Nomination process for the Vidana Sabha elections started in Tulunadu ವಿಧಾನಸಭೆ ವೋಟುಗು ತುಳುನಾಡ್‌ಡ್ ನಾಮಿನೇಶನ್ ಸುರು

ವಿಧಾನಸಭಾ ವೋಟುಗು ನಾಮಿನೇಶನ್ ಪ್ರಕ್ರಿಯೆ ಸುರು ಆದಿತ್ತ್‌ದ್ ಇನಿ (ಏ.17) ತುಳುನಾಡ್ ಡ್ ಬಿಜೆಪಿ, ಕಾಂಗ್ರೆಸ್ ಅಂಚನೆ ಬೇತೆ ಬೇತೆ ಪಕ್ಷದ ಅಭ್ಯರ್ಥಿಲು ನಾಮಿನೇಷನ್ ಪಾಡಿಯೆರ್.

ಬಿಜೆಪಿ ಕುಡ್ಲ ದಕ್ಷಿಣ ವಿಧಾನಸಭಾ ಕ್ಷೇತ್ರದ ಅಭ್ಯರ್ಥಿ ಡಿ ವೇದವ್ಯಾಸ್ ಕಾಮತ್ ಇನಿ ಮಾಮಲ್ಲ ಮರವಣಿಗೆದ ಮುಕೇನ ಬಿಜೆಪಿ ರಾಜ್ಯಾಧ್ಯಕ್ಷೆರ್ ನಳಿನ್ ಕುಮಾರ್ ಕಟೀಲ್ ಮೇರೆನೊಟ್ಟುಗು ಪೋದು ನಾಮಪತ್ರ ಸಂದಾಯೆರ್.

ಬೊಲ್ತೇರ್ ವಿಧಾನಸಭಾ ಕ್ಷೇತ್ರದ ಬಿಜೆಪಿ ಅಭ್ಯರ್ಥಿ ಶಾಸಕೆರ್ ಹರೀಶ್ ಪೂಂಜ ಮೇರ್ ಬೊಲ್ತೇರ್ ಚುನಾವಣಾ ಅಧಿಕಾರಿ ಯೋಗೀಶ್ ಹೆಚ್ ಆರ್ ಮೆರೆಗ್ ನಾಮಪತ್ರ ಸಂದಾದೆರ್.
ಬಂಟ್ವಾಳಡ್ ಬಿಜೆಪಿರ್ದ್ ಶಾಸಕೆರ್ ರಾಜೇಶ್ ನಾಯ್ಕ್ ಉಳಿಪ್ಪಾಡಿ ಮೇರ್ ಸನಿವಾರ ಪುರಲ್ ಶ್ರೀ ರಾಜರಾಜೇಶ್ವರಿ ದೇವಲ್ಯಡ್ ಪೂಜೆ ಸಂದಾದ್, ಪ್ರಾರ್ತನೆ ಮಲ್ತ್‌ದ್ ಮಸ್ತ್ ಕಾರ್ಯಕರ್ತೆರ್‍ನೊಟ್ಟುಗು ಸುಮಾರ್ 15 ಕಿಲೋ ಮೀಟರ್ ನಡತೊಂದು ಪೋದು, ಬಿ.ಸಿ.ರೋಡ್‌ದ ತಾಲೂಕು ಆಡಳಿತ ಸೌಧಡ್ ಇಪ್ಪುನ ಚುನಾವಣಾಧಿ ಕಚೇರಿಗ್ ಪೋದು ನಾಮಪತ್ರ ಸಂದಾಯೆರ್. ಕಾಪು ವಿಧಾನಸಭಾ ಕ್ಷೇತ್ರದ ಬಿಜೆಪಿ ಅಭ್ಯರ್ಥಿ ಗುರ್ಮೆ ಸುರೇಶ್ ಶೆಟ್ಟಿ ಮೇರ್‌ಲ ನಾಮಪತ್ರ ಸಂದಾದೆರ್.

ಬೊಲ್ತೇರ್ ವಿಧಾನಸಭಾ ಕ್ಷೇತ್ರದ ಕಾಂಗ್ರೆಸ್ ಅಭ್ಯರ್ಥಿ ರಕ್ಷಿತ್ ಶಿವರಾಂ ಸಾರರ್ದ್‌ಲ ಎಚ್ಚದ ಜನಕ್ಲೆನ ಸಮ್ಮುಖಡ್ ಬೊಲ್ತೇರ್ ಚುನಾವಣಾಧಿಕಾರಿ ಕಚೇರಿಡ್ ನಾಮಪತ್ರ ಸಂದಾಯೆರ್. ಬೆದ್ರ-ಮುಲ್ಕಿ ವಿಧಾನಸಭೆ ಕ್ಷೇತ್ರದ ಕಾಂಗ್ರೆಸ್ ಅಭ್ಯರ್ಥಿ ಮಿಥುನ್ ರೈ ಭಾರೀ ಮಲ್ಲ ಸಮಾವೇಶಡ್ ಸೋಮಾರ ಸ್ವರಾಜ್ಯ ಮೈದಾನಡ್ ನಾಮಪತ್ರ ಸಂದಾಯೆರ್. ಅಂಚನೆ ಒಡಿಪು ಕಾಂಗ್ರೆಸ್ ಅಭ್ಯರ್ಥಿಯಾದ್ ಪ್ರಸಾದ್ ರಾಜ್ ಕಾಂಚನ್ ಚುನಾವಣಾ ಅಧಿಕಾರಿಲೆನ ಸಮ್ಮುಖಡ್ ಇನಿ ನಾಮಪತ್ರ ಸಂದಾಯೆರ್.

ಪುತ್ತೂರು ಕ್ಷೇತ್ರಡ್ ಪಕ್ಷೇತರ ಅಭ್ಯರ್ಥಿಯಾದ್ ಸಂಘ ಪರಿವಾರದ ಪ್ರಭಾವಿ ಮುಖಂಡೆರ್ ಅರುಣ್ ಕುಮಾರ್ ಪುತ್ತಿಲ ಮಲ್ಲ ಮೆರವಣಿಗೆದ ಮುಕೇನ ನಾಮಪತ್ರ ಸಂದಾಯೆರ್.

ಬಂಟ್ವಾಳಡ್ ಎಸ್‌ಡಿಪಿಐ ಅಭ್ಯರ್ಥಿ ಇಲ್ಯಾಸ್ ಮುಹಮ್ಮದ್ ತುಂಬೆ ಮಾಮಲ್ಲ ಮೆರವಣಿಗೆದ ಮುಕೇನ ನಾಮಪತ್ರ ಸಂದಾಯೆರ್.

Nomination process for the Vidana Sabha elections started in Tulunadu

The candidates of BJP, Congress and other parties have started filing nomination for the upcoming Vidhana Sabha elections.

Vedavyas Kamath from Mangalore constituency filed his nomination after taking out massive procession with MP Nalin Kumar Kateel in tow. Nomination was also filed by Harish Punja of the BJP in Bheltangady constituency, Rajesh Naik of the BJP from Bantwal, Suresh Shetty BJP candidate from Kaup.

Rakshit Shivram of the Congress from Bheltangady, Mithun Rai from Congress in the Moodbidri Mulki constituency and Prasad Raj Kanchan from Udupi also filed their nominations.