ಪಡ್ಡೆದ್ರ: ಆಟಿ ಅಮಾಸೆದ ದಿನತ್ತಾನಿ ಪಾಲೆ ಮರತ್ತ ಕೆತ್ತೆನ್ ಪುಲ್ಯಕಾಂಡೆ ಪೋದು ಕಲ್ಲ್ ಡ್ ಕೆತ್ ದ್ ಕನತ್ ದ್ ಮಿತ್ತ್ ದ ಚೋಲಿನ್ ಪೆರೆಸ್ ದ್, ಗುದ್ದುದು ರಸ ದೆತ್ತ್ ದ್ ಬೊಕ್ಕ ಬೊಳ್ಳುಳ್ಳಿ, ಎಡ್ಡೆಮುಂಚಿ, ಹೋಮ ಸೇರ್ಪಾದ್ ಅವೆನ್ ಕಡೆದ್, ಬೆಚ್ಚ ಮಲ್ತ್ ದ್ ಅಯಿಕ್ ಬೊಲ್ಲು ಕಲ್ಲ್ ಬೆಚ್ಚ ಮಲ್ತ್ ಪಾಡ್ದ್ (ಬೊಲ್ಲುಕಲ್ಲ್ ಗ್ ಶೀತದ ಅಂಶ ಒಯಿತೊನುನ ಗುಣ ಉಂಡು) ತಯಾರ್ ಮಲ್ಪುನ ಕಷಾಯನೇ ಆಟಿ ಅಮಾವಾಸ್ಯೆ ಕಷಾಯ” ಪಂದ್ ತುಳು ವಿದ್ವಾಂಸೆರ್ ಸದಾನಂದ ಪಿ.ಕೆ ಪಂಡೆರ್.
ಮೇರ್ ಪಡ್ಡೆದ್ರ ಸಾಯಿ ಅರ್ಕೇಡ್ ಡ್ ಸೋಮಾರ್ಅನಿ ಜನಕ್ಲೆಗ್ ಆಟಿ ಅಮಾವಾಸ್ಯೆದ ಕಷಾಯ ಪಟ್ಟುನ ಲೇಸ್ ಡ್ ಪಾತೆರಿಯೆರ್.
ಈ ಪೊರ್ತುಡು ಗಾ.ಪಂ. ಅಧ್ಯಕ್ಷೆರ್ ರವಿ ಶೆಟ್ಟಿ , ಸದಸ್ಯೆರ್ ವಿದ್ಯಾಶ್ರೀ ಪೆಜಮಾಡಿ, ಗ್ರಾ.ಪಂ.ಮಾಜಿ ಅಧ್ಯಕ್ಷೆರ್ ಪ್ರಾಣೇಶ್ ಪೆಜಮಾಡಿ, ಪಡ್ಡೆದ್ರ ರೋಟರಿ ನಿಯೋಜಿತ ಅಧ್ಯಕ್ಷೆರ್ ಸಂತೋಷ್ ಪಡ್ಡೆದ್ರ, ಹಿತೇಶ್ ಪಡ್ಡೆದ್ರ, ಶೀಲಾ ಪಡ್ಡೆದ್ರ ಇತ್ತೆರ್.
Editorial