ಕುಡ್ಲ: ಕೈ ತತ್ತ್ ಪೋಯಿನ ಮೊಬೈಲ್ನ್ ನಾಡ್ದ್ ಪತ್ತರೆ ಜನಸಾಮಾನ್ಯೆರೆಗ್ ಸಕಾಯ ಮಲ್ಪರೆ ಕುಡ್ಲ ಪೊಲೀಸೆರ್ ವಿಶೇಷ ಸಹಾಯವಾಣಿ ಸುರು ಮಲ್ತ್ದೆರ್.
ಇತ್ತೆ ಮೊಬೈಲ್ ಕಳೆಯೊಂಡ CEIR ಪೋರ್ಟಲ್ ಮುಕೇನ ಸುಲಭವಾದ್ ಪತ್ತೆ ಮಲ್ಪೊಲಿ. 200 ದೆರ್ದ್ ಮಸ್ತ್ ಮೊಬೈಲ್ ಫೋನ್ಲೆನ್ CEIR ಪೋರ್ಟಲ್ ಮುಕೇನ ಪತ್ತೆ ಮಲ್ತ್ದೆರ್.
ಉಂದೆನ್ ನನಾತ್ ಪರಿಣಾಮಕಾರಿಯಾದ್ ಗಲಸೊನ್ಯರೆ, ಜನಕ್ಲೆಗ್ ಸಹಾಯಗಾದ್ ವಾಟ್ಸಾಪ್ ನಂಬರ್ ಸೇವೆ ಕುಡ್ಲಡ್ ಸುರು ಮಲ್ತ್ದಿತ್ತ್ದ್ ಮೊಬೈಲ್ ಕಳೆಯೊಂಡಿನಕುಲು ಪೋರ್ಟಲ್ಡ್ ನೇರವಾದ್ ಮಾಹಿತಿ ಕೊರೊಲಿ.
ಮೊಬೈಲ್ ಕಳೆಯೊಂಡ 8277949183 ವಾಟ್ಸಾಪ್ ನಂಬರ್ಗ್ Hi ಮೆಸೇಜ್ ಮಲ್ತ್ಂಡ ಪೊಲೀಸ್ನಕುಲ್ ಲಿಂಕ್ ಕಡಪಾಡ್ ವಾ ರೀತಿಡ್ ಮಾಹಿತಿ ಅಪ್ಲೋಡ್ ಮಲ್ಪೊಡು ಪಂದ್ ತೆರಿಪಾವೆರ್. ಮೊಬೈಲ್ ಕಳೆಯೊಂಡಿನಕುಲು ಮೊಬೈಲ್ದ IMEI ಸಂಖ್ಯೆ ಅಗತ್ಯವಾದ್ ಪಾಡೊಡು.