ಹಳೆಯಂಗಡಿ: ಕಾಂಗ್ರೆಸ್ ಪಕ್ಷದ ಕಾರ್ಯಕರ್ತೆರೆನ ಶ್ರಮರ್ದ್ ರಾಜ್ಯಡ್ ಕಾಂಗ್ರೆಸ್ ಸರಕಾರ ಅಧಿಕಾರಗ್ ಬೈದ್ಂಡ್. ನನ ಸ್ಥಳೀಯಾಡಳಿತ ಓಟು ಬೊಕ್ಕ ತಾಲೂಕ್ ಪಂಚಾಯತ್ ಜಿಲ್ಲಾ ಪಂಚಾಯತ್ ಓಟು ಆಯಿನಾತ್ ಬೇಗಡೇ ನಡಪರೆ ಇಪ್ಪುನೆರ್ದಾವರ ಕಾರ್ಯಕರ್ತೆರ್ ಸರ್ಕಾರದ ಮಾತ ಯೋಜನೆಲೆನ್ ಇಲ್ಲ ಇಲ್ಲಗ್ ಎತ್ತಾದ್ ವೋಟುದ ತಯಾರಿ ಮಲ್ಪೊಡು ಪಂದ್ ಮಾಜಿ ಸಚಿವೆರ್ ಕೆ. ಅಭಯಚಂದ್ರ ಜೈನ್ ಪಂಡೆರ್.
ಮೇರ್ ಮುಲ್ಕಿ ಬ್ಲಾಕ್ ಕಾಂಗ್ರೆಸ್ ಕಚೇರಿಡ್ ನಡತಿನ ರಾಜೀವ್ ಗಾಂಧಿ ಪಂಚಾಯತ್ ರಾಜ್ ಸಂಘಟನೆದ ಪದಾಧಿಕಾರಿಲೆನ ಬೊಕ್ಕ ನಾಯಕೆರೆನ ಸಭೆಟ್ಟ್ ಪಾತೆರಿಯೆರ್.
ಮುಲ್ಕಿ ಬ್ಲಾಕ್ ಕಾಂಗ್ರೆಸ್ ಗುರ್ಕಾರೆ ಮೋಹನ್ ಕೋಟ್ಯಾನ್ ಲೇಸ್ ದ ಗುರ್ಕಾರ್ಮೆನ್ ಒಯಿಸ್ ದಿತ್ತೆರ್. ಕೆಪಿಸಿಸಿ ಸದಸ್ಯೆರ್ ವಸಂತ ಬೆರ್ನಾಡ್ ಪ್ರಾಸ್ತಾವಿಕವಾದ್ ಪಾತೆರಿಯೆರ್.
ಈ ಪೊರ್ತುಡು ರಾಜೀವ್ ಗಾಂಧಿ ಪಂಚಾಯತ್ ರಾಜ್ ಸಂಘಟನೆದ ಉಲ್ಲಾಸ್ ಶೆಟ್ಟಿ, ಕಿಲ್ಪಾಡಿ ಪಂಚಾಯತ್ ಮಾಜಿ ಉಪಾಧ್ಯಕ್ಷೆರ್ ಗೋಪಿನಾಥ ಪಡಂಗ, ಯುವ ಕಾಂಗ್ರೆಸ್ ಗುರ್ಕಾರೆ ಅಶೋಕ್ ಪೂಜಾರ್, ಬ್ಲಾಕ್ ಪ್ರಧಾನ ಕಾರ್ಯದರ್ಶಿ ಮಂಜುನಾಥ ಕಂಬಾರ, ಸೂರಿಂಜೆ ಪಂಚಾಯತ್ ಗುರ್ಕಾರ್ದಿ ಗೀತಾ ಶೆಟ್ಟಿ, ಎಕ್ಕಾರು ಮೋನಪ್ಪ ಶೆಟ್ಟಿ, ಯೋಗೀಶ್ ಕೋಟ್ಯಾನ್ ಪಾಲ್ ಪಡೆದಿತ್ತೆರ್.
pallavi shetty