ಬೊಂಬೈ: ಬೊರಿವಿಲಿ ತುಳು ಸಂಘದ 12ನೇ ವಾರ್ಷಿಕ ಉಚ್ಚಯ ಮಾ.25 ಕ್ಕ್ ಬೊರಿವಿಲಿ ಗ್ಯಾನ್ ಸಾಗರ್ ಅಂಪಿ ಥೀಯೇಟರ್, ಸಂಸ್ಕೃತಿ ಕೇಂದ್ರಡ್ ನಡತ್ಂಡ್.
ಈ ಲೇಸ್ ದ ಗುರ್ಕಾರ್ಮೆನ್ ಒಯಿಸೊಂದು, ಸೇರಿನ ಪತ್ರಿಕಾ ಜನಸಂಖ್ಯೆನ್ ಉದ್ದೇಶಿಸಾದ್ ತುಳು ಸಂಘ ಬೊರಿವಿಲಿದ ಗೌರವಾಧ್ಯಕ್ಷೆರ್ ವಿರಾರ್ ಶಂಕರ್ ಬಿ. ಶೆಟ್ಟಿ ಪಾತೆರ್ದ್, ಇನಿ ತುಳುವೆರೆಡ ಧಾರ್ಮಿಕವಾದ್ ಬೊಕ್ಕ ಸಾಂಸ್ಕೃತಿಕವಾದ್ ಎಡ್ಡೆ ಬದಲಾವಣೆ ಆತ್ಂಡ್. ಊರುಡು ನಡಪುನ ಕೋಲದಂಚಿನ ಧಾರ್ಮಿಕ ಲೇಸ್ ಗ್ ದೇಶ ವಿದೇಶಲೆರ್ದ್ ಯುವ ಜನಾಂಗ ಬರೊಂದು ಉಂಡು ಪಂದ್ ಪಂಡೆರ್. ಅತ್ತಂದೆ ಮಾತ ಸಮಾಜದ ತುಳು ಬಾಂಧವೆರೆನ್ ಒಂಜೇ ವೇದಿಕೆಡ್ ಕನಯೆರೆ ಬೊಕ್ಕ ತುಳುವೆರೆನ ಹಿತದೃಷ್ಟಿರ್ದ್ 2010 ಕ್ಕ್ ನಮ್ಮಕ್ಲೆರ್ದ್ ತುಳು ಸಂಘ ಬೋರಿವಲಿ ಸ್ಥಾಪನೆ ಆತ್ಂಡ್. ತುಳು ಬಾಷೆ ಸಂಸ್ಕೃತಿನ್ ಒರಿಪಾಯೆರೆ ಬೊಕ್ಕ ಮತ ಸಮುದಾಯದ ತುಳು ಕನ್ನಡಿಗೆರ್ ಪ್ರತಿಭಾ ವಿಕಸನಗ್ ತುಳು ಸಂಘ, ಬೊರಿವಿಲಿ ವೇದಿಕೆ ಆತ್ಂಡ್ ಪಂದ್ ಪಂಡೆರ್.
ಲೇಸ್ ದ ಗೌರವ ಅತಿಥಿ ಬಿಲ್ಲವರ ಅಸೋಷಿಯೇಶನ್ ಬೊಂಬೈದ ಅಧ್ಯಕ್ಷೆರ್ ಹರೀಶ್ ಜಿ. ಅಮೀನ್ ಸಾಂಸ್ಕೃತಿಕ ಲೇಸ್ ದ ತುಡರ್ ಅರ್ಲಾದ್, ಪಾತೆರ್ದ್, ತುಳು ಸಂಘ ಬೊರಿವಿಲಿದ ಗೌರವ ಅಧ್ಯಕ್ಷೆರ್ ವಿರಾರ್ ಶಂಕರ ಶೆಟ್ಟಿ ಮೆರೆನ ಸಾಧನೆ ಮೆಚ್ಚೊಡಾಯಿನವು ಪಂದ್ ಪಂಡೆರ್. ಬೊಕ್ಕ ಮೆರೆನ ಮುತಾಲಿಕೆಡ್ ಅಧ್ಯಕ್ಷೆರಾಯಿನ ಕರುಣಾಕರ ಶೆಟ್ಟಿ ಮೆರೆನ ಉಪಸ್ಥಿತಿಡ್ ನಡತೊಂದು ಇಪ್ಪುನ ಇನಿತ್ತ ಲೇಸ್ ಗ್ ಎಡ್ಡೆಪ್ಪು ಬಯಕಿಯೆರ್.
ಲೇಸ್ ಡ್ ಇಸೇಸ ಬಿನ್ನೆರಾದ್ ಉಪಸ್ಥಿತಿಡ್ ಇಪ್ಪುನ ಬಂಟರ ಸಂಘ ಬೊಂಬೈದ ಜತೆ ಕೋಶಾಧಿಕಾರಿ ಮುಂಡಪ್ಪ ಪಯ್ಯಡೆ ಮೇರ್ ಪಾತೆರ್ದ್, ತುಳು ಸಂಘನ್ ನಮ ಮಾತ ಮೋಕೆ ಮಲ್ಪುಗ, ದೇವೆರೆಗ್ ಸಮಾನರಾಯಿನ ಪೊಪ್ಪ ಅಮ್ಮನ ಇಲ್ಲೇ ದೇವಲ್ಯ. ಅನ್ನದಾನ ವಿದ್ಯಾದಾನ ಮಲ್ಪುನ ಅವಕಾಶ ತಿಕ್ಕ್ಂಡ ಆವೆನ್ ಉಪಯೋಗ ಮಲ್ಪೊಡು ಪಂದ್ ಪಂಡೆರ್.
ಗೌರವ ಬಿನ್ನೆರಾದ್ ಬತ್ತಿನ ತುಂಗಾ ಹಾಸ್ಪಿಟಲ್ ದ ಸಿ.ಎಂ.ಡಿ. ಡಾ. ಸತೀಷ್ ಬಿ. ಶೆಟ್ಟಿ ಮೇರ್ ಪಾತೆರ್ದ್, ಆಸ್ಫತ್ರೆಗ್ ನಮ್ಮ ಅಮ್ಮನ ಪುದರ್ ನ್ ದೀವೊಡು. ಆರ್ ತುಳು ಸಂಘದ ಮಿತ್ತ್ ದ ಮೋಕೆರ್ದ್ ಮುಲ್ಪ ಉಲ್ಲೆರ್. ಅಂಚೆನೆ ತುಳು ಭಾಷೆದ ನಮ್ಮ ಅಭಿಮಾನ ಇಲ್ಲಲ್ ರ್ದೆ ಸುರು ಆವೊಡು ಪಂದ್ ಆರೋಗ್ಯ ವೃದ್ದಿದ ಬಗ್ಗೆ ಪೊಲಬುನ್ ಕೊರಿಯೆರ್.
ಬಂಟರ ಸಂಘ ಬೊಂಬೈ ಮಹಿಳಾ ವಿಭಾಗದ ಕಾರ್ಯದರ್ಶಿ ಶಶಿಕಲಾ ಎಸ್. ಪೂಂಜಾ ಮೇರ್ ಪಾತೆರ್ದ್, ಈ ಪರಿಸರದ ತುಳುವೆರ್ ಎನ್ನ ಬಂಧುಲು. ನಮ ಎತ್ ಪಾತೆರ್ಂಡಲ ನಮನ್ ನನಲ ಪಾತೆರುಪಾವುನ ಸುಂದರವಾಯಿನ ಭಾಷೆ ನಮ್ಮ ಮಾತೃ ಭಾಷೆ ಅವು ತುಳು. ನಾಮ ಒಲ್ಪ ಪೊಂಡಾಲ ಅಲ್ಪದ ತುಳುವೆರ್ ನಮ್ಮಕ್ಲು ಆಪೆರ್ ಪಂದ್ ಪನೊಂದು ತುಳು ಸಂಘಗ್ ಅಭಿನಂದನೆ ಸಂದಾಯೆರ್.
ಸಮಾಜ ಸೇವಕಿ ಶಶಿಕಲಾ ಎ.ಮಾಡ ಮೆರೆಗ್ ತಮ್ಮನ ಮಲ್ಪರೆ ಆಂಡ್. ಬೊಕ್ಕ ಪ್ರತಿಭಾವಂತ ಕಲ್ಪಾರ್ಥಿಲೆಗ್ ಮಾನಾದಿಗೆ ಮಲ್ತೆರ್. ಪೆರಿಯ ಸಾಹಿತಿ ಚಂದ್ರಹಾಸ ಸುವರ್ಣ ಮೇರ್ ತಮ್ಮನ ಪತ್ರನ್ ಓದಿಯೆರ್. ತುಳು ಸಂಘ ಬೊರಿವಿಲಿದ ಅಧ್ಯಕ್ಷೆರ್ ಕರುಣಾಕರ ಎಂ. ಶೆಟ್ಟಿ ಮೇರ್ ಬಿನ್ನೆರೆನ್ ಬೊಕ್ಕ ಸೇರಿನ ಮಾತ ತುಳು ಅಭಿಮಾನಿಲೆನ್ ಎದ್ಕೊನಿಯೆರ್. ವೇದಿಕೆಡ್ ಉಪಸ್ಥಿತೆರ್ ಇಪ್ಪುನ ಗಣ್ಯೆರ್ ತುಡರ್ ಅರ್ಲಾದ್ ಸಭಾ ಲೇಸ್ ದ ಉದಿಪನ ಮಲ್ತೆರ್. ಶೋಭಾ ಶೆಟ್ಟಿ ಪ್ರಾರ್ತನೆ ಮಲ್ತೆರ್.
ಯುವ ವಿಭಾಗದ ಕಾರ್ಯಾಧ್ಯಕ್ಷೆರ್ ಪ್ರವೀಣ್ ಅರ್. ಶೆಟ್ಟಿ ಶಿಮಂತೂರು, ನ್ಯಾ. ರಾಘವ ಎಂ., ಬೊಕ್ಕ ಸಚಿನ್ ಪೂಜಾರಿ ಲೇಸ್ ದ ಸುಧಾರಿಕೆ ಮಲ್ತೆರ್. ಅಭಿನಯ ಮಂಟಪದ ಕಲಾವಿದೆರೆರ್ದ್ ಕರುಣಾಕರ ಕೆ. ಕಾಪು ನಿರ್ದೇಶನದ “ಪಂಜುರ್ಲಿ”, ತುಳು ಜಾನಪದ ನಾಟಕ, ಬೊಕ್ಕ ಸಂಘದ ಮಹಿಳಾ ಸದಸ್ಯೆರ್ದ್, ಜೋಕುಲೆರ್ದ್ ನೃತ್ಯ ಬೊಕ್ಕ ಸಾಂಸ್ಕೃತಿಕ ಲೇಸ್ ನಡತ್ಂಡ್.
ತುಳು ಸಂಘ ಬೊರಿವಿವಲಿದ ಉಪಾಧ್ಯಕ್ಷೆರ್ ಹರೀಶ್ ಮೈಂದನ್, ಕೋಶಾಧಿಕಾರಿ ಚಂದ್ರಹಾಸ ಬೆಳ್ಚಡ, ಜತೆ ಕಾರ್ಯದರ್ಶಿ ಈಶ್ವರ ಎಂ. ಐಲ್, ಜತೆ ಕೋಶಾಧಿಕಾರಿ ಸವಿತ ಶೆಟ್ಟಿ, ಮಹಿಳಾ ವಿಭಾಗದ ಕಾರ್ಯಾಧ್ಯಕ್ಷೆರ್ ತಿಲೋತ್ತಮ ವೈದ್ಯ, ಉಪ ಕಾರ್ಯಾಧ್ಯಕ್ಷೆರ್ ಶೋಭಾ ಎಸ್ ಶೆಟ್ಟಿ, ಸಾಂಸ್ಕೃತಿಕ ಸಮಿತಿದ ಕಾರ್ಯಾಧ್ಯಕ್ಷೆರ್, ಕುಸುಮ ಬಿ. ಶೆಟ್ಟಿ, ಉಪಕಾರ್ಯಾಧ್ಯಕ್ಷೆರ್ ಕಸ್ತೂರಿ ಎಸ್. ಶೆಟ್ಟಿ, ಸದಸ್ಯತನ ನೋಂದಣಿ ಸಮಿತಿದ ಕಾರ್ಯಾಧ್ಯಕ್ಷೆರ್ ಜಯಂತಿ ಶೆಟ್ಟಿ, ಸಂಘದ ಸಲಹೆಗಾರೆರ್ ಪ್ರದೀಪ್ ಶೆಟ್ಟಿ, ಬಾಬು ಶಿವ ಪೂಜಾರಿ, ಶ್ರೀನಿವಾಸ ಸಾಪಲ್ಯ, ಪ್ರಕಾಶ್ ಶೆಟ್ಟಿ ಪೇಟೆಮನೆ, ಮಹಿಳಾ ವಿಭಾಗದ ಕಾರ್ಯದರ್ಶಿ ಲಕ್ಷ್ಮಿ ದೇವಾಡಿಗ, ಸಾಂಸ್ಕೃತಿಕ ಸಮಿತಿದ ಕಾರ್ಯದರ್ಶಿ ಸುನಂದಾ ಶೆಟ್ಟಿ, ಕಾರ್ಯಕಾರಿ ಸಮಿತಿದ ಸದಸ್ಯೆರ್ ಕೃಷ್ಣರಾಜ ಸುವರ್ಣ, ಪ್ರಭಾಕರ್ ಶೆಟ್ಟಿ, ದಿವಾಕರ ಕರ್ಕೇರ, ಯಶವಂತ್ ಪೂಜಾರಿ, ವಿಜಯ್ ಕುಮಾರ್ ಮುಲ್ಕಿ, ಟಿ ವಿ ಪೂಜಾರಿ, ಅಶೋಕ್ ಪೂಜಾರಿ, ಮಹಿಳಾ ವಿಭಾಗದ ಸದಸ್ಯೆರ್ ರಾಜೇಶ್ವರಿ ಸುವರ್ಣ, ಸರಸ್ವತಿ ರಾವ್, ಸುಮತಿ ಸಾಲಿಯಾನ್, ಸುನಂದ ಶೆಟ್ಟಿ, ಪೂರ್ಣಿಮಾ ಪೂಜಾರಿ, ವೇದ ಶೆಟ್ಟಿ, ಸುನಿತಾ ಶೆಟ್ಟಿ, ಉಷಾ ಶೆಟ್ಟಿ, ಹರಿಣಿ ಶೆಟ್ಟಿ ಲೇಸ್ ದ ಯಶಸ್ಸಿಗ್ ಸಹಕಾರ ಮಲ್ತೆರ್. ಸಂಘದ ಪ್ರಧಾನ ಕಾರ್ಯದರ್ಶಿ ರಜಿತ್ ಸುವರ್ಣ ಸೊಲ್ಮೆ ಸಂದಾಯೆರ್.
12 th annual celebration at Borivali Tulu Sangha -cultural extravaganza
Mumbai: The 12 annual program of the Borivali Tulu Sangha was held on March 25 th at Gyan Sagar Amphitheater.
Speaking on the occasion honorary president of the Tulu Sangha Borivali,Virar Shankar B Shetty said that of late there has been a sea of changes in the Tulu speaking society both culturally and traditionally. The youth of today are more attracted to the folk traditions and customs of Tulunadu thanks to the various Tulu associations all over India and abroad.The platform has also helped tuluvas to grow and imbibe their heritage in alien surrounding.
Harish G Amin president of Billava Association Mumbai was the guest of honour.Other guests of honour included Mundappa Payyade joint treasurer of Bunts Sangha, Mumbai, CMD of Tunga Hospital Dr Satish B Shetty and secretary of the women’s wing of the Bunts Association Sashikala S Punja.
Social worker Sashikala A Mada and deserving students were honoured on the occasion.
All the members and office bearers participated with enthusiasm making the event a grand success. A Tulu folk drama ” Panjurli” was enacted with varity of cultural program from members.
Editorial