ಕಾರ್ಲ: ಮಿಯ್ಯಾರು ಸರಕಾರಿ ಹಿರಿಯ ಪ್ರಾಥಮಿಕ ಶಾಲೆಡ್ 2022- 23 ನೇ ಸಾಲ್ದ ಕಲಿಕಾ ಪರ್ಬದ ಲೇಸ್ ನಡತ್ಂಡ್. ಲೇಸ್ದ ಗುರ್ಕಾರ್ಮೆನ್ ಗ್ರಾಮ ಪಂಚಾಯಿತಿ ಅಧ್ಯಕ್ಷೆರ್ ಗಿರೀಶ್ ಅಮೀನ್ ಮೇರ್ ವಹಿಸೊಂಡೆರ್.
ಮಲ್ಲ ಬಿನ್ನೆರಾದ್ ಇಸ್ರೋ ನಿವೃತ್ತ ವಿಜ್ಞಾನಿ ಜನಾರ್ದನ್, ಅಧ್ಯಕ್ಷೆರ್ ಆಯಿನ ವಿಜಯ ಶೆಟ್ಟಿ, ಗ್ರಾಮ ಪಂಚಾಯತ್ ಸದಸ್ಯೆರ್ ಆಯಿನ ಡೇನಿಯಲ್ ರೇಂಜರ್, ಕ್ಷೇತ್ರ ಸಮನ್ವಯಾಧಿಕಾರಿ ಪ್ರವೀಣ್ ಶೆಟ್ಟಿ, ಇಲಾಖಾಧಿಕಾರಿ ಬಾಲಕೃಷ್ಣ ನಾಯಕ್, ಸಂತೋಷ್ ಶೆಟ್ಟಿ, ಹಳೆ ವಿದ್ಯಾರ್ಥಿ ಸಂಘದ ಅಧ್ಯಕ್ಷೆರ್ ಸುಜಿತ್ ಕುಮಾರ್, ಊರುದ ವಿದ್ಯಾಭಿಮಾನಿಲು ಆಯಿನ ಕಸ್ತೂರಿ ಪೂವಪ್ಪ, ದಂಡಪಾಣಿ, ಪ್ರಾಥಮಿಕ ಶಾಲಾ ಶಿಕ್ಷಕರ ಸಂಘದ ಜಿಲ್ಲಾ ಪ್ರಧಾನ ಕಾರ್ಯದರ್ಶಿ ಸಂಜೀವ್ ದೇವಾಡಿಗ, ಜಿಲ್ಲಾ ದೈಹಿಕ ಶಿಕ್ಷಣ ಶಿಕ್ಷಕರ ಸಂಘದ ಅಧ್ಯಕ್ಷೆರ್ ಆನಂದ ಪೂಜಾರಿ, ಶಾಲಾ ಮುಖ್ಯೋಪಾಧ್ಯಾಯೆರ್ ಮನೋಹರ, ಪೋಷಕೆರ್ ಅಂಚನೆ ಮಸ್ತ್ ಜನ ಲೇಸ್ಡ್ ಇತ್ತೆರ್.
ಜನಾರ್ಧನ ಇ ಬೊಕ್ಕ ಸುಮಿತ್ರ ಇ ಮೊಕುಲು ಶಾಲೆಗ್ ಕೊರಿನ ಪೊಸ ಪುದರ್ ಪಲವೆ ಅಂಚನೆ ರಂಗಮಂಟಪಗ್ ಕೊರಿನ ಕರ್ಬದ ಬಾಕಿಲ್ನ್ ಉದಿಪನ ಮಲ್ತೆರ್. ಸಮೂಹ ಸಂಪನ್ಮೂಲ ಅಧಿಕಾರಿ ಮಮತಾ ನಾಯಕ್ ಎದ್ಕೊಂದು, ಸಹ ಶಿಕ್ಷಕಿ ವನಿತಾ ಹೆಗ್ಡೆ ಬತ್ತಿನ ಬಿನ್ನೆರೆನ್ ಎದ್ಕೊನಿಯೆರ್. ಪ್ರಾಥಮಿಕ ಶಾಲಾ ಶಿಕ್ಷಕರ ಸಂಘದ ಸದಸ್ಯೆರ್ ಆಯಿನ ರಕ್ಷಿತ್ ಲೇಸ್ ಸುಧಾರಿಕೆ ಮಲ್ತೆರ್.
pallavi shetty