ಉಳ್ಳಾಲ: ಮದಿರೆಂಗಿ ಶಾಸ್ತ್ರದ ದಿನನೇ ನಾಪತ್ತೆ ಆಯಿನ ಮದಿಮಾಯೆ ಬಳ್ಳಾರಿಡ್ ಪತ್ತೆ ಆತೆರ್ ಪಂದ್ ತೆರಿದ್ ಬೈದ್ಂಡ್.
ವರ್ಕಾಡಿ ದೇವಂದಪಡ್ಪುದ ಉದ್ಯಮಿ ಐತಪ್ಪ ಶೆಟ್ಟಿ ಅರೆನ ಮಗೆ ಕಿಶನ್ ಶೆಟ್ಟಿ ಮದರೆಂಗಿ ಶಾಸ್ತ್ರದ ದಿನ ನಾಪತ್ತೆ ಆದಿತ್ತೆರ್. ಐತಾರ ಮಧ್ಯಾಹ್ನ ಕಿಶನ್ ಶೆಟ್ಟಿ ಮೇರ್ ತನ್ನ ಮೆಗ್ದಿನ ಮೊಬೈಲ್ಗ್ ಮೆಸೇಜ್ ಕಡಪಾದ್ ಯಾನ್ ಬಳ್ಳಾರಿಡ್ ಉಲ್ಲೆ. ನನ ದುಂಬಗ್ ಏಪಗ್ಲ ಇಲ್ಲಗ್ ಬರ್ಪುಜಿ ಪಂದ್ ತೆರಿಪಾದೆರ್.
ಮೇ 31 ಜೆಕ್ಕ್ ರಾತ್ರೆ ಮದಿರೆಂಗಿ ಶಾಸ್ತ್ರಗ್ ಫಲವಸ್ತು ಕನಯರೆ ಪೋತಿನ ಕಿಶನ್ ಶೆಟ್ಟಿ ನಾಪತ್ತೆ ಆತೆರ್. ಯಾನ್ ಬಳ್ಳಾರಿಡ್ ಇತ್ತ್ದ್, ಸ್ಕೂಟರ್ ಮೆಲ್ಕಾರ್ ಆರ್ಟಿಒ ಕಚೇರಿದ ಎದುರುಡು ದೀತೆ ಪಂದ್ ಪಂತೆರ್. ಮೆಗ್ದಿ ಕಾಲ್ ಮಲ್ಪರೆ ಪೋನಗ ಫೋನ್ ಸ್ವಿಚ್ ಆಫ್ ಮಲ್ತ್ದೆರ್ ಪಂದ್ ಐತಪ್ಪ ಶೆಟ್ಟಿ ಮೇರ್ ಕೊಣಾಜೆ ಠಾಣೆಗ್ ಪೋದು ಕಾಲ್ ಬತ್ತಿನ ಬಗೆಟ್ ಮಾಹಿತಿ ಕೊರ್ತೆರ್.
pallavi shetty