ಕರ್ನಾಟಕ ಇನ್‌ಸ್ಟಿಟ್ಯೂಟ್ ಆಫ್ ಕೋ – ಆಪರೇಟಿವ್ ಮ್ಯಾನೇಜ್‌ಮೆಂಟ್ ಅಧ್ಯಯನ ತಂಡ ಹಳೆಯಂಗಡಿದ ಪ್ರಿಯದರ್ಶಿನಿ ಕೋ ಆಪರೇಟಿವ್ ಸೊಸೈಟಿಗ್ ಭೇಟಿ ಕೊರ್ದು ಸಂಸ್ಥೆದ ಬೇಲೆದ ಬಗೆಟ್ಟ್ ಎಡ್ಡೆಪ್ಪುದ ಪಾತೆರ ಪಾತೆರಿಯೆರ್.
ಇನ್‌ಸ್ಟಿಟ್ಯೂಟ್‌ದ ಸುಮಾರು 35 ಕಲ್ಪಾರ್ಥಿಲು ಈ ಅಧ್ಯಯನ ಕೂಟಡ್ ಇತ್ತ್‌ದ್, ಪ್ರಿಯದರ್ಶಿನಿ ಕೋ-ಆಪರೇಟಿವ್ ಸೊಸೈಟಿ ಸುರು ಆಯಿನ ದಿನರ್ದ್ ಇಡೇ ಮುಟ್ಟ ಆಯಿನ ಪ್ರಗತಿದ ಬಗೆಟ್ಟ್ ಪೊಲಬು ಮಲ್ತೊಂಡೆರ್. ಸಂಘದ ಅಧ್ಯಕ್ಷೆರಾಯಿನ ಎಚ್ ವಸಂತ್ ಬೆರ್ನಾರ್ಡ್ ಪಾತೆರ್ದ್, ಇತ್ತೆದ ಸ್ಪರ್ಧಾತ್ಮಕ ಜಗತ್ತ್‌ಡ್ ಸಹಕಾರ ಸಂಸ್ಥೆಲು ಎಡ್ಡೆಂತಿನ ತಾನೊ ಪಡೆತ್ಂಡ್. ಗ್ರಾಹಕೆರೆಗ್ ಎಡ್ಡೆಂತಿನ ಸೇವೆ ಕೊರ್ದು ಸಂಘನ್ ಅಭಿವೃದ್ಧಿ ಮಲ್ಪುನವೇ ನಮ್ಮ ಧ್ಯೇಯ ಆದುಂಡು ಪಂದ್ ಪಂಡೆರ್.
ಕರ್ನಾಟಕ ಇನ್‌ಸ್ಟಿಟ್ಯೂಟ್ ಆಫ್ ಕೋ – ಆಪರೇಟಿವ್ ಮ್ಯಾನೇಜ್‌ಮೆಂಟ್ ಪ್ರಾಂಶುಪಾಲೆರ್ ಬಿಂದು ಬಿ. ನಾಯರ್ ಮೇರ್ ಸಂಸ್ಥೆದ ಬಗೆಟ್ ಕಲ್ಪಾರ್ಥಿಲೆನೊಟ್ಟುಗು ಸಂವಾದ ಕಾರ್ಯಕ್ರಮ ಮಲ್ತೆರ್. ಪ್ರಿಯದರ್ಶಿನಿ ಸೊಸೈಟಿದ ಮುಖ್ಯಕಾರ್ಯನಿರ್ವಹಣಾಧಿಕಾರಿ ಸುದರ್ಶನ್ ಮೇರ್ ಸಂಘದ ವಿವರ ಕೊರಿಯೆರ್. ಕರ್ನಾಟಕ ಇನ್‌ಸ್ಟಿಟ್ಯೂಟ್ ಆಫ್ ಕೋ – ಆಪರೇಟಿವ್ ಮ್ಯಾನೇಜ್‌ಮೆಂಟ್‌ದ ಉಪನ್ಯಾಸಕಿ ವನಜಾಕ್ಷಿ ಬತ್ತಿನ ಬಿನ್ನೆರೆಗ್ ಸೊಲ್ಮೆ ಸಂದೈತ ಮಲ್ತೆರ್.
niriksha