ಕುಕ್ಕೆ ಸುಬ್ರಹ್ಮಣ್ಯಡ್ ಭಾರೀ ಗೌಜಿಡ್ ನಡತ್ಂಡ್ ಚಂಪಾ ಷಷ್ಠಿ ಮಲ್ಲ ತೇರ್ ದ ಉಚ್ಚಯ

ಸುಬ್ರಹ್ಮಣ್ಯ: ಕರ್ನಾಟಕದ ಪುಗರ್ತೆದ ನಾಗಕ್ಷೇತ್ರ ಕುಕ್ಕೆ ಸುಬ್ರಹ್ಮಣ್ಯ ದೇವಲ್ಯಡ್ ಅಂಗಾರೆ ಚಂಪಾ ಷಷ್ಠಿ ಲೆಕ್ಕೊಡು ಕ್ಷೇತ್ರದ ದೇವೆರ್ ಕುಕ್ಕೆ ಸುಬ್ರಹ್ಮಣ್ಯ ಸ್ವಾಮಿನ ಮಲ್ಲ ತೇರ್ ದ ಉಚ್ಚಯ ಭಾರೀ ಗೌಜಿಡ್ ನಡತ್ಂಡ್.

ರಥಬೀದಿಡ್ ಇತ್ತಿನ ಲಕ್ಷಾಂತರ ಭಕ್ತೆರ್ ಉಂದೆನ್ ತೂದು ಕುಷಿ ಪಡೆಯೊಂಡೆರ್. ಕಾಂಡೆ 7.05 ತ್ತ ವೃಶ್ಚಿಕ ಲಗ್ನಡ್ ದೇವೆರೆನ ಮೂರ್ತಿನ್ ಮಲ್ಲ ತೇರ್ ಗ್ ಏರಾಯೆರ್. ಎಲ್ಯ ರಥಟ್ಟ್ ಉಮಾ ಮಹೇಶ್ವರ ದೇವೆರ್ ಇತ್ತೆರ್. ಎಲ್ಯ ತೇರ್ ದ ಉಚ್ಚಯ ಆಯಿಬೊಕ್ಕ ಚಂಪಾ ಷಷ್ಠಿ ಬ್ರಹ್ಮ ತೇರ್ ಉಚ್ಚಯ ನಡತ್ಂಡ್.