ಶ್ರೀರಾಮ ಪ್ರಕಾಶನ ಮಂಡ್ಯ ಬೊಕ್ಕ ಸಾಹಿತ್ಯ ಸುಗ್ಗಿ ಬೆಂಗ್ಲೂರ್ ಪ್ರಕಟ ಮಲ್ತಿನ ಸಾಹಿತಿ ಪತ್ರಕರ್ತೆ ಶ್ರೀನಿವಾಸ ಜೋಕಟ್ಟೆ ಮೆರೆನ ರಡ್ಡ್ ಬೂಕುಲೆನ ಬುಡುಗಡೆ ಲೇಸ್ ಅ.8 ಐತಾರ ಬಯ್ಯಗ್ ಮೈಸೂರ್ ಅಸೋಸಿಯೇಷನ್ ಡ್ ನಡಪರೆ ಉಂಡು.
ಮೆರೆನ 40ನೇ ಕೃತಿ ದೇವರುಗಳ ನ್ಯಾಯಾಲಯ ಮತ್ತು ಸ್ಮಶಾನದಲ್ಲಿ ನೃತ್ಯ ಬೊಕ್ಕ 41 ನೇ ಕೃತಿ ಎಲ್ಲಿಗೋ ಪಯಣ ಯಾವುದೋ ದಾರಿ ಪನ್ಪುನ ಬೂಕು ರಡ್ಡ್ ಬುಡುಗಡೆ ಆಪುಂಡು.
ಈ ಲೇಸ್ ದ ಗುರ್ಕಾರ್ಮೆನ್ ಬೊಂಬೈ ಬಿಎಸ್ ಕೆ ಬಿ ಅಸೋಸಿಯೇಷನ್ ದ ಗುರ್ಕಾರೆ ಡಾ.ಸುರೇಶ್ ರಾವ್ ಒಯಿಸೊನ್ವೆರ್. ಸಾಫಲ್ಯ ಸೇವಾ ಸಂಘದ ಗುರ್ಕಾರೆ ಶ್ರೀನಿವಾಸ ಸಾಫಲ್ಯ ಬೊಕ್ಕ ಹೈಕೋರ್ಟ್ ದ ಪುಗರ್ತೆದ ಅಡ್ವಕೇಟ್ ಆರ್ ಎಂ ಭಂಡಾರಿ ಮೊಕುಲು ಬೂಕು ಬುಡುಗಡೆ ಮಲ್ಪುವೆರ್.
ಮಲ್ಲ ಬಿನ್ನೆರಾದ್ ಐಐಟಿಸಿದ ಆಡಳಿತ ನಿರ್ದೇಶಕೆರ್ ವಿಕ್ರಾಂತ್ ಉರ್ವಲ್ ಪಾಲ್ ಪಡೆಯೆರೆ ಉಲ್ಲೆರ್. ಕೃತಿಲೆನ ಬಗೆಟ್ಟ್ ಕರ್ನಾಟಕ ಸಂಘದ ಗುರ್ಕಾರೆ ಡಾ.ಭರತ್ ಕುಮಾರ್ ಪೊಲಿಪು, ಯುವ ಲೇಖಕಿ ರೂಪಾ ಸಂಗೋಳಿ ಪೊಲಬು ಕೊರಿಯೆರೆ ಉಲ್ಲೆರ್. ಪುಗರ್ತೆದ ಕಲಾವಿದೆರ್ ಅವಿನಾಶ್ ಕಾಮತ್ ಬೊಕ್ಕ ಸುರೇಂದ್ರ ಮಾರ್ನಾಡ್ ಲೇಸ್ ನ್ ಸುಧಾರಿಕೆ ಮಲ್ಪುವೆರ್.
Editorial