ಕುಡ್ಲ: ಮಣಿಪುರ್ ಬೊಕ್ಕ ನಾಗಲ್ಯಾಂಡ್ದ ನಿವೃತ್ತ ರಾಜ್ಯಪಾಲೆರ್ ಪಿ.ಬಿ. ಪದ್ಮನಾಭ ಆಚಾರ್ಯ ಮೆರೆಗ್ ಒಡಿಪುದ ಪ್ರಾಚ್ಯ ಸಂಚಯ “ಒಪ್ಪಿಕೊ-ಪಚ್ಚೆವನಸಿರಿ” ಕೂಟದಕುಲು ಸೇರ್ದ್ ಎಸ್.ಎ.ಕೃಷ್ಣಯ್ಯ, ಸುಜಯ ಕೆ ಎಸ್, ಶ್ರೀಧರಭಟ್-ಕಲ್ಯಾಣಪುರ ಬೊಕ್ಕ ರವಿ ಆಳ್ವ ಮೆರೆನ ಇಲ್ಲಗ್ ಪೋದು ಮಾನಾದಿಗೆ ಮಲ್ತೆರ್.
ಉಂದುವೇ ಪೊರ್ತುಡು ಪರಂಪರೆನ್ ತೋಜಪಾವುನ 50 ತುಳು ಶಾಸನಲು ಕೃತಿದೊಟ್ಟುಗು ‘ಮೆಕ್ಕಿಕಟ್ಟೆ ಉರು’- (ಇಂಗ್ಲೀಷ್ ಕೃತಿ) ಅಂಚೆನೆ ‘ಒಡಿಪು ಜಿಲ್ಲೆ ಜಾನಪದ’ ಕೃಷ್ಣಯ್ಯ ಮೇರ್ ಬರೆತಿನ ಪುಸ್ತಕನ್ ‘ಸನ್ಮತಿ ಮಂಥನ-ಜ್ಞಾನ’ ಪ್ರಸಾರಣ ಭಾಗವಾದ್ ಶ್ರೀಆಚಾರ್ಯ ದಂಪತಿಲೆಗ್ ಕೊರಿಯೆರ್.
ಈ ಪೊರ್ತುಡು ಪಾತೆರಿನ ನಿವೃತ್ತ ರಾಜ್ಯಪಾಲೆರ್ ಪಿ.ಬಿ. ಪದ್ಮನಾಭ ಆಚಾರ್ಯ, ಸಂಘಟನೆದ ಮುಕೇನ ಆತ್ಮವಿಶ್ವಾಸ ಎಚ್ಚ ಮಲ್ಪುಲೆ. ಪ್ರಾಚ್ಯ ಸಂಚಯ ಇತ್ತೆ ನಡತೊಂದು ಇಪ್ಪುನ ಜಗತ್ತ್ದ ಕೆಂಪು ಪಟ್ಟಿಡ್ ಇಪ್ಪುನ ಪನೊಲಿ (ಶ್ರೀತಾಳೆ )ಮರತ್ತ ಸಂರಕ್ಷಣೆ ಅಂಚನೆ ರಾಷ್ಟ್ರೀಯ ಚಿಂತನೆ-ಪರಿಸರ ಚಿಂತನೆ ಬಗೆಟ್ಟ್ ಪಾತೆರ್ದ್, ಸಂಘಟನೆನ್ ನನಾತ್ ಗಟ್ಟಿ ಮಲ್ಪರೆ ಧೈರ್ಯ ಕೊರಿಯೆರ್. ಪನೊಲಿ ಮರತ್ತ ಬಗೆಟ್ಟ್ ಇಪ್ಪುನ ವಿಸ್ಮಯನ್ ಕೇಂದ್ ಇಂಚಿತ್ತಿನ ಅಪೂರ್ವ ಸಾಧನೆದ ಕೈಂಕರ್ಯನ್ ಮೆಚ್ಚುಗೆ ವ್ಯಕ್ತಪಡಿಸಾದ್ ಆಶೀರ್ವಾದ ಮಲ್ತೆರ್.
ಬರವಣಿಗೆದ ಪರಿಕರನ್ ಬೊಕ್ಕ ಪರಂಪರೆದ ಪೈಂಟಿಂಗ್ ಅಂಚನೆ ಏಕ ಶೃಂಗಿಯಾಯಿನ ಹಯಗಜನಂದಿ (12ನೇ ಶತಮಾನ)ದ ಮೆಕ್ಕಿಕಟ್ಟು ಒಕ್ಕೋಡು ನಂದಿ ಬಗೆಟ್ ಮುದ್ರಿತ ಪರಂಪರೆ ಆಶಯ ಬಿಂಬಿಸಾವುನ ಕರಪತ್ರನ್ ಈ ಪೊರ್ತುಡು ಬುಡುಗಡೆ ಮಲ್ತೆರ್.
ಕೊಂಕಣಿ ಪತ್ರಿಕಾ ಸಂಪಾದಕೆರ್ ಕೊಡಿಯಾಲ್ ಕಬೆರ್ ವೆಂಕಟೇಶ್ ಬಾಳಿಗಾ ಬೊಕ್ಕ ವಿದ್ಯಾ ಬಾಳಿಗಾ ಅಂಚನೆ ಕದಿರೆ ದೇವಾಲಯದ ಮ್ಯಾನೇಜರ್ ಅರುಣ ಜೋಗಿ ತುಳು ಶಾಸನದ ಕೃತಿ ಅಂಚನೆ ಶ್ರೀತಾಳೆನ್ ಮಾಜಿ ರಾಜ್ಯಪಾಲರೆರ್ದ್ ದೆತೊನ್ಯೆರ್.
pallavi shetty 
Editorial