ಬೀದಿ ನಾಯಿಲು ತುಚ್ಚಿದ್ 7 ಬೊಕ್ಕ 5 ವರ್ಷದ ಮೆಗ್ಯ ಪಲಯೆ ತೀರ್ ಪೋಯೆರ್!

ದಿಲ್ಲಿ: ದಿಲ್ಲಿದ ನೈಋತ್ಯ ಪ್ರದೇಶಡ್ ತಾದಿಡ್ ಇತ್ತಿನ ಬೀದಿ ನಾಯಿಲು ದಾಳಿ ಮಲ್ತ್‌ದ್ 7 ಬೊಕ್ಕ 5 ವರ್ಷ ಪ್ರಾಯದ ಮೆಗ್ಯ ಪಲಯನಕುಲು ತೀರ್ ಪೋಯಿನ ಘಟನೆ ನಡತ್ಂಡ್.

ಅನಂದ್ ಬೊಕ್ಕ ಆದಿತ್ಯ ತೀರ್ ಪೋಯಿನಕುಲು ಪಂದ್ ಗುರ್ತಿಸಾದೆರ್. ಈ ರಡ್ಡ್ ಜೋಕುಲು ದಿಲ್ಲಿದ ವಸಂತ್ ಕುಂಜ್ ನಿವಾಸಿಲು ಆದಿತ್ತ್‌ದ್, ವಸಂತ್ ಕುಂಜ್ ಪೊಲೀಸೆರೆಗ್ ಮಾರ್ಚ್ 10 ಕ್ಕ್ ಮಧ್ಯಾಹ್ನ 3 ಗಂಟೆಗ್ ಜೋಕುಲು ಕಾಣೆ ಆತಿನೆನ್ ದೂರು ಕೊರ್ದಿತ್ತೆರ್. ಮಸ್ತ್ ನಾಡಿನೆಡ್ದ್ ಬೊಕ್ಕ ಒಂಜಿ ಗೋಡೆದ ಬರಿಟ್ಟ್ ರಡ್ಡ್ ಜೋಕುಲೆನ ಪುನ ತೋಜಿದ್ ಬೈದ್ಂಡ್.