ನರಿಂಗಾನ: ಕುಂಡೋಲ್ ತುಚ್ಚಿದ್ ರಡ್ಡ್ ಜನ ಆಸ್ಪತ್ರೆಗ್ ದಾಖಲ್!

ಉಳ್ಳಾಲ: ಕುಂಡೋಲ್ ತುಚ್ಚಿದ್ ಮೂಜಿ ಜನಕ್ಕ್ ಪೆಟ್ಟಾತ್ಂಡ್. ನೆಟ್ಟ್ ಮಸ್ತ್ ಪೆಟ್ಟಾಯಿನ ರಡ್ಡ್ ಜನನ್ ಪೇಂಟೆದ ಫಾ. ಮುಲ್ಲರ್ ಆಸ್ಪತ್ರೆಗ್ ದಾಖಲ್ ಮಲ್ತಿನ ಘಟನೆ ನರಿಂಗಾನ ಗ್ರಾಮದ ಬೋಳಡ್ ಗುರುವಾರ ಬೊಲ್ಪುಗು ನಡತ್ಂಡ್.

ಉಳ್ಳಾಲ ತಾಲೂಕ್ ದ ನರಿಂಗಾನ‌ ಗ್ರಾಮದ ಬೋಳ ನಿವಾಸಿ ರಾಬರ್ಟ್ ಕುಟಿನ್ಹ(79), ಮೆರೆನ ಮಗೆ ರಾಯಲ್ ಕುಟಿನ್ಹ(39) ಕುಂಡೋಲು ತುಚ್ಚಿದ್ ಮಸ್ತ್ ಪೆಟ್ಟಾದ್ ಆಸ್ಪತ್ರೆಗ್ ಸೇರಿಯೆರ್.
ಈ ಪೊರ್ತುಡು ಅಣ್ಣನ ಸ್ವರ ಕೇಂದ್ ಪಾರ್ ಬತ್ತಿನ ರಾಬರ್ಟ್ ಕುಟಿನ್ಹ ಮೆರೆನ ಸಹೋದರೆ ಜೋಸೆಫ್ ಕುಟಿನ್ಹ ಮೆರೆಗ್ಲಾ ಮಸ್ತ್ ಪೆಟ್ಟಾತ್ಂಡ್. ಅತ್ತಂದೆ ಜೋಸೆಫ್ ಕುಟಿನ್ಹ ಮೆರೆನ ಮಗೆ ಅಖಿಲ್ ಮೆರೆಗ್ಲಾ ಕುಂಡೋಲು ತುಚ್ಚಿದ್ಂಡ್. ಇತ್ತೆ ಮೊಕುಲು ಹುಷಾರ್ ಆತೆರ್ ಪಂದ್ ತೆರಿದ್ ಬೈದ್ಂಡ್.