ಕುಕ್ಕೆ: ಕುಮಾರಧಾರ ತುದೆಟ್ಟ್ ಬೊಲ್ಲ: ಸುಬ್ರಹ್ಮಣ್ಯ- ಮಂಜೇಶ್ವರ ರಾಜ್ಯ ಮಾರ್ಗ ಬಂದ್

ಕುಕ್ಕೆ ಸುಬ್ರಹ್ಮಣ್ಯ: ಸುಬ್ರಹ್ಮಣ್ಯ ಪರಿಸರ ಸೇರಿನಂಚೆನೆ ಘಟ್ಟ ಪ್ರದೇಶಡ್ ಭಾರೀ ಬರ್ಸ ಬೈದ್ಂಡ್.

ಸನಿಯಾರರ್ದ್ ಐತಾರ ಬೊಲ್ಪು ಮುಟ್ಟ ಬತ್ತಿನ ಭಾರೀ ಬರ್ಸಗ್ ಕುಮಾರಧಾರ ತುದೆ ನೀರ್ ರ್ದ್ ದಿಂಜಿದ್ಂಡ್.

ನೇರ್ದಾವೆರ ಕುಮಾರಧಾರಾ ಸ್ನಾನಘಟ್ಟ ಮುರ್ಕುದುಂಡು. ಅತ್ತಂದೆ ಲಗೇಜ್ ಕೋಣೆ, ಶೌಚಾಲಯ ಸೇರಿನಂಚೆನೆ ಮಾತಲ ಮುರ್ಕುದುಂಡು. ಕುಮಾರಧಾರದ ಉಪನದಿ ದರ್ಪಣತೀರ್ಥಡ್ ನೀರ್ ದಿಂಜಿದ್ ಮಂಜೇಶ್ವರ- ಸುಬ್ರಹ್ಮಣ್ಯ ರಾಜ್ಯ ಮಾರ್ಗಗ್ ಬೈದ್ಂಡ್. ನೆರ್ದ್ ಮಾರ್ಗಡ್ ಗಾಡಿ ಸಂಚಾರಗ್ ತೊಂದರೆ ಆತ್ಂಡ್.

ಕೃಷಿ ತೋಟಗ್ ನೀರ್ ಬತ್ತ್ ದ್, ಸುಬ್ರಹ್ಮಣ್ಯ, ಕೊಲ್ಲಮೊಗು, ಬಿಸಿಲೆ, ಅಡ್ಡಹೊಳೆ, ಸೋಮಾರಪೇಟೆಡ್ ಭಾರೀ ಬರ್ಸದಾವೆರ ಕುಮಾರಧಾರಾ ತುದೆಟ್ಟ್ ನೀರ್ ದ ಮಟ್ಟ ಎಚ್ಚಾತ್ಂಡ್. ಅಂಚಾದ್ ತುದೆತ್ತ ಬರಿಕ್ಕ್ ಪೋಯೆರೆ ಬಲ್ಲಿ ಪಂದ್ ದೇವಲ್ಯದ ಭಕ್ತೆರೆಗ್ ಸೂಚನೆ ಕೊರ್ತೆರ್. ಮುಲ್ಪ ಪೊಲೀಸೆರೆನ್, ಗೃಹರಕ್ಷಕ ದಳರ್ದ್ ಸ್ನಾನ ಘಟ್ಟ ಮುಟ್ಟ ಕಾವಲ್ ಉಂತಾದೆರ್. ಗೃಹರಕ್ಷಕ, ಎಸ್‌ಡಿಆರ್‌ಎಫ್ ಕೂಟನ್ ಆಯೋಜನೆ ಮಲ್ದೆರ್.