ಬೆಂಗ್ಲೂರ್ದ ದಂಪತಿಲೆನ ಪ್ರಾರ್ತನೆ ನೆರವೇರಾದ್ ಕೊರಿನ ಕೊರಂಬಡ್ಕದ ಸ್ವಾಮಿ ಕೊರಗಜ್ಜೆ

ಸುಳ್ಯ : ಜಯನಗರದ ಕೊರಂಬಡ್ಕದ ಶ್ರೀ ಸ್ವಾಮಿ ಕೊರಗಜ್ಜನ ನಡೆಟ್ಟ್ ಬೆಂಗ್ಲೂರುದ ಭಕ್ತೆರ್ ಬತ್ತ್ ದ್ ಪ್ರಾರ್ತನೆ ಮಲ್ತಿನ ಮೂಜೇ ದಿನಟ್ಟ್ ಅಜ್ಜ ಅಕ್ಲೆನ ಪ್ರಾರ್ತನೆನ್ ನೆರವೇರಾದ್ ಕೊರಿನ ಘಟನೆ ಇಂಚೊಗು ನಡದ್ಂಡ್.

ಬೆಂಗ್ಲೂರ್ ಮೂಲದ ವಿನಯ ಪನ್ಪುನಾರ್ ಮೂಜಿ ವರ್ಷದ ಪಿರವು ಸುಳ್ಯದ ವ್ಯಕ್ತಿಯೊರಿಯನ ಕೈರ್ದ್ ಒಂಜಿ ಕಾರ್ ದೆತೊಂದು ಇತ್ತೆರ್. ಕಾರ್ ದ ಧನಿಕ್ಕ್ ಕಾರ್ ದೆತೊನ್ನ ಪೊರ್ತುಡು ಅಡ್ವಾನ್ಸ್ ಕೊರ್ದು ಒರಿನ ಕಾಸ್ ನ್ ಕಂತ್ ದ ರೂಪೊಡ್ ಕೊರ್ಪುನೆ ಪಂದ್ ಪಾತೆರಕತೆ ಆದಿತ್ತ್ಂಡ್. ಬೊಕ್ಕ ಕಾರ್ ಡ್ ಬಾಡಿಗೆ ಮಲ್ತೊಂದು ಇತ್ತಿನ ವಿನಯ್ ಗ್ ಕಾಸ್ ದ ತೊಂದರೆ ಆಂಡ್. ಆಯಿಕ್ ಕಾರ್ ದ ಧನಿ ಗಾಡಿನ್ ಬಲವಂತವಾದ್ ದೆತೊಂದು ಪೋಯೆರ್. ನೇರ್ದ್ ಬೇಜಾರಾಯಿನ ವಿನಯ್ ಬೊಕ್ಕ ಅರೆನ ಬೊಡೆದಿ ಸುಳ್ಯಡ್ ಇಪ್ಪುನ ಸಂಬಂಧದಾರೆಡ ತನ್ನ ಕಷ್ಚನ್ ಪಂಡೆರ್. ನೆಕ್ಕ್ ಪರಿಹಾರ ಪಂದ್ ಕೈತಲ್ ದ ವ್ಯಕ್ತಿ ಸುಳ್ಯದ ಜಯನಗರಡ್ ಇಪ್ಪುನ ಕೊರಂಬಡ್ಕ ಶ್ರೀ ಕೊರಗಜ್ಜ ದೈವೋಲ್ಯಡ್ ಪ್ರಾರ್ತನೆ ಮಲ್ಪರೆ ಪಂಡೆರ್. ಆರ್ ಪಂಡಿನಂಚನೆ ವಿನಯ್ ಬೊಕ್ಕ ಬೊಡೆದಿ ದೈವೋಲ್ಯದ ಅರ್ಚಕೆರೆನ ಎದುರು ತನ್ಕಾಯಿನ ಬೇನೆದ ಇಚಾರ ತೆರಿಪಾದ್, ದೈವದ ಸಾನಿಧ್ಯಡ್ ನ.14 ಕ್ ಪ್ರಾರ್ತನೆ ಮಲ್ತ್ ದ್ ಪೋಯೆರ್. ಅಯಿತ್ತ ಮೂಜೇ ದಿನೊಟ್ಟು ಪಂಡ ನ.17 ಕ್ ಕಾರ್ ದ ಧನಿ ಫೋನ್ ಮಲ್ತ್ ದ್ ಶ್ರೀ ಕ್ಷೇತ್ರೊಗು ಬತ್ತ್ ದ್ ಬಾಕಿ ಇತ್ತಿನ ದುಡ್ಡುನು ದೆತೊಂದು ಕಾರ್ ದ ಕೀ ಬೊಕ್ಕ ಕಾರ್ ನ್ ವಿನಯ್ ಮೆರೆಗ್ ಕೊರಿಯೆರ್. ಪಾತೆರಿಯೆರ್. ಉಂದು ಮಾತ ಕೊರಗಜ್ಜನ ಕಾರ್ಣಿಕನೇ ಕಾರಣ ಪಂದ್ ಆ ದಂಪತಿ ನಂಬುದೆರ್.