ಶಬರಿಮಲೆತ್ತ ಇತಿಹಾಸಡೇ ಸುರುತ್ತ ಸರ್ತಿ ನಡತ್ಂಡ್ ಯಕ್ಷಗಾನ

ಕುಡ್ಲ: ಇತಿಹಾಸಡೇ ಸುರುತ್ತ ಸರ್ತಿ ದೇವರನಾಡು ಕೇರಳದ ಪುಣ್ಯ ಕ್ಷೇತ್ರ ಶಬರಿಮಲೆ ಅಯ್ಯಪ್ಪ ಸ್ವಾಮಿ ದೇವೆರೆನ ಸನ್ನಿಧಿಡ್ ಜುಲೈ 19 ಗ್ ಯಕ್ಷಗಾನ ನಡತ್ಂಡ್.

ತೆಂಕುತಿಟ್ಟ್‌ದ ಪುಗರ್ತೆದ ಮೇಳಡ್ ಒಂಜಾಯಿನ ಬಪ್ಪನಾಡು ಶ್ರೀ ದುರ್ಗಾಪರಮೇಶ್ವರಿ ದಶಾವತಾರ ಯಕ್ಷಗಾನ ಮಂಡಳಿ ಮೂಲ್ಕಿ ಬೊಕ್ಕ ಯಕ್ಷ ತೆಲಿಕೆ ತಂಡದ ಕಲಾವಿದೆರ್ ಅಂಚನೆ ಪುಗರ್ತೆದ ಹಾಸ್ಯ ಕಲಾವಿದೆರ್ ದಿನೇಶ್ ಕೋಡಪದವು ಮೊಕಲೆನ ಸಂಯೋಜನೆಡ್ “ಕ್ಷೇತ್ರಪಾಲ ಉದ್ಧರಣ” ಪನ್ಪಿನ ಯಕ್ಷಗಾನ ಪ್ರದರ್ಶನ ಆಂಡ್.

ಹಿಮ್ಮೇಳಡ್ ಭಾಗವತೆರ್ ಆದ್ ಧೀರಜ್ ರೈ ಸಂಪಾಜೆ, ಮದ್ದಳೆಡ್ ರೋಹಿತ್ ಉಚ್ಚಿಲ, ಚೆಂಡೆಡ್ ಜಿತೇಶ್ ಕೋಳ್ಯೂರು ಇತ್ತೆರ್.