ನಿಡ್ಡೋಡಿಡ್ ನ.27 ತಾರೀಕ್ಗ್ ನಡತಿನ ಗ್ರಾಮೋಚ್ಚಯಗ್ ರಾಜ್ಯ ಸಭಾ ಸದಸ್ಯೆರ್ ಜಗ್ಗೇಶ್ ಭೇಟಿ ಕೊರಿಯೆರ್.
ಅಯಿರ್ದ್ ಬೊಕ್ಕ ಪಾತೆರಿನ ಆರ್, ಗ್ರಾಮೀಣ ಭಾಗಡ್ ಜೋಕುಲೆಗ್ ಸಂಸ್ಕಾರ ಅಂಚನೆ ಶಿಕ್ಷಣ ಕೊರೊಂದಿಪ್ಪುನ ಬೇಲೆ ಮೆಚ್ಚೊಡಾಯಿನವು. ಜೋಕುಲು ದೇವೆರೆಗ್ ಸಮಾನ, ಜೋಕುಲೆಗ್ ಎಡ್ಡೆ ರೀತಿದ ಶಿಕ್ಷಣ ಕೊರೊಡು. ಪೊಪ್ಪ-ಅಮ್ಮಗ್ ಗೌರವ ಕೊರ್ಪಿನ ಸಂಸ್ಕೃತಿ ಕಲ್ಪಾಲೆ ಪಂದ್ ಪಂಡೆರ್.
ಈ ಪೊರ್ತುಡು ಪರಿಸರ ಪ್ರೇಮಿ ನಿಡ್ಡೋಡಿ ವಿನೇಶ್ ಪೂಜಾರಿ ಮೆರೆಗ್ ಜಗ್ಗೇಶ್ ಮೇರ್ ಮಾನಾದಿಗೆ ಮಲ್ತೆರ್. ಆಯಿಬೊಕ್ಕ ವಿನೇಶ್ ನಾಗಲಿಂಗ ಪುರ್ಪದ ದೈನ್ ಜಗ್ಗೇಶ್ಗ್ ಕೊರಿಯೆರ್.
ಈ ಪೊರ್ತುಡು ಶಾಸಕೆರ್ ಉಮಾನಾಥ ಕೋಟ್ಯಾನ್, ವರ್ಕಳ ಶಿವಗಿರಿ ಮಠ ಶ್ರೀ ಸತ್ಯಾನಂದ ತೀರ್ಥ ಸ್ವಾಮೀಜಿ, ಸಾರ್ವಜನಿಕ ಶಿಕ್ಷಣ ಇಲಾಖೆದ ಉಪ ನಿರ್ದೇಶಕೆರ್ ಕೆ.ಸುಧಾಕರ್, ಕಲ್ಲಮುಡ್ಕೂರು ಗ್ರಾಮ ಪಂಚಾಯಿತಿ ಅಧ್ಯಕ್ಷೆರ್ ಕೇಶವ ಪೂಜಾರಿ, ಸಂಗೀತ ಭಾಸ್ಕರ ದೇವಸ್ಯ ಲೇಸ್ಡ್ ಇತ್ತೆರ್. ಈ ಪೊರ್ತುಡು ಜಗ್ಗೇಶ್ ಪಿಚ್ಚರ್ದ ಒಂಜಿ ಪದ ಪಂಡ್ ದ್ ಸೇರ್ದಿನಕ್ಲೆನ್ ಖುಷಿ ಮಲ್ತೆರ್.
pallavi shetty