ಮುಲ್ಕಿ : ಸಸಿಹಿತ್ಲು ಬೀಚ್, ಸಸಿಹಿತ್ಲು ಶ್ರೀ ಭಗವತಿ ದೇವಸ್ಥಾನ,ಪೊಯ್ಯೆದಗುಡ್ಡೆ ಶ್ರೀ ಉಮಾಮಹೇಶ್ವರಿ ದೇವಸ್ಥಾನ,ಚಿತ್ರಾಪು, ಕಲ್ಲಸಂಕ, ಪಡುಬೈಲ್ ಕೋರ್ದಬ್ಬು ದೈವಸ್ಥಾನ, ಮಂತ್ರ ಸರ್ಫಿಂಗ್ ಕೊಳಚಿಕಂಬಳ ಬೊಕ್ಕ ಬಪ್ಪನಾಡು ಶ್ರೀ ದುರ್ಗಾಪರಮೇಶ್ವರಿ ದೇವಸ್ಥಾನ ಮುಟ್ಟ ಟೂರಿಸಂ ಕಾರಿಡಾರ್ ಮಲ್ಪರೆ ಸಮಾಜಸೇವಕೆರ್, ಆರ್ಕಿಟೆಕ್ಟ್ ಜೀವನ್ ಕೆ.ಶೆಟ್ಟಿ ಸರ್ಕಾರೊಗು ಕುಡೊರ ಬಿನ್ನಾಪು ಮಲ್ದೆರ್.
ಈ ವಿಚಾರೊಡು ಇಂಚೊಗು ವಿಧಾನಸಭೆ ಅಧಿವೇಶನೊಡು ಮುಲ್ಕಿ ತಾಲೂಕುದ ಪ್ರವಾಸೋದ್ಯಮ ಅಭಿವೃದ್ಧಿ ದ ಬಗೆಟ್ಟ್ ಪ್ರಶ್ನೆ ಮಲ್ತ್ ದಿನ ಮುಲ್ಕಿ ಬೆದ್ರ ಶಾಸಕೆರ್ ಉಮಾನಾಥ ಕೋಟ್ಯಾನ್ ಅಂಚೆನೆ ಆ ಪ್ರಶ್ನೆಗ್ ಸೂಕ್ತ ಸ್ಪಂದನೆ ಕೊರ್ದು ಬಜೆಟ್ ಡ್ ಅನುದಾನ ಬುಡುಗಡೆ ಮಲ್ತಿನ ಸಿಎಂ ಸಿದ್ದರಾಮಯ್ಯೆರ್ ಅಂಚೆನೆ ಪ್ರಿಯಾಂಕ್ ಖರ್ಗೆ, ಪ್ರವಾಸೋದ್ಯಮ ಸಚಿವೆರ್ ಎಚ್. ಕೆ.ಪಾಟೀಲ್ ರೆಗ್ ಜೀವನ್ ಕೆ. ಶೆಟ್ಟಿ ಮೇರ್ ಅಭಿನಂದನೆ ಸಂದಾದೆರ್.
ಸಸಿಹಿತ್ಲು-ಬಪ್ಪನಾಡು ಪ್ರವಾಸಿ ಕಾರಿಡಾರ್ ಯೋಜನೆ ಮಲ್ಪೊಡು ಪಂದ್ ನೆರ್ದ್ ದುಂಬುಲ ಪ್ರವಾಸೋದ್ಯಮ ಸಚಿವೆರ್ನ ಮುಕೇನ ಇಲಾಖೆ ಗ್ ಬಿನ್ನಾಪು ಮಲ್ದಿತ್ತೆರ್.
pallavi shetty