯಾಹ್ನ ಮುಟ್ಟ ಎಲ್ಯ ಜೋಕುಲೆಗ್ ಅಕ್ಷರಾಭ್ಯಾಸ ನಡಪರೆ ಉಂಡು. ಶ್ರೀ ಕ್ಷೇತ್ರ ಗೆಜ್ಜೆಗಿರಿತ್ತ ಮಾರ್ನೆಮಿ ಉಚ್ಚಯಗ್ ಭಕ್ತಾದಿಲು ಎಚ್ಚದ ಸಂಖ್ಯೆಡ್ ಪಾಲ್ ಪಡೆದ್ ದೇಯಿ ಬೈದೆತಿ ಬೊಕ್ಕ ಸರ್ವಶಕ್ತಿಲೆನ ಕೃಪೆಗ್ ಪಾತ್ರರಾವೊಡು ಪಂದ್ ಗೆಜ್ಜೆಗಿರಿ ಕ್ಷೇತ್ರಾಡಳಿತ ಸಮಿತಿದ ಗುರ್ಕಾರೆ ಪೀತಾಂಬರ ಹೆರಾಜೆ ಪತ್ರಿಕಾ ಪ್ರಕಟಣೆಡ್ ತೆರಿಪಾದೆರ್.
pallavi shetty