ಕಲ್ಯಾಣ್: ತುಳುನಾಡ ತುಳುವೆರ್, ಕಲ್ಯಾಣ್ ನೆತ್ತ ಮುತಾಲಿಕೆಡ್ ಆಟಿಡೊಂಜಿ ದಿನ “ಪಗೆಲ್ಡ್ ಅಗೆಲ್” ಲೇಸ್ ಜು.26 ಬುಧವಾರ ಸಂಸ್ಥೆದ ಸಂಸ್ಥಾಪಕೆರ್ ಅಶೋಕ್ ಎಲ್. ಪೂಜಾರಿ ಉಳ್ಯಗುತ್ತು ಪಂಜ ಕೊಯಿಕುಡೆ ಮೆರೆನ “ಮನಸು ಮತ್ತು ಕನಸು” ಪುದರ್ ದ ಇಲ್ಲಡ್ ನಡತ್ಂಡ್.
ಈ ಲೇಸ್ ಸದಸ್ಯೆರೆನ ಪ್ರಾರ್ತನೆದೊಟ್ಟಿಗೆ ಸಂಸ್ಥಾಪಕೆರ್ ಬೊಕ್ಕ ಸಂಸ್ಥಾಪಕ ಸದಸ್ಯೆರ್ ಮಾತ ತುಡರ್ ಅರ್ಲಾದ್ ಉದಿಪನ ಮಲ್ತೆರ್.
ರೇಖಾ ಶೆಟ್ಟಿ ಮೆರೆರ್ದ್ ಆಟಿ ಕಳಂಜೆ, ಉಮಾ ಶೆಟ್ಟಿ, ದೇವಕಿ ಪೂಜಾರಿ ಮಾದಿರದಕುಲಾದ್ ಬೊಕ್ಕ ಯಮುನ ಕುಲಾಲ್ ಕೊರತಿಯಾದ್ ಜನಪದ ಪದ್ಯಗ್ ನಲಿತೆರ್.
ಈ ಪೊರ್ತುಡು ಉಮಾ ಶೆಟ್ಟಿ ಮೆರೆಗ್ ಶಾಲ್ ಪಾಡ್ದ್ ಫಲ ಪುಷ್ಪ ಕೊರ್ದು ಮಾನಾದಿಗೆ ಮಲ್ತೆರ್. ಬೊಕ್ಕ ಸದಸ್ಯೆರ್ ಮಲ್ತಿನ 18 ಬಗೆತ್ತ ತಿಂಡಿ ತೆನಸ್ ನ್ ಪ್ರದರ್ಶನ ಮಲ್ತ್ ದ್ ಮಾತೆರೆಗ್ಲಾ ಬಲಸಿಯೆರ್.
ಈ ಲೇಸ್ ದ ಯಶಸ್ವಿಗಾದ್ ಪ್ರಭಾವತಿ ಸುವರ್ಣ, ರೇಖಾ ಶೆಟ್ಟಿ, ಉಮಾ ಶೆಟ್ಟಿ, ಅಂಜನಾ ಪೂಜಾರಿ, ದಯಾವತಿ ಸುವರ್ಣ, ದೇವಕಿ ಪೂಜಾರಿ, ಯಮುನ ಕುಲಾಲ್, ಭವಾನಿ ಪೂಜಾರಿ, ಪ್ರೀತಿ ಸುವರ್ಣ ಬೊಕ್ಕ ರಾಮಚಂದ್ರ ಸುವರ್ಣೆರ್ ಸಹಕಾರ ಮಲ್ತೆರ್. ಅಶೋಕ್ ಎಲ್. ಪೂಜಾರಿ ಮೇರ್ ಸೊಲ್ಮೆ ಸಂದಾಯೆರ್.
pallavi shetty