ಬೊಲ್ತೇರ್: ಸುರ್ಯ ಶ್ರೀ ಸದಾಶಿವರುದ್ರ ದೇವಲ್ಯಡ್ ಪ್ರತಿಷ್ಠಾ ವಾರ್ಷಿಕ ಉಚ್ಚಯ, ಜಾತ್ರೆ

ಬೊಲ್ತೇರ್: ಸುರ್ಯ ಶ್ರೀ ಸದಾಶಿವರುದ್ರ ದೇವಲ್ಯಡ್ ಮಾ.30-ಎ.4 ಮುಟ್ಟ ಪ್ರತಿಷ್ಠಾ ವಾರ್ಷಿಕ ಉಚ್ಚಯ ಅಂಚನೆ ವರ್ಷಾವಧಿ ಜಾತ್ರೆ ಭಾರೀ ಗೌಜಿಡ್ ನಡಪರೆ ಉಂಡು.

ಮಾ.30 ಗ್ ಗಣಪತಿ ಹೋಮ ಆದ್ ಮಧ್ಯಾಹ್ನ ಮಹಾಪೂಜೆ ಬೊಕ್ಕ ರಾತ್ರೆ ರಂಗಪೂಜೆ ನಡಪರೆ ಉಂಡು. ಎಪ್ರಿಲ್ 1 ಕ್ಕ್ ಸುರ್ಯಗುತ್ತು ಇಲ್ಲರ್ದ್ ಧರ್ಮ ದೈವದ ಭಂಡಾರ ಬತ್ತ್‌ದ್ ವಸಂತಕಟ್ಟೆ ಪೂಜೆ ನಡಪರೆ ಉಂಡು. ಎಪ್ರಿಲ್ 4 ಕ್ಕ್ ಕಲಶಾಭಿಷೇಕ, ಮಹಾಪೂಜೆ ಆಪುಂಡು. ರಾತ್ರೆ 11 ಗಂಟೆಗ್ ದೈವದ ನೇಮ ನಡಪರೆ ಉಂಡು. 6 ದಿನಲ ಬೇತೆ ಬೇತೆ ವೈದಿಕ ಕಾರ್ಯಕ್ರಮಲು ನಡಪರೆ ಉಂಡು.

ಈ ಪುಣ್ಯಕಾರ್ಯಗ್ ಮಾತೆರ್‍ಲಾ ಬತ್ತ್‌ದ್ ದೇವೆರೆನ ಕೃಪೆಗ್ ಪಾತ್ರರಾವೊಡು ಪಂದ್ ಆಡಳಿತ ಮಂಡಳಿದ ಅಧ್ಯಕ್ಷೆರ್ ಬೊಕ್ಕ ಸದಸ್ಯೆರ್ ಆಯಿನ ಬಿ.ರಾಜಶೇಖರ ಅಜ್ರಿ, ಅನುವಂಶಿಕ ಆಡಳಿತ ಮೊಕ್ತೇಸರೆರ್ ಆಯಿನ ಸುಭಾಶ್ಚಂದ್ರ ಸುರ್ಯಗುತ್ತು ಅಂಚನೆ ಗ್ರಾಮಸ್ಥೆರ್ ಲೆಪ್ಪೋಲೆಡ್ ತೆರಿಪಾದೆರ್.