ಸುಳ್ಯ ವಿಧಾನಸಭಾ ಕ್ಷೇತ್ರದ ಹಾಲಿ ಶಾಸಕೆರ್, ಸಚಿವೆರ್ ಎಸ್.ಅಂಗಾರ ರಾಜಕೀಯಗ್ ನಿವೃತ್ತಿ ಘೋಷಣೆ ಮಲ್ದೆರ್.
ಇನಿ ಮೆರೆನ ಇಲ್ಲಡ್ ಸುದ್ದಿ ಸಂದರ್ಶನಡ್ ಪಾತೆರ್ದ್, ಪಕ್ಷ ಟಿಕೆಟ್ ಕೊರಂದಿನ ಬಗೆಟ್ ಎನ್ನ ಅಸಮಾಧಾನ ಅತ್ತ್, ಆಂಡ ಇತ್ ವರ್ಷೊ ಪಕ್ಷಗಾದ್ ಬೊಕ್ಕ ಸಮಾಜಗಾದ್ ಒವ್ವೇ ಕಪ್ಪು ಚುಕ್ಕೆ ಬಾರಂದಿಲೆಕ್ಕ ಮಲ್ತಿನ ಸೇವೆನ್ ಗೌರವಿಸುನ ಕ್ರಮ ಉಂದು ಅತ್ತ್. ಪ್ರಾಮಾಣಿಕ ರಾಜಕಾರಣಗ್ ಇನಿ ಬೆಲೆ ಇಜ್ಜಂದಿಲೆಕ್ಕ ಅತ್ಂಡ್. ಎನ್ನ ಪ್ರಾಮಾಣಿಕತೆಯೇ ಎಂಕ್ ಮುಳ್ಳು ಆಂಡ್. ಲಾಭ ಮಲ್ಪುನೇ ಎನ್ನ ಗುಣ ಆದಿಜ್ಜಂಡ್. ಅವ್ವೇ ಎಂಕ್ ಹಿನ್ನಡೆ ಆಂಡ್ ಪಂದ್ ಪಂಡಿನ ಅಂಗಾರೆರ್, ಯಾನ್ ನನ ರಾಜಕಾರಣಡ್ ಇಜ್ಜಿ. ಚುನಾವಣಾ ಪ್ರಚಾರಡ್ಲಾ ಇಜ್ಜಿ. ಪೊಸ ಅಭ್ಯರ್ಥಿ ಬೊಕ್ಕ ಅಕುಲು ಗೆಂದುನೆನೇ ಪಕ್ಷನೇ ತೂವು ಪಂದ್ ಪಂಡೆರ್.