ಅ.15-24: ಕೊಲ್ಲೂರು ಶ್ರೀ ಮೂಕಾಂಬಿಕಾ ದೇವಲ್ಯಡ್ ಮಾರ್ನೆಮಿ ಉಚ್ಚಯ

ಕೊಲ್ಲೂರು ಶ್ರೀ ಮೂಕಾಂಬಿಕಾ ದೇವಲ್ಯಡ್ ಅ.15-24 ಮುಟ್ಟ ಮಾರ್ನೆಮಿ ಉಚ್ಚಯ ನಡಪರೆ ಉಂಡು.

ಅಂಚೆನೆ ದೇವೆರೆನ ದರ್ಶನ, ಸೇವೆ ಪ್ರಸಾದ ಪಟ್ಟುನ ಲೇಸ್,ನುಪ್ಪು ಪ್ರಸಾದ, ವೈದ್ಯಕೀಯ ಚಿಕಿತ್ಸೆ ಶುದ್ಧ ಪರ್ಪಿನ ನೀರ್ ದ ಪೂರೈಕೆ ಬೊಕ್ಕ ಭದ್ರತಾ ವ್ಯವಸ್ಥೆನ್ ಮಲ್ದೆರ್.

ಅ.23 ಮಹಾನವಮಿ ದಾನಿ ಬೊಲ್ಪುಗು ಚಂಡಿಕಾಯಾಗ, ಮಧ್ಯಾಹ್ನ ತೇರ್ ಒಯಿಪೆರೆ ಉಂಡು.

ಅ.24 ವಿಜಯ ದಶಮಿದಾನಿ ವಿದ್ಯಾರಂಭ, ನವಾನ್ನಪ್ರಾಶನ ನಡಪರೆ ಉಂಡು. ಮಾರ್ನೆಮಿ ಉಚ್ಚಯಡ್ ಭಕ್ತೆರ್ ಪಾಲ್ ಪಡೆದ್ ದೇವಿನ ಕೃಪೆಗ್ ಪಾತ್ರರಾವೊಡು ಪಂದ್ ದೇವಲ್ಯದ ವ್ಯವಸ್ಥಾಪನಾ ಸಮಿತಿದ ಗುರ್ಕಾರೆ ಕೆರಾಡಿ ಚಂದ್ರಶೇಖರ ಶೆಟ್ಟಿ ತೆರಿಪಾದೆರ್‌.